خلااااااص زهقت من مشكلة الدوارة .. !!!

**Ahmed Hamdy** · 12-10-2008 11:28 AM

سلام عليكم ..

أنا عربيتى ماروتى 94 .. بقالها فترة فيها مشكلة فى الدوارة ..

من فترة كده حوالى شهرين بدأت مش بتدور بسهولة .. وبعدين بأه المارش يقطع خالص مفيش أى صوت ولا حركة منه .. أديها زقة تدور وبعدين أمشى مشوار وأبطل وأدور تدور ..

رحت لكهربائى .. قالى بطارية .. قلتله بس المارش بيقطع خالص .. بس لما بديها زقة وبتدور وبمشى شوية ببطل العربية وادرو بتدور .. قالى بطارية .. قلتله طيب ملهاش حل .. قالى ممكن نجرب نغيرلها ميه ونشحنها .. عمل كده ومشيت يادوب من عنده ووقفت عند بتاع كاوتش اصلح خرم وجيت ادور عملت نفس الحركة .. رحت لكذا كهربائى وكلهم قالوا بكل ثقة بطارية وأنا مش مقتنع ..

رحت لمحل بطاريات وقلتله عايز بطارية بس عايز اتاكد ان البطارية بتاعتى بايظة .. جاب الجهاز وقاس قالى البطارية كويسة ..
رحت لكهربائى تانى وحكيتله اللى حصل .. قالى اصل انت لما بتمشى شوية البطارية بتشحن .. ولما بتسيبها الشحن بيفضى ..

المهم رحت تانى يوم قلت اجيب بطارية .. رحت محل بطاريات وجبت البطارية وركبناها ودور يا عم مفيش مارش .. الراجل بتاع البطاريات قالى ده يبقى المارش فى حاجة .. شوف كهربائى !!!!

جيت أزق بأه مش راضية تدور .. وده كان فى نهار رمضان .. وقعدت أزق لما طلع عينى لحد ما ركنتها فى حتة ورجعت بالليل مع واحد صاحبى إدانى زقة دارت !!!!!!!!!

رحت لكهربائى تانى قالى أيوه المارش فى حاجة بايظة حنفكه ونشوف .. فك وقالى محتاج طقم شربون وطقم جلب .. غيرهم ورجع كويس .. وبتدور كويس ..

أسبوع ورجعت تانى تدور بصعوبة بس المارش شغال ..... رجعت للكهربائى قالى غير بوجيهات .. غيرتها وفعلا بقت كويسة .. الكلام ده يوم الوقفة .. يعنى من أسبوعين تقريبا .. امبارح والنهاردة رجعت تانى بتدور بصعوبة والنهاردة بالذات مدارتش غير بزقة ..

المارش شغال بس حاسس بيه ضعيف شوبة .. ممكن تكون البطارية ولا فى احتمالات تانية ؟؟

ولو البطارية أتأكد إزاى ؟؟ أنا خلاص زهقت من الصنايعية وفتيهم !!!!

**human** · 12-10-2008 12:38 PM

الدينامو كتاوت داخلى ولا خارجى؟

**Ahmed Hamdy** · 12-10-2008 01:01 PM

المشاركة الأصلية كتبت بواسطة human12

الدينامو كتاوت داخلى ولا خارجى؟

بصراحة مش عارف .. بس ممكن أسأل كهربائى ..

طيب المفروض يكون ايه الأحسن ؟؟

**dr_abooody** · 12-10-2008 10:27 PM

انت قيست شحن الدينامو ؟؟
لو كويس يبقي انت المشكلة عندك حاجة بسيطة جداا
ان السلك اللي جي من الدينامو على البطارية ممكن يكون مملح او القطاش بتوع البطارية مملحين و هو دة بيخلي شحن البطارية ضعيف او قليل و ساعات يزيد و ياعات يقل و هو دة اللي يخلي العربية مرة تدور و مرة لأ
غير القطاش و نظف اول السيلك و خلى الكهربائي يشيل الجزء الملح منة
و بعد ما تربطهم في البطارية حط على القطاش شحم عشان الملح ما يرجعش تاني
و ان شاء الله تبقى كويسة

انا كانت عندي نفس المشكلة في ال 128 و صرفت و لا 500 ج علي الموضوع دة و كنت مسافر العين السخنة و بالليل العربية كان نورها ضعيف و اتبهدلت و اعد يقولي دينامو و بطارية
و في الاخر روحت انا للكهربائي قولتلة نضفلي السيلك دة و غيرلي القطاش و من ساعتها ما فتحتش بقها

و للأسف الصانيعية بيحبوا يفتحوا فتحات غريبةو يكلفك فلوس كتير اوي و بيشتغل و هو مش فاهم حاجة فخلي بالك و حاول تتعلم شوية حاجات كدا عشان تكون فاهم الامور و محدش يعمل شغل عليك

و يا رب اكون عرفت اساعدك
و ربنا يوفقك
و يبقى قولي عملت اية ضروري

**zeyad1810** · 13-10-2008 08:22 AM

المشاركة الأصلية كتبت بواسطة dr_abooody

انت قيست شحن الدينامو ؟؟
لو كويس يبقي انت المشكلة عندك حاجة بسيطة جداا
ان السلك اللي جي من الدينامو على البطارية ممكن يكون مملح او القطاش بتوع البطارية مملحين و هو دة بيخلي شحن البطارية ضعيف او قليل و ساعات يزيد و ياعات يقل و هو دة اللي يخلي العربية مرة تدور و مرة لأ
غير القطاش و نظف اول السيلك و خلى الكهربائي يشيل الجزء الملح منة
و بعد ما تربطهم في البطارية حط على القطاش شحم عشان الملح ما يرجعش تاني
و ان شاء الله تبقى كويسة

انا كانت عندي نفس المشكلة في ال 128 و صرفت و لا 500 ج علي الموضوع دة و كنت مسافر العين السخنة و بالليل العربية كان نورها ضعيف و اتبهدلت و اعد يقولي دينامو و بطارية
و في الاخر روحت انا للكهربائي قولتلة نضفلي السيلك دة و غيرلي القطاش و من ساعتها ما فتحتش بقها

و للأسف الصانيعية بيحبوا يفتحوا فتحات غريبةو يكلفك فلوس كتير اوي و بيشتغل و هو مش فاهم حاجة فخلي بالك و حاول تتعلم شوية حاجات كدا عشان تكون فاهم الامور و محدش يعمل شغل عليك

و يا رب اكون عرفت اساعدك
و ربنا يوفقك
و يبقى قولي عملت اية ضروري

فعلا موضوع السلك والقواطيش دى حصل معايا قبل كدة والمشكلة اتحلت بعد ما عملت كدة