تعرف علي سعر تويوتا كورولا 2014 قبل الضرائب !!

**mo7a_mo7a** · 28-05-2014 11:43 AM

علي فكرة الضرائب المماثلة في اوروبا 19% لكن مفيش جمارك تقريباً

حضرتك احنا هنا بدفع ضعف تمن اي سيارة بيكون النصف الثمن الحقيقي والنصف الثاني جمارك وضرائب وربح خرافي للوكيل

تحياتي

**Mohamed.Hany** · 28-05-2014 12:59 PM

افقر بلد و بيتياع فيها اعلي سعر للعربيات !

سبحان الله

**jdmm** · 28-05-2014 08:30 PM

استاذ محمد أساساً السعر من غير ضرائب مبالغ فيها

وبتتباع أغلا من الكامري 2014 2.5 بالدول الثانية

**Mohamed.Hany** · 28-05-2014 08:37 PM

المشاركة الأصلية كتبت بواسطة jdmm

استاذ محمد أساساً السعر من غير ضرائب مبالغ فيها

وبتتباع أغلا من الكامري 2014 2.5 بالدول الثانية

اكيد طبعا احنا في مصر و كل العربيات للاسف بالشكل ده

**ahmed_elshafey** · 30-05-2014 12:21 AM

المشاركة الأصلية كتبت بواسطة darkdefender

يا جماعة انا مش شايف ايه سبب التعجب.. ما كل العربيات و جميع المركات نفس الكلام و الدنيا مشية كدا بقلها 40 سنة و رد الحكومة ديما بيكون الدعم.... و خلي بلكم لو العربيات رخصت عن كدا و البنزين مغلاش الزحام هيكون فوق الوصف و كل بيت هيكون عنده عريتنين تلاته..... دي مشاكل متراكمة هتيجي تحل من نحية هتبوظ حاجة من النحية التانية و انا الصراحة شايف ان التعرفوا احسن من المتعرفوش مش عايز الصراحة يتجرب فيا فالفترة دي خلي الدنيا تعدي علي خير..

ما احنا بنقول يشتالوا الجمارك الفظيعة دي و يرفعوا الضرايب خالص و يشتالوا الدعم عن البنزين. مافيش دولة محترمة في العالم بتدعم الاستهلاك الفردي لسلعة غير أساسية زى البنزين.
و عادي لما يبقى السعر 6 جنيه و نص، و على فكرة كده برضه بكون رخيص بالنسبة للي برا ( ما عدا معظم دول الخليج ). و ياخدوا الفلوس بتاعة الدعم فى ميزانية قطاع المواصلات و يجيبولنا الأتوبيس الدورين و يعملوله حارات مخصصة. نبقى زى الدول النظيفة و لو الدعم اتشال أصلا الزحمة هتروح خالص ﻷن ماحدش هيركب العربية ب 6 او 7 جنيه في الليتر الا للمشاوير الشديدة. و هنحافظ على البيئة على الأقل و نريح دماغنا من منظر الشارع المصري اللى يصعب على الكافر ده. و بدل ما تنزل المشوار نص ساعة بدري تنزل براحتك و متمزج.
أحلام يقظة يا جماعة بعيد عنكم

**hossam_elwani** · 30-05-2014 01:49 AM

لا انا عايزك تجيب من الاول ياباشا من قبل الجمارك

انا شارى الكروز بسعر 150 الف سعرها قبل اى حاجه من الجمارو والضرايب والرسوم 88 الف تقريبا

ومفيش معنديش مش قادر اديك وحبرفع الدم ولنا الله

لا ياعم انا عايز العربيه بسعرها بدون جمارك وحدفع البنزين بالسعر الحر كده تمام يابلد ... فرق التمن يمشونى بالسعر الحر الى اخر عمرى ولسه حيكون ليا فلوس كمان

**svneleven** · 01-06-2014 04:54 AM

المشاركة الأصلية كتبت بواسطة hossam_elwani

لا انا عايزك تجيب من الاول ياباشا من قبل الجمارك

انا شارى الكروز بسعر 150 الف سعرها قبل اى حاجه من الجمارو والضرايب والرسوم 88 الف تقريبا

ومفيش معنديش مش قادر اديك وحبرفع الدم ولنا الله

لا ياعم انا عايز العربيه بسعرها بدون جمارك وحدفع البنزين بالسعر الحر كده تمام يابلد ... فرق التمن يمشونى بالسعر الحر الى اخر عمرى ولسه حيكون ليا فلوس كمان

طب ما تيجي نحسبها؟
أولا أنا هاخد ال 88 ألف مسلم بيه و ان كنت أشك أن الفرق للدرجة ديه.
المهم الحكومة واخدة منك 62000 جنيه في الجمارك تعالي نشوف يعيشوك بنزين أد ايه.
هنفترض اللتر بيمش 10 كم و أنت بتمشي 2000 كم في الشهر يعني محتاج 200 لتر كل شهر و أن السعر 1.85 و من غير دعم 6.5.
62000/(6.5- 1.85)=13333. يعني فلوس الجمارك بتخلي الحكومة تدعملي 13333 لتر.
13333/ لتر 200 = 66.6 شهر يعني حوالي 5 سنين و نص.
باختصار الحكومة لو ما خدتش 62000 جمارك من حضرتك يبقي أنت هتصرقهم علي البنزين غير المدعوم لمدة 6 سنين و نص و بعد كده تبتدي تدفع زيادة.
طبعا لو عملنا الحسبة ديه علي موتور كبير الجمارك أعلي ممكن تلاقي الجمرك يمشيه حوالي 30 سنة أو أكتر.

-

الموضوع: تعرف علي سعر تويوتا كورولا 2014 قبل الضرائب !!

LinkBack

أدوات الموضوع

عرض

-

-

-

المواضيع المتشابهه

.:: مقارنة تفصيلية مبين تويوتا كورولا 2014 و هوندا سيفيك 2014 ::.

مقارنه قوية بين تويوتا كورولا 2014 و رينو فلوانس 2014

مقارنة تفصيلية بين تويوتا كورولا 2014 و تويوتا اوريس 2014

مبيعات تويوتا كورولا 2014 بالارقام في الربع الاول ل 2014 في المركز الثاني

مقارنة تفصيلية مبين تويوتا كورولا 2014 و تويوتا اوريس 2014

الكلمات الدلالية لهذا الموضوع

المفضلات

المفضلات

ضوابط المشاركة