هل يحمى الحجاب الفتيات من التحرش والمعكاسات بعد ازدياد التحرش بالفتيات فى الاونة الاخيرة ؟
عرض للطباعة
هل يحمى الحجاب الفتيات من التحرش والمعكاسات بعد ازدياد التحرش بالفتيات فى الاونة الاخيرة ؟
الحجاب بيحمي ...
اللي احنا بنشوفه و بيقولوا عليه حجاب مش بيحمي .. بيزود
و سلوك البنت الظاهر امام الناس و طريقة مشيها سواء كانت لابسه حجاب او نقاب او حتي مش لابسه حجاب خالص
لما النفوس تفسد والذمم تخرب وربنا واليوم الآخر ومكارم الأخلاق يبقوا كلام فارغ
يبقى مفيش حاجة هتحمى حد من اى شئ الا رحمة ربك , لا حجاب هيمنع واحد نفاية من انه يتحرش بواحدة حتى لو لابسة درع رومانى وماشية بيه فى الشارع , ولا شيبة شعر راجل عجوز هتمنع واحد حقير من انه يتطاول عليه بالسب , ولا ست كبيرة من انها تتسرق , ولا طفل برئ ان يتم التحرش بيه جنسيا .
اظبط ذمم الناس ونام وباب بيتك مفتوح وللأسف معظم الناس عوام يعنى يخافوا ميختيشوش .
it depends on the definition of 7egab we are talking about here
حد شاف فيلم مرجان احمد مرجان؟؟
شوفتم البنت المحجبة اللى مانتمة مع عمرو دياب؟؟
دة حجاب؟؟
شكرا
MMamdouh
الحقيقة الموضوع يحتمل الاجابتين باه او لا معتمد على نوعيه الموقفيعنى لو واحدة لابسه الحجاب الشرعى صعب انها تتعاكس او حد يتحرش بيها فى المواقف العاديه (وخد بالك من كلمة المواقف العاديه)ونفس الواحدة اللى لابسه الحجاب الشرعى لو كانت ماشيه فى شارع جامعه الدول العربيه فى العيد كانوا ال 100 واحد (اى كان عددهم) كانوا هيتحرشوا بيها يبقى نقدر نقول ان فى الاحاول العااديه الحجاب الشرعي بيقى البنت من المعاكسات السخيفه والتحرشفى الاحاول غير العااديه صعب ان فيه اى حاجة تحمى البنتلكن احنا سايبين المشكله الرئيسية وبتكلم فى مشاكل فرعيهليه الولاد دول بيعملوا كده ليه بيتجمعوا بالمئات فى العيد ويتحرشوا بالبنات والستاتان كان يدل فانما يدل على فساد اخلاقى وانحطاط وقلة ادب وصل ليها الشباب المصرى بمرحلة غير مسبوقهويدل ايضا على اهتمام الاجهزة الامنيه بالامن السياسي لا بامن المواطنينوغير كده كمان ان البوليس المصرى لايقيم وزن لاعراض وبينتهك حرمات الناس (ستات ورجاله)لاحول ولا قوة الا بالله اللهم لا تؤاخذانا بما فعل السفهاء منا
المحجبة حجاب يرضي الله لا أعتقد تتعرض لتحرش أبدا
أما اللي مغطين راسهم (لانه مش حجاب) فهي أدعي للتحرش لانها كالمستهزئ بالله
كلمة الحجاب تعني الستر الكامل أما الحجاب المودرن فهو اشارة كأن الفتاه تدعو الشباب لينظروا اليها
الكل يعلم أن بعض الملابس مثيرة للإغراء أكثر من أن تخرج المرأة عارية تماما و بالتالي ليس كل ما يُلبس يستر بل إن بعض ما يُلبس يفضح و يكشف أكثر من عدمه
ليس بعد كلام الله كلام
هذا كلام رب العباد عن الفائدة من الحجاب
يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ۚ ذَٰلِكَ أَدْنَىٰ أَنْ يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَحِيمًا (59)
اعتقد ان التحرش له اسباب كثيره ليس فقد حجاب البنت او عدم ارتدائها الحجاب مثلا
فى السبعينات ظهرت موضه المينى جيب وغيرها ومع ذلك ما حدش كان بيسمع عن حوادث تحرش زى اليومين دول
المشكله فى انعدام الاخلاق وعدم وجود وعى دينى لدى الشباب وارتفاع سن الزواج وارتفاع معدل البطاله وغيرها التى تجعل من الشباب قنابل موقوته تنفجر فى اى لحظه وفى اى مكان اللهم احفظ بناتنا واحمى اولادنا
كلام موزون تماماً
بارك الله فيك
الحجاب الحقيقي الذي يرضي الله تعالى (الذي لا يشف ولا يصف ولا يكون زينة في نفسه)
الحجاب الفاسق وهو الذي تلقب لابسته بالكاسية العارية فهي تتجمل بالحجاب لأعين الشباب وغيرهم في الشوارع وتلبس حجاباً يزيد من فتنتها وتفتن عباد الله وخاصة الشباب ولا حول ولا قوة إلا بالله
والله تعالى يقول في كتابه الكريم أن الحجاب هو حماية للمرأة من التحرش والأذى (بالطبع المقصود هو الحجاب الحقيقي الذي يرضي الله سبحانه وتعالى)
يقول الله تعالى :
(َا أَيُّهَا النَّبِيُّ قُل لأَزْوَاجِكَ وَبَنَاتِكَ وَنِسَاءِ المُؤْمِنِينَ يُدْنِينَ عَلَيْهِنَّ مِن جَلابِيبِهِنَّ ذَلِكَ أَدْنَى أَن يُعْرَفْنَ فَلاَ يُؤْذَيْنَ وَكَانَ اللَّهُ غَفُوراً رَّحِيماً </B>http://www.al-eman.com/Quran/ayas/59.gif )
سورة الأحزاب
صدق الله العظيم
وأفلحنا ونجحنا إن أطعنا ربنا
هو انا فيه سؤال كدة واقف فى زورى وكابس على نفساويتى:
هو انا لو شوفت عربية بى ام دبليو الفئة السابعة آخر موديل واقفة فى الشارع ، هل وجودها وشكلها الملفت يدينى الحق فى انى اروح اكسر قزازها وادورها بطريقة او بأخرى واخدها لفة وبعدين ابقى اقول لصاحبها معلش اصل شكلها مغرى مدقرتش اقاومها؟
هل وجود مطعم يقوم بشوى الكباب او الكفتة وينشر رائحتها فى الشارع ده يدينى الحق انى اجرى اخطف سيخين كفتة وآكلهم واقول معلش اصلى مقدرتش اقاوم الريحة؟
فى الحالتين انا حرامى وفى الحالتين المذنب الاول والأخير هو انا فقط
نفس الحالة، وجود واحدة فى الشارع ايا كان شكل لبسها (لست هنا بصدد مناقشة اذا كان من حقها او مش من حقها تلبس اللى تلبسه فهذا ليس موضوعى ولا هدف مداخلتى نهائيا وارجو من اى حد يتفضل بالرد على مداخلتى انه ميدخلنيش فى هذة المتاهة) يدى الحق لكأئن ايا من كان انه يفضل يبحلق فيها او يقول لها كلام نابى او يمد يده عليها او يهين خصوصيتها بأى شكل من الأشكال؟
المذنب والمذنب الوحيد فى التحرش هو السافل الذى تحرش، فكما ان مظهر السيارة ليس مببرا لسرقتها ورائحة الطعام ليست مبررا لسرقته فمظهر الفتاه ليس مببرا لاختراق خصوصيتها،
فالأمر لا يمكن التعامل معه على طريقة: "طالما انتى مبتسمعيش الكلام يبقى تاخدى على دماغك" لسبب بسيط ان البنت اذا كانت قاصر فلها اب وام(فقط وليس اخ طالما انه ليس ولى امرها)يحاسبونها، واذا كانت راشدة فلها قانون وضعى يحاسبها اذا تجاوزت نصوصه ولها الله تعالى يحاسبها اذا تجاوزت تعاليمه فى غير تجاوز للقانون الوضعى، لكنها ليست ملكية على المشاع لكل عابر سبيل فى الطريق لينال منها بدعوى انها خالفت تعاليم الزى وبالتالى تستحق ما يحدث لها.
كل منا يرى من المغريات من كافة اشكال متاع الحياه ما يطير الألباب ومع ذلك فان كل منا يعرف حدوده ويتعفف عن مد يده الى حرام سواء كان هذا الحرام مال او متح حسيه او ايا ما كان
فلماذا نستثنى اخوتنا من الفتيات من هذة القاعدة ونرى ان مجرد اتهام احد متشردى الأزقة عليها بأن لبسها ليس على مقاس العفة الذى يفترضه هو اتهام نافذ يضع عليها حكما فوريا واجب النفاذ بالتحرش و الانتهاك من كل منت تطولها يده
نربى ولادنا كويس الأول ونعلم اهالينا فى الأرياف والمناطق الفقيرة انهم مش كل 9 شهور يجيبوا عيل يرموه فى الشارع ليتولى تعليمه لأن العيال دى هى اللى بتفرض علينا قيم الشارع ، لأن اللى شايف ان لبس البنات مش على مزاجه ويشكل زريعة للتحرش بها ممكن بكرة يطلعله اللى يكون شايف ان مستوى لبس واحدة ممن يهمه امرهن-حتى لو منقبة-مش على المستوى اللائقو يتحرش بها بهذة الذريعة
طيب الشيء بالشيء يذكر
ايه اخبار العيال الرمم بتوع جامعه الدول؟
الموضوع نام ولا ايه؟
كلنا نتفق على هذا الكلام بكل تأكيد
فالمذنب الكبير هو ذلك المنحط السافل الذي فعل الجريمة الشنعاء بالمعاكسة والتحرش
ولكننا لن نغفل ذريعة مهمة
فعندما نضع النار بجوار البنزين ستأكه النار بكل تأكيد
لماذا
لأن النار لا تحترم الحدود وليس عندها أدب الخصوصية
لذلك نحن نضطر أن نبعد عنها البنزين لمسافات كبيرة
وكذلك إذا قال الله تعالى: (زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ ) آية 14 من سورة آل عمران
ولكن الله جعل لكل رجل قدرة على التحكم بشهواته
وإذا غلبته شهواته فهو المذنب الوحيد ويستحق العقاب وحده
وهذا لا يجعلنا نبرر لكل من تذهب أمام نوعية من الناس من الساقطين أخلاقيا ولا يتحكمون في شهواتهم وللعلم فهم قد ملأو الشوارع والطرقات
ثم تثير غرائزهم وشهواتهم بعريها أو بلبسها الخليع أو بحجابها الذي يشف ويصف تفاصيل جسمها وهو في ذاته زينه (عكس شروط الحجاب الإسلامي)
فإذا قام أحدهم وهو مثل النار في المثال السابق وإعتدى على حرمها الأمين فهو مذنب حقير وسافل ولكنها أعانته على ذلك بقصد منها أو بجهل
هذا ما أقصده
وليس المقصود هو تبرير جريمة
ولكن دراسة أسباب جريمة
وبالتأكيد من أسبابها الأخرى إنعدام التربية وغير ذلك
اقتباس:
هو انا لو شوفت عربية بى ام دبليو الفئة السابعة آخر موديل واقفة فى الشارع ، هل وجودها وشكلها الملفت يدينى الحق فى انى اروح اكسر قزازها وادورها بطريقة او بأخرى واخدها لفة وبعدين ابقى اقول لصاحبها معلش اصل شكلها مغرى مدقرتش اقاومها؟
هوه فيه حد برضه يسيب عربية غالية زي ديه مش مقفولة و ازازها مفتوح
و يرجع يلوم اخلاق الناس لما تسرق كلها او حاجة منها ..
عربية غالية زي ديه لازم صاحبها يكون حريص عليها اوي ..
و ان كان لازال اللي يقربلها سافل و حرامي و فيه العبر ..
عندي انا سؤال لحضرتك يا استاذ خالد ..
هوه ليه حضرتك بتقفل العربية بعد ما تركنها ؟
من اول المذنب الوحيد انا متفق معاك ..
بقفل العربية لأنها دابة من الحديد والبلاستيك لا عقل لها ولا تعى من امر نفسها شيئا وسوف ستستجيب لكل من يستطيع تدوير محركها دون تمييز لكونه صاحبها ام لها
ومثلها اكون مسئولا عن ابنائى القصر ممن لا يعون من امر نفسهم الكثير ولم يصلوا للمرحلة التى يكونون مسئولين فيها عن افعالهم
لكن الانسان البالغ اللى ربنا اداله العقل والتكليف وحمله الأمانة سواء كان ذكرا او انثى (وكلامنا هنا عن الانثى تحديدا) فهى تعى امر نفسها ومش محتاجة حد يقفلها بالمفتاح لأن مفروض انها بمجرد وصولها لسن الرشد مفاتيحها بقت معاها هى شخصيا واصبحت مسئولة عن اختيارتها لأن ربنا هيحاسبها عليها
وطبعا احترم رايك حتى لو اختلفت معاه
معلش فيه فرق كبير اوى يا ابو السباع...
يعنى لما انت يبقى عندك حتة 740 مركونة تحت بيتك و مقفولة و متامنة بالانذار و متغطية و مش بعيد انت سايب بيتكم و نايم فيها خوفا عليها اساسا.... ساعتها يبقى انت عملت اللى عليك و زيادة.... و دة مش حيمنع تعرضها للسرقة بس حيقلل الاحتمال دة لابعد الحدود.... صح؟؟
دة يختلف تماما انك تاخد الحتة ال 740 توقفها فى شارع مهجور و الباب مفتوح و المفاتيح فى الكونتاكت.... دة اسمه اهمال و استهتار و لو حد اخد العربية لفة يبقى صاحب العربية ميلومش الا نفسة (انا شخصيا ممكن اشاور عقلى... دى 740 يا جدعان)
انا هنا مش بجيب مبرر للى سرق العربية... بس فيه فرق لما واحد ماشى فى لشارع يلاقى اغراء بالشكل السافر دة و نلومة ان الشيطان لف دماغة ووقعة فى الغلط فى حين ان كان ممكن نصعب مهمة الشيطان الف مرة مما هو عليه
مش عارف دة مثل ولا حكمة ولا كان ايه بس انا سمعت مقولة ان الذئب لا ياكل من الغنم الا التى بعدت عن القطيع... المقصود هنا اللى بيتعرض للهجوم و الانتهاك هو من يعرض نفسة للخطر
كلنا موافقين على ان المتحرشين جنسيا ناس منحرفة و تستحق العقاب... طيب ليه نسهل عليهم الموضوع بالاغراء و خلافة؟؟
المتحرش دة فى النهاية واحد عارف انه بيغلط... يعنى بيبقى بيعمل كدة و هو خايف و قلقان و بالتالى مش حيقدم على الخطوة دى الا لو توافرت شروط معينة تضمن انه ميتمسكش و كدة.... و اكيد اكيد مش حيفكر يعمل كدة فى عز الضهر او شارع منور و فيه ناس او قدام قسم او قهوة او يهاجم واحدة معاها راجل او اكتر... و بعد كل دة اكيد حيهاجم واحدة شدت انتباهة بلبسها او مشيتها و خلافة... مهو بياخد مخاطرة كبيرة يبقى لازم تكون حاجة تستاهل
MMamdouh
هو باعتبارنا مسكنا فى مثال البى ام دبليو فخلينى اوضحه لانى مقلتش ان صاحب العربية سابها مفتوحة،(حتى والله قلت انى هكسر القزاز) كل اللى قلته ان شكلها مغرى
وهو ما اعتبره المثال الأقرب لحالتنا لأن الفتيات اللى بيتعرضوا للتحرش فى بلدنا مش ماشيين يعنى لابسين من غير هدوم لا سمح الله لكن كل ذنبهم انهم فتيات وايا كان لبسهم فيه اللى هيعتبره مغرى
متهيألى ان كدة وجهة نظرى وضحت شوية
مهو دة اللى احنا بنوضحة برضة... يعنى لو لقيت عربية تاكسى 125 مفتوحة... تفتكر حد حياخدها؟؟
الموضوع داخل فيه بند اغراء كبير يا جماعة... و المثل بيقول ان سرقت اسرق جمل... يبقى اللى عايز يعمل حاجة زى كدة اول حاجة حتلفت نظرة واحدة بنت... و طبعا انتوا عارفين عناصر "لفت الانتباه" اللى نقصدها و بعدها يدخل الشيطان لتسهيل الموضوع.. "دى لوحدها"... "الشارع هادى"... "دى فرصة متتفوتش" و بعدها.....
يبقى من الاول سواء البنت محجبة ولا لا لازم تبعد عن الاغراء و لفت النظر الزائد عن الحد و يجى بعد كدة اتخاز اجراءات الحماية المعروفة
ببساطة البنت المحترمة حتتعرض لتحرش فى الظروف الغير عادية و البنت المغرية الملفتة للنظر حتتعرض لتحرش فى الظروف العادية
MMamdouh
انا مع حضرتك جدا وذلك عن تجربة شخصية بعد ما الله سبحانة وتعالى انعم عليا ولبست حجاب شرعى حسيت اد اية الفرق فى نظرات الناس ومعاملتهم ليا رغم انى مكنتش متبرجة يعنى عشان محدش يفهمنى غلط لكن بصراحة كنت لابسة البنطلون وعلية بلوزات طويلة وعلى الرغم من ذلك كنت اتعرض لبعض المضايقات وللاسف مكنتش اعرف ان الحل بسيط اوى وهو تنفيذ تعاليم دينى بصورة صحيحة هيبعد عنى كل المضايقات والحمد لله
ودة للأسف نتيجة ان الشباب دلوقتى يهمها المظاهر جدا يعنى حتى لو البنت ماشية فى حالها ومؤدبة انا متأكدة انها هتتعرض لمضايقات
وانا حبيت اشارك بالكلام دة لعل فتاة تكون مترددة فى لبس الحجاب الشرعى(الذى لا يصف ولا يلفت ) مثلما كنت انا سابقا واقول لها متتردديش لحظة لو احنا حفظنا نفسنا الشباب هتحفظ نفسها لأنها مش هتلاقى اللى تقدر تتعدى علية حتى لو بالنظرة
أ/ سبعاوى
احترامى لحضرتك طبعا ولارائك
لكن تعقيبى البسيط هو ان فى ضعف فى النفس البشرية مش كلنا نقدر نتحكم فية وهقول لحضرتك مثال بسيط
حد السرقة (بقطع الايدى ) لايقام الا على السارق الذى دخل بيتك عنوة وسرق منها ما سرق
و لا يقام على شخص وجد مالا امامة وسرقة فى لحظة ضعف ايمانية وبشرية والله أعلى وأعلم
يارب اكون قلت المثال صح واللى عايزة اوضحة منة ان احنا بشر وما لم تدعمنا قوة ايمانية بالله كبيرة اكيد هنضعف
عشان كدة زى أ/ احمد ما قال نبعد البنزين من جنب النار
ولكم منى جزيل الاحترام
تمام ... المهم نعمل اللي علينا . و نصعب مهمة الشيطان من الانس و الجن .....و في الاخراقتباس:
فى حين ان كان ممكن نصعب مهمة الشيطان الف مرة مما هو عليه
لايرد الحذرُ القدرَ ..
بسم الله الرّحمَنِ الرّحيم
إلى كلّ مسلمٍ ومُسلِمة
عندما ينتشر أنّ الحجاب عبارة عن غطاء رأس فقط
ولا مانع من ارتداء بدي وبنطلون جينس...
أو عبارة عن ( غطاء رأس وبدي كارينا و جيبة ضيّقة) ... إلخ
وعندما تكون هذه الملابس هي الملابس الشائعة بين المسلمات
ويعتقد البعض أن هذا حجاب
.
.
فكان حقًا على كلّ واحدٍ منّا أن يقوم بدوره من أجل تغيير هذا المفهوم الخاطئ وتصحيح ملابس الأخت المسلمة
شاركونا...
إلى كلّ غيور على أخته المسلمة
إلى كلّ غيورة على أختها المسلمة
ها قد أتت الفرصة لنكون من أهل هذه الآية
(( كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنْ الْمُنكَرِ ))
الدّين النّصيحة
وما أجمل الدّعوة لفرضٍ من فروض الله ( الحجاب )
هيا إبدأ من الآن
انصح ابنتك ... أختك ...زوجتك... والدتك ... قريبتك
هيا إبدئي من الآن
أنصحي ابنتِك ... أختِك ... والدتِك ... قريبتِك ... صديقتِك
أختي المسلمة ...
تمسّكي بحجابِك الواسِع الفضفاض الّذي لا يصف ولا يشف
أختي الكريمة...
يا من رضيتِ بالله ربّا وبالإسلام دينا وبمحمد صلى الله عليه وسلّم نبيّا ورسولا
إنّ من الرّضا بالله ربًا وبالإسلام دينا وبمحمّد (ص) نبيّا ورسولا
اتّباع ما أمرنا الله به وفقًا لما وضّحه رسولنا صلّى الله عليه وسلّم
أختي الحبيبة...
إنّ في ارتداء الحجاب بشروطه الكاملة
درءًا للفتن واجتنابًا للمفاسد
فيه العفّة والكرامة
فيه طاعة الله ورضاه
http://www9.0zz0.com/2008/10/12/14/998060146.jpg
http://www3.0zz0.com/2008/10/12/14/769138022.jpg
انطلاقا من نفس مبدأ ان الدين نصيحة
ايه رأإيكم برضه نبدأ من الآن
إبدأ من الآن
انصح ابنك ... أخاك ..... والدك ... قريبك...صديقك
هيا إبدئي من الآن
أنصحي ابنك ... أخيك ... والدك ... قريبك ...زوجك
أخي المسلم ...
تمسّك بدينك وادميتك واحترامك لنفسك وتوقف عن النظر الى اختك فى الطريق باعتبارها سلعة متاحة لكل من يخطف قطعة ويجرى، هذة التى فى الطريق انسان مثلك لا تقل عنك فى شئ، لا هى فريسة ولا انت سبع كاسر، احترمها لكى يحترمك المجتمع وتحترم نفسك وتظفر برضا الله
يعنى انا شايف النصيحة دى برضه مهمة جدا حتى تستوى كفتى الميزان لأن مش منطقى ابدا انى ابحث عن العذر للجانى واقول اصل النار مولعة جواه واوجه النصح والارشاد للضحية دون انصح الجانى بالكف عن افعاله، ناهيك عن ردعه عنها بشكل صارم
للاسف الشديد
النهارده كنت في روكسي ماشي بالرعبيه داخل علي صلاح سالم, و الطريق كان زحمه شويه علشان المترو بيعدي
لغايه هنا عادي
بس اللي مش عادي و حصل للاسف الشديد
كانت واقفه واحده في حوالي التلاتينات و لابسه لبس اسود عادي(بس واضح انها في حاله حداد) المهم كانت واقفه مستنيه الطريق يفضي تعدي
و المترو كان ماشي و شويه عيال
و الله شويه عيال مدارس تقريبا محصلوش ثانوي حتي راكبين المترو و اول ما شافوها هاتك يا معاكسه و بسبسه
و الله كان هاين عليا انزل اديهم علي دماغهم بس الموقف مسمحش
و اللي يفرس ان المترو كان مكتظ بالبشر من مختلف الاعمار بنات رجاله ستات شباب
ولا كأنهم شايفينهم
ياريت اللي يشوف حاجه زي كده و يقدر ينهر الحيوانات دول ميتئخرش
يمكن بكره واحد لا شافه ولا يعرفه يعمل كده مع مراته او بنته و يحميهم برضو
والله مش عارف انا قريت الموضوع كله و مش عارف حاسس ان الاسباب اكبر من اللي بيتقال
يعني فين البطاله و تضخم الاسعار الموجود في البلد فين التربيه الخطئ و عدم التوجيه الصحيح فين الناس اللي عندها عيال كتير بدون ادني مسئوليه علي التربيه و تنتهي تربيتهم في الشارع
انا شايف ان الموضوع اكبر من الحجاب و كده حتي لو كان حجاب -موديرن
زي ما الاستاذ سبعاوي قال و اعطي اقرب الامثله للموقف
العيب في الناس و البلد
انا عندى رأى و حابب إنى أقوله
اعرف ناس كتير منهم اللى سافروا لتركيا و منهم اللى راح المانيا و غيرها من البلاد الاوروبية اللى إحنا بنعتبرها منحلة
و كلهم بيحكوا نفس الحكاية بالظبط
إنك ممكن تلاقى واحدة قاعدة فى الأوتوبيس ترتدى لبس (مينفعش يكون موجود فى مصر) و رغم كده محدش بيبص عليها و لا حد بيعكسها و كل واحد فى حاله
و الحاجة تانية و دى برضه سمعتها من أكتر من واحد
انك لو وقفت فى الشارع و راقبت الناس هتلاقى ان كل واحد ماشى فى طريقه (يعنى ليه هدف) و ملوش دعوة باللى بيحصل حواليه حتى فى المترو هتلاقى اللى بيقرا كتاب و اللى حاطط السماعات و مع نفسه
اللى انا أقصده إن عادة مراقبة الناس دى حاجة مرضية موجودة فى الشعب ده... لدرجة انى لما أركب الترام الصبح (عشان بيبقى فاضى) بلاقى الناس بتبص عليا كأن فى حاجة غلط .... فما بالك لو بنت ماشية فى الشارع او ركبت اى مواصلة
معلش حاجة أخيرة
عندنا فى الكلية كان فيه شوية شباب ظريف راحوا كاتبين ورق و ووزعوه بإسامى أحلى البنات اللى فى الكلية (و الله انا شفت الورقة بنفسى) و اللى يضايق إن معظم البنات اللى ورد أساميهم بنات فى منتهى الأدب و الإحترام و مستحيل حد يقول عليهم كلمة واحدة غلط
يا جماعة المشكلة هى بقت فى الأخلاق و بلاش نعلق كل مشكلة على شماعة الإقتصاد و البطالة
و انا بصراحة شايف ان الغلط على الشباب (اللى المفروض إنهم رجالة)
من قراءات قديمة أذكر أن المؤرخين في عصور الاضمحلال المملوكي (يعني لا بادي ولا كارينا ولا حجاب مودرن، كله خمار ساتر من الرأس للقدمين) ذكروا أن الرعاع ينتشرون في الأسواق المزدحمة ويلتصقون بالسيدات "حتى يقضي الرجل وطره" مكتوبة هكذا في كتب المؤرخين.
الجملة فاكرها كويس وكنت باقول إنه من مبالغات المؤرخين ..
أظن أن مؤرخي هذا العصر سيقولون أنه في عصر الاضمحلال الحالي يتجمع الرعاع في قطعان همجية لاصطياد أي فتاة تقع في طريقهم واللهو بهن "حتى يقضي الرجل وطره" !دون رادع لا من "بغال" الدورية الراكبة النائمين في سيارات فخمة مكيفة ولا من "حلاليف" الشرطة المترجلة التي لا وجود لها.
انتشار التحرش هو إحدى ثمرات الاضمحلال -على جميع الأصعدة- ولا دخل لنوع الملابس في هذه الظاهرة. والسؤال عن حماية الحجاب بعيداً عن معطيات الزمن وظروفه أراه غير منطقي .. وتحميل البنت وحدها مسئولية مايحدث فهذا ضد المنطق والإنسانية والدين، فكما أمر الله النساء بالحجاب، أمر الله الرجال بغض البصر وكف الأذى في الطريق.
وآسف على عدم لياقة بعض الكلمات بالمداخلة.
الحجاب عنصر من مجموعة عناصر مهمة جدا بتوافرها جميعا ان شاء الله تشكل حصنا وحماية بأمر الله للبنات
من هذه العناصر
1-التربيه الدينيه الصحيحه
2-اللبس المحتشم
3-الحجاب الشرعي
4-غض البصر
5-الوقار والاستقرار في البيت قدر المستطاع وعدم الخروج للفاضيه والمليانه
6-البعد عن الاختلاط واماكن الاختلاط والشبهات
وبالنسبه للأهل
الحث على الزواج المبكر وتيسير الامر لكل من الطرفين الولد والبنت
انا شايف ان من اهم اسباب انتشار التحرش هو احدى نتائج وثمرات غياب وانعدام الامن ولا فيه دوريات راكبه وتلاقوا المخبرين على المقاهى وامناء الشرطه كل همهم تجميع الاتاوات من الشعب والظباط على مكاتبهم
الواحد بجد بيحترم جدا البنات اللى بيمشوا فى حالهم وبيتجنوا تجمعات الماره وبيكون لبسهم فعلا واسع وطويل بس برده لو اى بنت من دول اضطرت انها تمشى فى مكان فاضى مع وجود شباب ضايع من بتاع المخدرات مش هيهمه حد
طيب ماذا عن التحرش في المواصلات العامة بالمحجبة و الواحدة من دول قاعدة في كرسي جنب الشباك في حالها و المتحرش قاعد في الكرسي اللي وراها على طول و مش شايف منها غير حجابها؟ يعني مش شايف أصلا إذا كانت محجبة حجاب شرعي و لا حجاب مودرن؟ ده يبقى اسمه ايه؟ :helpsmilie:
كلام وجيه جدا ومحتاج رد من السادة اللى مركزين بس على البنت على اعتبار انها فتنة تتحرك على قدمين , الكلام اللى بتقوله الاستاذة يتفق مع كلام الاستاذ سبعاوى وانا شايف ان المريض مريض والمنحرف منحرف والمشكلة ان عددهم بقى كبييييييييييييييير جدا فى مجتمعنا هى دى المشكلة اللى المفروض تتناقش ليه عدد المنحرفين كتر بالغباوة دى مش البنت ولا الولد السبب
لا يجب الخلط بين القاعدة و الاستثناء
الفتاه المحترمة و المحجبة حجاب شرعي صحيح عرضه للتحرش ---- نعم و لكن ده يسمي استثناء، القاعدة ان محفزات الشذوذ غير موجوده و بالتالي احتمال التحرش ضعيف جدا
طب ليه في احتمال ضعيف - لان لكل قاعدة شواذ و دايما في ناس شاذة بس أقل بكتير
بشكل عقلاني ، لو شاب عادي خرج الصبح و قابل زمايله و اتفسحوا و اتفرجوا علي فيلم بكل ما فيه من اغراءات و بعدين مساءا شاف بنت او اتنين لابسين زي مانتوا عارفين و الشارع هادي و مايمنعش من نظرتين تمنع و دلال مع وجود يأس من امكانية الزواج و ضعف في الاخلاق و فهم هامشي للدين (ان وجد) ، تفتكروا نسبة ان الموقف يمر علي خير كام؟؟
لو واحدة محجبة حجاب شرعي ، لا تسير في وقت متأخر أو في شوارع مريبة وحدها و تراعي الله في نظراتها و حركاتها ما احتمال حدوث شئ
المرأة مسئولة بنسبة 80% من مشاكل التحرش لانها لديها ما هو بمثابة شمعة الاحتراق (البوجيه) في المحرك
البداية عند المرأة لأنها أهم في التأثير علي المجتمع ككل فهي الأم و الأخت و الزوجة و البنت- هي التي تثير و هي التي تربي و هي التي تسبب العفة و هي التي تزيلها
طيب عودة للسؤال الأصلي انا إجابتي هي إن الحجاب يحمي الفتيات من المعاكسة.. و لكن ليس بالضرورة يحميها من التحرش.
معظم حالات التحرش بتكون من حد مش محتاج أكتر من أنثى.. اما المعاكسة فهي بتكون نوع من جس النبض كمقدمة للتحرش و حتة جس النبض دي لا تأتي غالبا إلا مع مظهر منحل من ناحية الفتاة و مشجع على جس النبض و هي المعاكسة، انما الحجاب أو الاحتشام غالبا ما يمنعوا الدخول في اي مقدمات أصلا.
اما نقطة ان التحرش بالمحجبة حالات فردية أو غير سائد فده للأسف غير صحيح.. الموضوع سائد بدرجة مخيفة في المواصلات العامة و خصوصا في ال CTA و بيعملوها بطريقة ماتبانش خالص و للأسف البنت بتخاف تزعق للمتحرش أو تفضحه عشان بتكون محرجة من الفعل نفسه و بتكتفي بإنها بتقوم من مكانها خالص و تقعد في كرسي يكون وراه سيدة قاعدة مثلا او تقعد جنب حد. طبعا الراجل أو اللي معاه عربية عمره مع هايقدر يقدر حجم التحرشات اللي بتحصل في المواصلات العامة و اللي زي ما اتفقنا المتحرش لا يحتاج فيها أكتر من أنثى بغض النظر محجبة و لا لأ و حجابها شكله ايه.
وعشان كدة الحل انها تلبس زى الوهابيات او الافغانيات او البدويات عل وعسى متولعهاش وهى ماشية ! لو الكلام ده صح ابقى تابع نسب التحرش والاغتصاب فى المجتمعات اللى انا ذكرتها برغم ان الست مغطية جسمها كله وماشية بنقاب بعين واحدة !! وبرغم كدة بيحصل تحرش ليـــــــــــــه علشان مفهوم الثقافة الشرقية فى العام والعربية فى الخاص ان الست فتنة تتحرك على قدمين او زى ماحضرتك قلت شمعة الاحتراق , وبناء عليه محدش يلومنى ولا يعتب عليا لو لمحت حتة منها!!
امال ليه مكارم الاخلاق اتعملت عشان لو هى مش محترمة ابقى انا محترم
عليكم وآداب الطريق اللى من ضمنها غض البصر واللى عاوز يغض بصره هيغض بصره راح فين الكلام ده , لا تشتهى امرأة أخيك راح فين الكلام ده .
انا معاك ان خضوع المرأة بالقول والفعل بيطمع الذى فى قلبه مرض , لكن لما اى حاجة ماشية فيها تاء التأنيث تتعاكس يبقى مش فى قلبه مرض ده هو نفسه مرض
والسؤال نعالج المرض ولا نستأصله ولا نستخبى منه
أنا أوضحت و جهة نظري و سأكتفي و لن أعقب
شكرا
سيدي الفاضل, رأيك السابق به تجني شديد على الفتيات و السيدات انا واثقة انك لا تتعمده و لكن ببساطة انت و غيرك من الرجال المحترمين لا يتخيلون وجود هذا الكم من المرضى في شوارعنا. التحرش ليس بشئ جديد و لكن ما جد هو وجوده بهذا الشكل العلني و السافر مؤخرا مما سمعناه من تحرش جماعي و نحوه. الواقع اننا جميعا كفتيات و سيدات نتعرض للمضايقات و التحرشات التي تصل في كثير من الاحيان الى مد الايدي. ارجع الى كلام اختنا علا:
"اما نقطة ان التحرش بالمحجبة حالات فردية أو غير سائد فده للأسف غير صحيح.. الموضوع سائد بدرجة مخيفة في المواصلات العامة و خصوصا في ال CTA و بيعملوها بطريقة ماتبانش خالص و للأسف البنت بتخاف تزعق للمتحرش أو تفضحه عشان بتكون محرجة من الفعل نفسه و بتكتفي بإنها بتقوم من مكانها خالص و تقعد في كرسي يكون وراه سيدة قاعدة مثلا او تقعد جنب حد. طبعا الراجل أو اللي معاه عربية عمره مع هايقدر يقدر حجم التحرشات اللي بتحصل في المواصلات العامة و اللي زي ما اتفقنا المتحرش لا يحتاج فيها أكتر من أنثى بغض النظر محجبة و لا لأ و حجابها شكله ايه."
الموضوع ده بجد ما اعتقدش ان في واحدة بتحتاج تركب مواصلات لدراستها او عملها و ما تعرضتلوش قبل كدة!! صدقني انت نفسك ممكن تكون فى سيدات من افراد اسرتك اتعرضوا للحاجات دي بس هي يعني مش حترجع البيت تحكي القرف ده!!!
و مش بس في المواصلات في الشارع كمان بس للاسف الرجالة مش حاسين. انا مرة ايام الجامعة كنت واقفة عند احد اكشاك تصوير الورق -في عز الضهر و انتو عارفين مكاتب التصوير دي بتبقى زحمة قد ايه - و كمان معايا خطيبي (زوجي حاليا), و بعدين شعرت ان في حد - اسفة في التعبير - حط ايده عليا. انا اتنفضت و بصيت للي واقف ورايا و بالصدفة خطيبي كان بيلف فالشخص ده افتكره شافه قام طالع يجرى زي الصاروخ. خطيبي ما كانش فاهم حاجة و سألني ايه اللي حصل فحكيت له. هو طبعا اتجنن و قعد يقوللي كان لازم تزعقي و كان لازم نمسكه نقطعه و الكلام ده, بس طبعا مفيش واحدة في الموقف ده ممكن تتكلم هي يادوب تبعد عنه بسرعة و خلاص و الا مش حتخلص من الافتراءات و البذاءات اللي حيدعيها عليها لو هي قالت حاجة. و هي طبعا قدام الناس المتهمة الاولى و المدانة الوحيدة زي ما اراء اغلب الناس هنا وضحت. على فكرة برضه انا محجبة و مش بلبس بنطلونات خالص و لا بلبس ضيق الحمد لله. و المرة دي ماكانتش اول و لا اخر مرة اتعرض لمضايقات, انا بس بحكيها عشان رد فعل خطيبي و زهوله للموقف عرفني ان الرجالة مش عارفين فعلا حجم القرف اللي احنا بنتعرض له من غير ذنب.
انا ما كنتش عايزة اشارك في الوضوع ده من الاول لأن انا حاسة ان الردود واخده طابع مع او ضد المرأة مش الحجاب او التحرش. بس للأسف النظرة اللي منتشرة في المجتمع دي بتخلي اي واحدة مسكينة تتعرض لحادثة اغتصاب مثلا تعيش ما بقى لها من عمر في عار و فضيحة لأن المجتمع ينظر لها بأنها المجرم الحقيقي اللي اتسبب في اللي حصل و "يستاهل كل اللي يجراله".
و بعدين يا سادة طالما التحرش مش بيحصل غير لو واحدة مش محترمة و لبسها مستفز, تقدروا تقولولي ليه بتحصل حوادث تحرش و اغتصاب لبنات لم يكملوا العشرة سنوات؟؟؟ دول كمان مظهرهم مستفز و جابوه لنفسهم؟
يا اخواني المتحرش انسان غير سوي ما ينفعش تقيس تصرفاته بمنطق او عقل.