الموضوع: إبيزا ٩٤ .... تعمل كام

المشاركة الأصلية كتبت بواسطة ghalasa

والله يا شاركي الله اعلم بس الواحد بيشوف ارقام غريبة بس الصراحة الاسعار العالية اللي بشوفها بتكون من عربيات فعلا تستاهل

مش مهم يا باشا هو عارض على كام
المهم هى تخلص بكام
ما أنا ممكن أعرض عربيتى بـ 90 الف و تخلص على 80

علي فكرة يا جماعه بالنسبه للناس اللي بتقول ٣٢ والكلام ده فعلا ممكن يكون في إبيزا بالتمن ده
بس م الأخر مشيسه لأني فعلا شفت حاجات شبه كده .. لكن عمري ماشفت عربيه واقفه .. وأنا بتكلم
عن أساسيات مش كماليات . أقل من ٣٨ وده السعر اللي بتتباع بيه مش اللي بيطلب فيها
لأن الناس دي بتتكلم في ٤٠ ٤٢ وممكن تخلص بالتمن ده
لكن فعلا في أرقام أقل من كده بكتير .. بس طبعا زى ما إحنا عارفين مين بيركب الإبيزا و بيتعمل فيها إيه .. فلما يبقي في عربيه إبيزا واقفه فعلا بتبقي كنز

أنا إتبهدلت في وقت ما إشتريت عربيتي وشفت عربيات بالهبل وكلها الحمد لله زى ما إحنا عارفين :d

المشاركة الأصلية كتبت بواسطة ghalasa

والنبي الراجل ده بيقول كلام زي الفل

هههههههههههههههههه

ربنا يخليك يا باشا .. وميحرمناش أبدا من إبيزا ;)

المشاركة الأصلية كتبت بواسطة kaboo4

ولاهى كلامكم جميل اذا كان شاركى او ابيزا كلوا كلام مظبوط بس انا لما بقول 32000 عارف انا بقول ايه لو عايز يعرضها ب50 الف يعرضها بس مين المهم الى حيشترى انا اعرف ان الحاجة مهما كانت نضيفة ليها توب مينفعش تزيد عنة للكلام الناس الى عارضة ابيزا 94 ب 42 دة ملامم غير صحيح انا متابع السوق بقالى 6 شهور و بروح كل يوم جمعة سوق السيرات و بشوف المشيس و بشوف النضيف و بيبان على العربيه مشفتش حد بيبيع بالسعر دة ابدا و اؤكد ليكم ان اعلى سعر شوفت ابيزا بيتخلص فيها ادامى كان 35000 لان الاسعار الى بتتكلموا فيها دى ال 42 تجيب ابيزا 2001 من 42 لحد 45
و تجيب بولو 2000 و تجيب ولاهى بلاوى بس انا بتكلم فى الالمانى
و ممكن تزود 3 الاف يعنى نوصل 45000 و تجيب هوندا سيفك 93 بحالة ممتازة ولاهى
و للناس الى بتقول 40000 فى ابيزا موديل 94
قائمة الاختيارت الى فى السوق فى نفس السعر دة
1- هايوندايى اكسنت موجيل 98 سعر البيع فى السوق لا يتعدى 39000 و اكان بيتطلب 43000 ملحوظة حالة ممتازة
2- دايوا لانوس وان ب 41000 و خلصت ادامى ب39500 حلتها جميلة جدا
3- اوبل كورسا موديل 97 1200سىسى فتحة سقف و جنوط اصلى ب 34000 و اتباعت بالعفيه كمان صحبها كان فاكر انة حيبيع ب39000
حلتها ممتازة
4- بولو فوكس لو حلتها تمام 35000 لو اسسيتها تمام بس يعنى عايزة تتظبط 32000
5- بولو 99 حدود 40000 ممكن توصل 42000 على حسب الحالة و اشيه اد ايه
6- بونتو 1300 75 حصان مكيفة و فتحة سقف و بور و كل حاجة حالة تحفة موديل 2000 ب40500
7- بونتو موديل 95 نفس الكلام بس الشكل الى ابها الى انا بعشقة عن نفسى لو حالة الى بيتقال عليها ملهاش حل تعمل 32000 و الى حلتة مش تمام بس اساسيات سليمة فى الضياع مش بيعدى 30000 باى حال ولاهى كان معروض عليا واحدة ب27000 و اعد فترة يعلن عنها فى مصراوى
8-سينا موديل 2001 42000
9- فورد اسكورت 1300 سىسى ب 32000
10-فورد اسكوت 1600 سىسى المتور البوكسر 35000
11-لانسر البطة موديل 92 41000 دة فى حالة الحالة الى محصلتش و فول ابشن
و فيه حجات تانيه كتير بس دى الحجات الى جت فى زهنى دلوقتى و الى معايا اغلب تلفونات اصحبها لو تحبوا تتأكدوا تكلمهم حتى لو كانوا باعو تسألوهم باعو
دة غير ان فيه ناس كتير ادامى عارضين ابيزا بأسعار زى ما بقول لو حد عايز يقولى و انا اديه نمرت التليفون و هو يعاين بنفسة

فعلاً الكلمتين دول فيهم الشفا - الله ينور..

بس ما تيجو يا جماعة نحسب الموضوع بشل عقلاني وعلمي

هي الإبيزا 94 لما كانت زيرو كانت بكام في سنتها؟

ما تيجوا نحسب نسبة إهلاك ونعرف القيمة السوقية العادلة وبعدين هنعرف ان الـ33 او 34 دول فعلاً سعر ظلم ولا كويس

في حد محاسبة يعرف يحسبلنا نسبة الإهلاك دي؟؟

أصل انا معرفش الطريقة الصراحة

وعلى فكره بقول للأخ صاحب السيارة أنا لا ببيع ولا بشتري بس لقيت الموضوع مناسب نطرح فيه الفكرة دي وعلى كل حال ربنا يحسنلك في بيعها وتلاقي زبون يقدرها ما دامت نظيفة كده.

ومعلش كمان مش فولكساوي ومعرفش الفرق بين البولو فوكس والبولو العادي ممكن حد يوريني صور ويشرحلي.

تحياتي...