ممكن الاقى تويوتا ياريس بالسعر ده ؟؟؟

**darkdefender** · 27-05-2014 07:43 PM

المشاركة الأصلية كتبت بواسطة yones

كل اللى اعرفه لغايت دلوقتى ان غلو سعر البنزين تم نفيه وان البنزين مش هيغلى......عامة انا عايز الحق اشترى ياريس حتى لو موديل 2006 مانيوال بأنسب سعر ممكن...ياترى ياريس 2006 مانيوال base line....ممكن تبقى بكام ؟؟؟

فالستينات علي حسب الحالة...
نسيت اقلك حاجة مهمة اليارس صاجها ضعيف و دهنها نفس القصة بيجرح باقل حاجة ,,يعني لو ماشية قدامك عربية رمل او ظلط اضمن انك هتزل هتلاقي نقر كتير فالبوية الفبريقة!!
اللي يقلك ان العربية من 2006 او حتي 2008 فبريقة و متلاقيهاش حتي فيها خاربيش اضمن انه 99% كذاب...
بص كويس اوي علي مدافع الشسيه لانها مبتزلش بفوم ورا الاكصدام يعني اي خبطة هتبان فالمدفع و شسيه الاكصدام علي طول... بص علي الرافرف من جوة خصوصا اللي ورا لانهم اضعف حاجة فالعربية...

و ربنا يكرمك فعربية نظيفة بإذن الله

**Yones** · 27-05-2014 08:13 PM

أتمنى والله فعلا الاقى حالة نضيفة ...طب لو راشة برة و Base line مانيوال موديل 2006 هتبقى فى Range قد ايه ؟؟

**darkdefender** · 27-05-2014 10:18 PM

المشاركة الأصلية كتبت بواسطة yones

أتمنى والله فعلا الاقى حالة نضيفة ...طب لو راشة برة و base line مانيوال موديل 2006 هتبقى فى range قد ايه ؟؟

65-68 لو مش عاملة حدثة (يعني سمكرة خفيفة مش وصلة للعضم)

**Yones** · 27-05-2014 11:03 PM

المشاركة الأصلية كتبت بواسطة darkdefender

65-68 لو مش عاملة حدثة (يعني سمكرة خفيفة مش وصلة للعضم)

شكرا لحضرتك واتمنى فعلا الاقى حالة زى دى بسعر مناسب زى ده مع ان شكل الموضوع صعب ربنا يستر

**Yones** · 28-05-2014 03:09 PM

لقيت على موقع دوبيزيل ياريس موديل 2006 وطالب فيها 57000 جنيه اتصلت بيه قاللى ان العربية حالتها كويسة وراشة برة ومحتاجة سربنتتينة تكييف "Condenser" و بلية عجلة خلفية....يكلفوا كتير؟؟؟ وبالنسبة لموضوع سربنتينة التكييف اللى محتاجة تتغير ممكن ده يبقى معناه ان العربية عملت حادثة جامدة لدرجة ان اللسربنتينة اتكسرت ومحتاجة تتغير؟؟؟

**darkdefender** · 28-05-2014 05:15 PM

المشاركة الأصلية كتبت بواسطة yones

لقيت على موقع دوبيزيل ياريس موديل 2006 وطالب فيها 57000 جنيه اتصلت بيه قاللى ان العربية حالتها كويسة وراشة برة ومحتاجة سربنتتينة تكييف "condenser" و بلية عجلة خلفية....يكلفوا كتير؟؟؟ وبالنسبة لموضوع سربنتينة التكييف اللى محتاجة تتغير ممكن ده يبقى معناه ان العربية عملت حادثة جامدة لدرجة ان اللسربنتينة اتكسرت ومحتاجة تتغير؟؟؟

بص يا باشا العربية دي عملة حدثة جمدة !

سربنتينة اليارس مبتبوظش الا ازي اتخبطت و خبطة خدت معاها شنب , و رادياتير , و الاير باج طلع طبعا و اكيد مغيروش و اكيد جاب راديتر استيراد ال اوحش انه يكون لحمه...

العربية دي لو محتاجة سربنتينة و ظبط تكيف انت بتتكلم في حبة حلوين... 1500-2500 علي خسب حالة باقي المكونات دا لو الكباس سليم

معرفش حوار البلية بس هو موضوع سهل ,بس المقلق انه ليه هو معملوش و بيبعها معيوبة؟اكيد في انة...

نرجع للاساس العربية دي غالبا هتلاقي ملعوب فيها جامد بص بردو خد معاك حد بيفهم ولو عايز نمرة مكنيكي شغال فالتوكيل ينزل معاك ممكن ابعتلك نمرتوا خصوصا زي مقلتلك قبل كدا لو الاير باج فتح و متغيرش انت بتكلم ف 7,000جم او اكتر منصوب فيهم...

**darkdefender** · 28-05-2014 05:23 PM

اضافة العربية سعرها بعد الحدثة فعلا يعمل 57 بس تكون كل حاجة سليمة 100% و كله الاتغير خصوصا فالموتور و التكيف اصلي..

**Yones** · 28-05-2014 09:22 PM

شكراً جداً لرد حضرتك المفصل.....يبقى كده اصرف نظر عن العربية دى أحسن طالما فيها لعب كتير وحادثة جامدة وكمان هتكلفلها بتاع 10000 جنيه كمان (سربنتينة و ايرباج وبلية عجلة) شغلانة يعنى...كده ادور على واحدة تانية احسن......يارب بس الاقى واحدة حالة كويسة فى رينج 65000 جنيه