سؤال للخبراء بخصوص زيت ماتور وفتيس الميجان

**Super_Star_h** · 30-05-2014 07:26 PM

ايه افضل زيت لماتور الميجان ؟
انا حطيت من قريب زيت شيل 10 الأف
هل ده كويس ولا ايه ؟
انا مشيت عليه لغايت دلوقتى ألف كيلو ولونه شفاف زي ما هو على مقاس الزيت
ولما سحبت منه شويه صغيرين لاقيت ان لونه بقى غامق !

وبخصوص الفتيس
ايه الزيت المخصص لفتيس الميجان الاتو ؟
وبياخد كام لتر ؟

**محمود سامح** · 31-05-2014 12:13 AM

زيوت شل كويسة جداا او الامارات والجيربوكس 4 لتر شل ممتاز او الامارات

**Super_Star_h** · 31-05-2014 12:36 AM

المشاركة الأصلية كتبت بواسطة محمود سامح

زيوت شل كويسة جداا او الامارات والجيربوكس 4 لتر شل ممتاز او الامارات

انا علطول بستخدم شل الأصفر
بس فى الميجان قولت اجيب ال 10 ألاف الألترا عشان مفضلش اغير كل شويه
بس الجيربوكس فى الميجان سمعت ان ليه زيت بمواصفات معينه كده !
ولا كله واحد مش فارقه ؟

**تامر.محمد** · 31-05-2014 01:11 AM

زيت الفتيس ده من الالغاز
التوكيل بيقول لك ما يتغيرش الا لو الفتيس اتفك
انا شخصيا مش مقتنع
بالنسبة لنوع الزيت نفسه
التوكيل بيحط زيت معدني رخيص
و الناس اللي حطته اشتكت انه بيسخن الفتيس مع ظروف التشغيل القاسية
و الملحوظ ان الماركات التانية زي بيجو و ستروين و فورد مثلا بيحطوا زيت فتيس تخليقي غالي ، و ما بيحصلش على حد علمي كده

احد الاعضاء هنا كان من فترة قال انه هايحط في الفتيس زيت بيجو و ستروين ، بس ما قالش حاجة بعد كده متهيألي

Sent from my GT-N7000 using Forum Runner