ازاى اعرف عيوب عمود الكردان

**محمود سيد محمو** · 29-05-2014 10:46 AM

روحت للميكانيكى وقالى ان عمود الكردان عايز يستعدله ويغير الصلايب بتاعته وده لما مشى شوية معايا بالعربية
السؤال دلوقتى مين اللى ممكن يأكدلى ان عمود الكردان لازم يتحل ويستعدل خاصة انى عرفت ان مش اى خراط يعرف يستعدل العمود
مع العلم انى ماشى بالعربية من ساعتها ومفيش مشاكل

**samaty** · 29-05-2014 10:50 AM

بتحس برجة وإنت ماشي بالعربية؟
لو رفعت العربية وإديتها غيار وبصيت على العمود هتلاقيه بيروح وييجي

**hugan** · 29-05-2014 12:03 PM

روح لكمال عند جامع الضاهر لو محتاج ترصيص
او تغيير صﻻيب

**Zing0** · 29-05-2014 01:20 PM

بص يا ريس
انت ترفع العربية من ورا و تدورها و تدى غيار

لو العربية بتترج جامد, تنزل تبص عالعمود بيلف بإستقامه و لا لا ملووح
و ممكن يكون سليم بس راكب غلط (المفروض اللى بيفكه و يركبه بيعمل علامات الأول بس فيه أغبياء ربنا يرحمنا من غبائهم بيركبوه غلط), لو راكب غلط (معكوس) هتلاقى رجه او رعشة عند سرعة 40 تقريباً و بتروح بعد السرعه دى (ده و لا ترصيص و لا زوايا و لا كاوتشات )

اى خراط يعمله عادى بس لو عنده المخرطه بتاعته (الجهاز نفسه) و كله بيظهر قدامك لما بيركبه عالمخرطه

الصلايب لو بايظة هتسمع صوت طقطقة مع أى منزل و انت عالمور, و لازم تغير الصليبتين مع بعض لو متغيرين من فترة, عمرهم الافتراضى مع بعض, أحسن نوع تويو يابانى بي ميكونش مضروب

**hugan** · 29-05-2014 11:41 PM

مفيش غير كمال بتاع الضاهر
وعبد الله في عبود امام المرور
كمال بيحل عنده
عبد الله لازم تحل الكردان بره وتوديه له
روح عند جامع الظاهر بيبرس واسئل عنه مشهور جدا