استاذى الفاضل...اولا اسمحلى اكرر اعتذارى عن خطأ غير مقصود والله نتيجة انى وقتها كنت مشغول وكان لازم اسيب الموبايل لانى كنت بكتب ردى من خلاله وفى نفس الوقت فيه كلام كتير عاوز اقوله فى المقارنة من وجهة نظرى وكنت كل ما بفتكر ميزة بقولها
ثانيا انا مختلف معاك فى بعض النقاط ومتفق معاك فى بعضها
بادئ ذى بدئ مثبت السرعة موجود فى الفئة 155 وانا شايف انه ميزة وقيمة مضافة للسيارة ليس فقط من ناحية الرادادات كما اوضح مشكورا الاستاذ هانى ولكن من ناحية الراحة فى السفر على الطرق السريعة الصحراوية منها بالاخص
- انا للأسف معنديش خلفية عن اسعار قطع الغيار فى السيارتين ولكن قطع غيار الرينو معمرة واسعار قطع غيار الفلوانس ورخيصة مقارنة بسيارات فئتها مثل الكورولا والاسترا..من واقع مقارنات سعرية لقطع الغيار هنا فى المنتدى وغيره
- قد اختلف معاك فى ان افضلية اعادة البيع للكروز...على الرغم من انى اعلم جيدا وده يشمل العديد من السيارات بما فيهم بى ام دبليو بما لها من شعبية ان اعادة البيع بعد فترة وجيزة لسيارات غالية الثمن (هينزل كتير من تمنها) وهلشان كده انا رأيى ان اللى يدفع 150 الف او اكتر فى عربية... مايفكرش يبيعها قبل 8-10 سنين...كده هيكون استمتع بالعربية وفى نفس الوقت مايحسش انه خسر فيها ( وده رأيى الشخصى)
- موضوع التقفيل الكورى والتركى ( من منطلق تبادل المعرفة) على ما اتذكر.. الكروز نزلت مصر بعد شهرين من نزول النسخة الكورية منها دايو لاسيتى وبعدها قفلت شركة دايو تقريبا واستمر نزولها بتغيير بسيط فى الشكل والعلامة باسم شيفروليه كروز...واللى اعرفه هو ان جنرال موتورز ممثلة فى شيفروليه كانت اشترت حصة 49% من اسهم دايو فى البداية وذلك لانتاج سيارات تحمل علامة شيفروليه وتسوق فى اوروبا والشرق الاوسط حيث السعة اللترية المتوسطة 1600 -2000 وتكون باحجام اقل من السيارات التى تجوب الشوارع الامريكية بحيث تتناسب مع طبيعة الطرق فى اوروبا والشرق الاوسط...باستثناء دول الخليج طبعا...الموضوع ده سبقتها فيه مجموعة فورد وعندها مصانع فى المانيا واسبانيا وتركيا وبتنتج سيارات قد لايسمع عنها المواطن الامريكى زى المونديو والفوكاس والكا...الخ
اما موضوع التقفيل التركى مصنع رينو هناك من عام 1969 وانتج العديد من موديلات رينو الشهيرة ويصدر انتاجه لاكثر من 100 دولة فى العالم.
جنرال موتورز انا كنت فاكر انهم 13 شركة وبقوا 12 بعد اعلان غلق شركة اولدز موبيل نهائيا وبيتهيألى انهم لسه 12 لان بويك لسه موجودة على ما اعتقد
متفق معاك فى نقطتين
الباكيتات السودا فى ال 155 فى الفلوانس مش لطيفة شكلا نوعا ما مع الالوان الفاتحة (وان كان طبعا الموضوع اذواق طالما بنتكلم عن الوان وتصميمات) وحلها فى الالوان الغامقة الاسود طبعا او الفيرانى الغامق يليهم الموكا.... وده طبعا من وجهة نظرى
الجنوط الاسبور ال 16 مقابل العجلات الحديدية 15 فى الفلوانس 155
فى النهاية اود ان اشكرك واشكر كل من يساهم فى المقارنات البناءة فهى فى النهاية اثراء للمعلومات ومنفعتها تعود على الجميع
مع وافر التحية