الموضوع: صوت ماتور صنى الشكل القديم

المشاركة الأصلية كتبت بواسطة mustafafafafa

الحمد لله معايا صنى الشكل القديم 2014 عاملة 1600 كيلو لحد دلوقتى
حاسس ان صوت الماتور عالى شوية ولا ده طبيعى فى الشكل القديم ؟؟؟
و العربية اول ما بطلع بيها بتكون هادية شوية كده و سحبها مش تقيل شوية بس بعد كده بتبقى تمام !!!
هى العربية لازم تتسخن قبل ما اتحرك بيها لو ركنها فترة طويلة ( 10-15 ساعة كده ) ؟؟؟

10او 15 ساعة ليه يا باشا انت هتلين الموتور انا بهزر انا عارف ان حضرتك تقصد دقيقة لا يا باشا المعدل ده كتير جداجدا معدل التسخين الصحيح من 35ثانية الى دقيقة وبعد كتر هتبتدى تتحرك بس بدون قرص على العربية لحد ما مؤشر الحرارة يجى فى المعدل اللى بتكون السيارة فيه وصلت للمعدل التسخين الطبيعى وبعد كدة حضرتك امشى براحتك عادى

عادى صوت الموتور ملحوظ فعلا فى الشكل القديم
لكن عادى لو قفلت الازار او شغلت الكاسيت مش هتحس بيه
وعادى اطلع بالعربية باردة حتى لو كنت راكنها مدة كبيرة قبلها
المهم سخنها فقط 30 ثانية واطلع على البارد وخليك في ار بى ام قليل لحد ما تسخن معاك وبعدين عيش

صوت الماتور مسموع و عالي و هي ماشيه مش وهي واقفه علي السلانسيه كمان العزل بتاع العربيه وحش شويه و بيبان لما تعدي سرعه ١٢٠ بتحس ان الشباك في حته مفتوحه
بس سيبك من ده كله العربيهممتازه علي سعرها و صفقه ممتازه و مطلوبه في السوق، اعرف واحد جابها من سنه اتوماتيك بسعر ١٠٠ الف و دلوقتي جيباله ١٠٢ الف يعني ركبها سنه ولما حيبعها حيكسب فيها