بعد صيانة ال1000 في التوكيل العربية بطيئة جدا علي السلانسية

**elpilot** · 28-05-2014 05:57 PM

السلام عليكم قمت يوم الاحد الماضي بعمل صيانة ال1000 في الهايكستيب
ومن بعدها والعربية اصبحت بطيئة عن السابق بكثير عند السير علي السلانسية للغيار الثاني او الثالث والأول كلهم تقريبا نفس السرعه وهي ابطئ من سلانسية الأول والذي كان عليه قبل عمل الصيانة
قبل الصيانة كان الاول اسرع من دلوقتي والثاني اسرع من الاول والثالث تقريبا زي الثاني او اسرع شوية الموضوع ده تقريبا بيفرق في الغيارات بيخلي فيه نتشه خفيفه عند الغيار والعربية بطلت مني علي مطب مرتين نتيجة اني مش متعود علي الضبطة الجديدة وتقريبا كده لاحظت ارتفاع في استهلاك البنزين لسه هفولها للزور واعمل بيها مشوار وافول واتأكد بالظبط بس علامة المؤشر علي حته كنت عندها ببقي ماشي300كيلو وانا حاليا ماشي260كيلو
المهم كنت عايز اعرف كده فيه مشكله ولا دي حاجات عادية بعد الصيانة
ولو كان فيه مشكله ياريت توافوني بحلها ولكم كل الشكر
واسف علي ازعاجكم بمواضيعي الكتير

**دكتور خالد** · 28-05-2014 06:08 PM

انا ماعرفش فى الماروتى قوى بس اعتقد دى اعراض ظبط بيكات الكربراتير و خلط الهواء بالوقود

**elpilot** · 28-05-2014 06:51 PM

المشاركة الأصلية كتبت بواسطة دكتور خالد

انا ماعرفش فى الماروتى قوى بس اعتقد دى اعراض ظبط بيكات الكربراتير و خلط الهواء بالوقود

شكرا ليك علي الرد والاهتمام
يعني دي كده حاجه كويسة ولا وحشة وهل ليها اي اضرار علي العربية؟

**أبو بلال** · 28-05-2014 08:09 PM

المشاركة الأصلية كتبت بواسطة دكتور خالد

انا ماعرفش فى الماروتى قوى بس اعتقد دى اعراض ظبط بيكات الكربراتير و خلط الهواء بالوقود

انا اعرف ان العربية أبطأ = استهلاك بنزين اقل
أو اعرف ان العربية أسرع = استهلاك بنزين أكثر

إنما العربية أبطأ، واستهلاك بنزين أكثر
اظن ان هناك مقاومة زائدة على اجزاء المحرك، ربما يكون الزيت المستخدم (الذي تم تغييره في الصيانة) كثافته أعلى، فنعم يقوم بحماية اجزاء المحرك بشكل اكبر، ولكنه يبطء عمل المحرك، ويستهلك بنزين أكثر في نفس المسافات، والله أعلم.

**دكتور خالد** · 28-05-2014 09:50 PM

المشاركة الأصلية كتبت بواسطة elpilot

شكرا ليك علي الرد والاهتمام
يعني دي كده حاجه كويسة ولا وحشة وهل ليها اي اضرار علي العربية؟

بص انا كان عندى حاجه زى كده ... جرب تظبط العربية على كمبيوتر ... حساس كده بيتحط فى الشكمان و يظبطوا الكاربيراتير و خلط الهواء و البنزين على قراية الحساس .... كان فرق معايا جدا

**أبو بلال** · 29-05-2014 12:14 AM

المشاركة الأصلية كتبت بواسطة دكتور خالد

بص انا كان عندى حاجه زى كده ... جرب تظبط العربية على كمبيوتر ... حساس كده بيتحط فى الشكمان و يظبطوا الكاربيراتير و خلط الهواء و البنزين على قراية الحساس .... كان فرق معايا جدا

بعد اذن الدكتور خالد، عربيتك لسه زيرو يا صاحبي، تأكد من التوكيل هو ايه اللي اتعمل بالضبط، عشان متلعبش في ضبط الكربراتير وهو اصلا سليم، فتيجي تصلح حاجة تخرب حاجة تانية
اعرف منهم ايه اللي تم عمله بالضبط، وانت اكيد معاك الفاتورة، لو كانوا عملوا حاجة في الكربراتير وضبطه هتلاقيه الضبط ده في فاتورة التوكيل، وساعتها ابقا ارجع عدّل فيه زي ما دكتور خالد قالك.

**elpilot** · 29-05-2014 12:20 AM

انا هحاول اتأكد من استهلاك البنزين لو من11ل13 فده الطبيعي بتاعي لو اكثر يبقي لعبوا في حاجه فيها ابدأ اشوف المشكله
وبخصوص ان السلانسية بطئ عن الاول دي حاجه ممكن اتكيف معاها بتذويد سنة بنزين ده لو مكنش ليها ضرر علي العربية انا بس بحاول اسأل يمكن يكون حد مر بتجربة زي كده ومنها نستفيد واي حد بعدنا يستفيد

**دكتور خالد** · 29-05-2014 12:42 AM

المشاركة الأصلية كتبت بواسطة أبو بلال

بعد اذن الدكتور خالد، عربيتك لسه زيرو يا صاحبي، تأكد من التوكيل هو ايه اللي اتعمل بالضبط، عشان متلعبش في ضبط الكربراتير وهو اصلا سليم، فتيجي تصلح حاجة تخرب حاجة تانية
اعرف منهم ايه اللي تم عمله بالضبط، وانت اكيد معاك الفاتورة، لو كانوا عملوا حاجة في الكربراتير وضبطه هتلاقيه الضبط ده في فاتورة التوكيل، وساعتها ابقا ارجع عدّل فيه زي ما دكتور خالد قالك.

صح انت اول حاجه تعملها فعلا انك تعرف هما عملوا ايه فى الصيانة من الاساس بما ان الشكوى ظهرت بعدها

**bondokk** · 29-05-2014 09:20 AM

بص هما في صيانه ال 1000 بيربطو العربيه كلها وساعات بيشدو سير الكاتينه شويه فممكن يكون ده السبب ده بيخلي العربيه كأنها متكتفه او مش ناعمه اوي زي ما كانت لما استلمتها
حاول تمشي بيها شويه وتشوف بتنعم ولا لاء ,, وتحدد ايه العطل بالظبط علشان محدش يلعب في حاجه سليمه من الاول كده