وبالنسبة لموتور الكروز هو اتغير عن الاول اللى كان 107 حصان تقريبا كان بتاع الاوبترا ودلوقتى بقى 115 حصان الى هو زى بتاع الاوبل استرا 2014 .
الموتور لما اتغير فرق كتير ولا مش قوى ؟؟ علشان الناس بتقول ان طلعتها بطئية اوى
عرض للطباعة
وبالنسبة لموتور الكروز هو اتغير عن الاول اللى كان 107 حصان تقريبا كان بتاع الاوبترا ودلوقتى بقى 115 حصان الى هو زى بتاع الاوبل استرا 2014 .
الموتور لما اتغير فرق كتير ولا مش قوى ؟؟ علشان الناس بتقول ان طلعتها بطئية اوى
الفلوانس طبعاً بدون تردد لعدة اسباب من وجهة نظرى
- الشكل الخارجى...تفوق واضح من حيث جمال التصميم لصالح الفلوانس
- واستكمالا لجزئية الشكل الخارجى.. المقارنة صعبة من وجهة نظرى لعربية بنفس شكلها من 2009 فى مصر (الكروز) وعربية شكلها احلى بكتير ولسه نازلة من سنة فى مصر!
-موتور الفلوانس يكسب طبعاً لان ده الجيل الجديد من المحركات...تكنولوجيا ال cvt نازلة فى الكورولا الجديدة والسوبارو الجديدة والقاشقاى وغيرهم...تكنولوجيا اكثر سلاسة وتوفيراً للوقود (ده غير ان الكروز سفاحة بينزين)
- موتور الفلوانس الجديد اطول عمراً لانه مش تروس عكس التقليدى اللى فى الكروز
- تابلوه الفلوانس مع عداد السرعة الديجيتال اشيك واكثر اناقة
- صالون وشنطة الفلوانس اوسع
- الفلوانس اعلى عن الارض
- توكيل رينو فى رأيى من افضل التوكيلات فى مصر..منصور شيفروليه حدث ولاحرج!
عفشة وثبات مافيش بعد الاوروبى
- تقريبا والله اعلم منصور شيفروليه عاوز يطلع موديل 2014 بأى شكل علشان ينزل بالشكل الجديد 2015
- سير الكاتينة فى الفلوانس جنزير ..معرفش بتاع الكروز ايه
- مثبت السرعة لوحده كفيل بانهاء المقارنة ان وجدت اصلاً!
- ده غير انى مادفعش فلوسى فى عربية كورى ..مع تقديرى لمالكى السيارات الكورى...الاوروبى هو اساس صناعة السيارات... شركة رينو بتصنع من عام 1899 !!
فى النهاية استخير ربك
متابع
:) متابع الموضوع الجميل و الاراء المحترمة :)
اسمحلى بس اوضح النقاط الاتيه :
_ الشكل ده اذواق و لو انى شايف ان الفيس ليفت الجديد فى الكروز جمميل و خصوصا الاكصدامات الجديده مدينها شكل فخم و رياضى و ده ميقللش من اعجابى بردو بشكل الفلوانس الجديد
_ العربيتين موجودين فى مصر من 2009 او 2010 تقريبا و العربيتين حصل ليهم فيس ليفت فى 2013 بردو فمفيش واحده فيهم شكل قديم الاتنين فيس ليفت
_ حضرتك الcvt " continous variable transimition "ده فيتيس مش موتور . و الموتورين محترمين و مفيش فرق كبير بينهم واحد يابانى اللى هو فى الفلوانس و التانى المانى فى الكروز
_ ال cvt فعلا موفر فى البنزين عن الستيب ترونك العادى بس مش اللى يخيلينا نقول ان الكروز سفاحه بنزين ممكن الكلام ده مع الفتبيس و الموتور القديم لكن الجداد اللى فى الفيس ليفت الامور اتحسنت شويه و بقى الاستهلاك عادى لكن اتفق معاك فعلا تبقى الفلوانس موفره عنها
_ و زى ما الcvt ليه مميزات فبردو ليه عيوب منها انه بيقتل الاحساس بالتسارع و و بيموت احساس النقلات و متعه القياده و له طريقه معينه فى السواقه تختلف عن الاوتوماتيك العادى و الا هياكل بنزين اكتر من العادى و كل محبى القياده مختلفوش فى نقطه ان الاوتوماتيك العادى ممتع عنه
_ لتانى مره اتفق مع حضرتك ان ال cvt عمره اطول من الاوتوماتيك العادى لكن بردو عاوزين نوضح للساده المتابعين الفرق قد ايه . يعنى العادى مش هيعيش سنتين و ال cvt هيعيش 10 , لا الفرق مش كده لو ال cvt 10 سنين يبقى العادى 8 او 9 و فى الاخر دى الات جر اللى هتهتم بيه و تصينه فى مواعيده هيعيش معاك و اللى هتهمله و تتاخر فى صيانته هيتقصف عمره مهما كان بقى نوعه ايه . و نرجع نفكر تانى الناس ان اللاتنين ممتازين واحد يابانى و التانى المانى :E_braces[1]:
_ حتة التابلوه دى اذواق و لو انى شايف التابلوه الخامتين و التطعيمات الفضى اللى في كروز و حركه العدادات اول ما تدور شكلها جميل و عصرى زى الفلوانس بالظبط
_ لتالت مره اتفق مع حضرتك فعلا صالون الفلوانس اوسع من الكروز بحاجه بسيطه جدا و بالنسبه للشنطه مش عارف المقاسات بالظبط علشان اقارن و لو ان الكروز شنطتها كبيره بردو
_ الفلوانس اعلى نت الكروز بنص سنتى الفلوانس 16.5 سم و الكروز 16 سم و الكلام ده للفلوانس اللى بجنط 16 " اما الفئه ام 155 طاسات مقاس 15 " فمش عارف نفس الارتفاع و لا اقل
_ بالنسبه للعفشه و الثبات فالكروز بيضرب بيها المثل فى النقطه دى
_ من غير جدال او مناقشه توكيل الفلوانس احسن من منصور . و لكن منصور مش عاوز يطلع ال 2014 باى شكل و لا حاجه العربيه لسه واصله مكملتش شهر فى السوق و نازله بمواصفات امان ممتازه عن اى عربيه تانيه فى فئتها خصوصا الفلوانس اللى تتميز عنها esp - tcr - hill assistance و مفيش شكل جديد من الكروز و لا حاجه . النسخه اللى ظهرت للسوق الصينى و الشكل الجديد عندنا على 2017 و عليك خير
_ مش عارف نقطه سير الكاتينه دى
_ مش عارف بردو مثبت السرعه موجود فى الفئه االلى ب 155 الف فى الفلوانس و لا ابتداء من االلى ب 169.500 يا ريت حد يوضح النقطتين دول . و من ناحيه وجود مقارنه فالمقارنه موجوده و و كل واحده فيهم ليها اللى يميزها عن التانيه و مش مثبت السرعه هو اللى يحدد العربيه الاحسن ده حتى الطرق السريعه بقت كلها مطبات كل شويه هتستخدمه فين :E_braces[1]:
_ الكروز متعتبرش عربيه كورى بالمعنى المعروف - و لو ان الكورى عندهم عربيات تتفوق على الاتنين - دى عربيه من انجح العربيات اللى انتجتها جنرال موتورز العملاقه . الكروز موتور و فتيس و شاسيه و عفشه المانى و سيستم فرامل من شركه bosh الالمانى بيستخدموا فى الاوبل منهم الاوبل استرا فى مصر . المصنع الكورى واحد من 3 مصانع بينتجوها بجانب مصنعين واحد فى استراليا و التانى فى امريكا بنفس الشكل مع اختلاف المواصفات :Bravo:
و اعتقد ان الواحد يكون مطمئن اكتر و هو بيدفع فى عربيه تقفيل كورى اللى اعتقد انه متفوق على التقفيل التركى :E_braces[1]: و اكيد زى ما رينو شركه عريقه فجنرال موتورز موجوده من 1908 و تضم تحتها اكتر من 11 علامه تجاريه فى مجال السيارات .
بالنسبه لصاحب الموضع شوف انت يناسبك ايه اعتقد المشاركتين دو فيهم مقارنه كويسه بين العربيتين : الكروز هتكون امان اكتر "esp + tcr + hill assistance"و اعاده بيع احسن و صيانه ارخص و اعتماديه عاليه و جنوط سبور اكبر و عزل و ثبات و نعوميه عفشه ممتازين جدا و العربيه كلها لون واحد من بره مفيهاش باكيتات سوده مبوظه الالوان الفاتحه من العربيه و 5 الاف جنيه فى جيبك :)
و الفلوانس : اوسع بحاجه بسيطه و موفره بنزين اكتر و usb و بلوتوث و توكيل احسن و ياريت حد ياكد نقطه مثبت السرعه .
و فى النهايه انصحك بالاستخاره و اعرف ان دى كلها الات من صنع الانسان مفيش فيهم حاجه كامله زى ما فى مميزات فى عيوب و شوف اللى يناسبك و بالتوفيق :hrm_prv:
الفلوانس فئة 155 ألف فيها:
- مثبت سرعة active تزويد و تقليل و restore last speed و cancel و بيان ضوء اخضر فى حالة التشغيل مع كتابة السرعة المثبتة على شاشة المعلومات و تغير الأضاءة للون احمر حال زيادة السرعة عن السرعة المثبتة
- خمس شاشات معلومات
- قياس مستوى زيت الموتور ديجيتال من لوحة العدادات + مانيوال
- محدد سرعة علشان تفادى الردارات
- Hill Assist
- استهلاك الكروز للبنزين سىء جداً و مش عارف ليه مقارنة بالفلوانس او بعربيات كتير فى هذه الفئة
على سبيل المثال على سرعة 100 و هى اكثر سرعة مستخدمة و مسموح بها على الطرق السريعة:
- تستهلك الفلوانس 5 لتر او اقل كل 100 كيلومتر
- تستهلك الكروز 7 لتر كل 100 كيلومتر
الفرق كبير جداً ما بينهم فى النقطة دى
- صالون الفلوانس أوسع من الكروز و يقعد 3 ركاب بالغين مستريحين جداً فى الخلف و ده مش بيحصل فى الكروز
قاعدة عجلات الفلوانس 2700 مم
- شنطة الفلوانس 530 لتر و الصافى 500 لتر مش عارف كام فى الكروز و لكنها اصغر بشوية
- تكييف الفلوانس فيس ليفت ممتاز لانه من نيسان
- الموتور على جنزير فمفيش صيانات كبيرة لتغيير السيور او قطع سيور و مشاكل صبابات
- بوجيهات 100 الف كم بتنزل مع العربية
- طبعاً غير ال AUX و ال USB و البلوتوث سواء للأتصال او AUDIO STREAMING من التليفون
- اى قطع غيار مش متوفرة فى مخازن التوكيل لأى سبب كان تطلب و تأتى شحن جوى بسعرها الرسمى فى مدة اقصاها اسبوع من تاريخ الطلب و دى انا مجربها اكتر من مرة بنفسى.
هذه النقط للتوضيح فقط و ليس لتفضيل سيارة عن أخرى لان الأتنين ممتازين
تحياتى
بصراحة العربيتين ممتازيين بمعني الكلمة ... فاضل تركب الاتنين وتشوف مين فيهم لقيت نفسك فيها