الموضوع: مبخر التكييف بيسرب مياه داخل العربيه

انا عندى نفس المشكلة

المشاركة الأصلية كتبت بواسطة أسامه الحسيني

الاخوه الاعزاء
انا معايا ميجان 2006 امبارح وانا مشغل التكييف سمعت صوت زى ما يكون حنفيه مياه مفتوحه والصرف مسدود ولما بهدي المروحه الصوت بيقل المهم لما روحت لاحظ فيه مياه اسفل ارضيه الكرسي الى بجوار السواق وحولت ان اوصل للمبخر بتاع التكييف بس للاسف معرفتش فلو حد عنده فكره اوصل ازاى لخرطوم الصرف او ايه ممكن تكون المشكله او ممكن اروح لمين اكون شاكر ليكم

ده بنسبة 99% بسبب السربنتينة بتاعت التكييف السخن و بتبقى فى أغلب السيارات تحت التابلوه، وللأسف فى أغلب الموديلات لازم التابلوه يتفك علشان تقدر تلحم الماسورة اللى بتسرب و بتكلفك من 200 إلى 300 جنيه تقريباً
أنا حصلت معايا و لأنى مش محتاج التكييف السخن كأغلبنا فى مصر و الأهم لنى مش عايز أفك التابلوه لأنه أكيد مش هيرجع زى تقفيل بلاده، أضطررت أنى أفك الخرطومان اللى داخل و اللى خارج من السربنتينة و أوصلهم بواصلة مع بعض وبكده حليت المشكلة و لكن مبقاش عندى تكييف سخن، بس بقالى حوالى 3 سنين بعدها و مفيش مشاكل .. و الحمد لله
وللعلم معايا كليو 2006 فمنصحكش تكلف و تفك و أعمل زى ما أنا عملت علشان التابلوه مش هيرجع زى ما كان وانت عارف مصاريف الرينو عموماً