عايز اركب جنوط لابيزا 98

**ahmedfrancais** · 01-06-2014 07:53 PM

السلام عليكم ..
احب اشكر كل الناس القائمة على منتدى نايل متورز وخصوصا قسم السيات ..بجد كل المعلومات اللى الواحد ببحتاجها بيلاقيها هنا .. شكرا ليكم وربنا يجعله فى ميزان حسانتكم ..

انا بقا عندى عربيتى ابيزا موديل 98 وماتورها 1400 ولسة مغير ليها اربع فرد كاوتش من 5 شهور طبعا 14 وسؤالى انا عايز اركب جنوط عليها ممكن اعرف اية افضل مقاس للعربيتى بس بشرط انى الجنوط ماتتعبش العربية او العفشة .. ولو هشترى جنوط هتكون مقاس كام .. و استيراد ولا صينى وياريت لو فى اسعار اكون شاكر ليكم ... وكمان عايز اسال هيكون فى مشكله لو اشتريت جنوط 14 وركبتها على الكاوتشات اللى عندى ..بدل مااشترى كوتشات مستنى ردودكم ..وشكرا ليكم مرة تانى .

**hossamalsadik** · 01-06-2014 10:13 PM

أهلا بيك حبيبى
مافيش مشكله الجنط لو 14 يمشى عادى مع الكوتش الى عندك
أنتا عندك تركب لحد مقاس 16 هيبقى كويس
لو حابب تعلى وتكون فى الامان خليك فى 15 وكوتشه هيكون مقاس 195/50

**Karim Ibiza** · 01-06-2014 11:48 PM

أهم حاجة لما تحب تجنط بدون ما تتعب العفشة هو انك تلتزم بمقاسات الفبريكة بتاعة الكاوتش وان الاوفست بتاع الجنط يكون فى حدود المسموح بيه لعربيتك

الابيزا 98 بتنزل بجنوط فابريكة حديد مقاس 13 و اوفست 38 ومقاس كاوتش 155/80 او 175/70
لو جنط 14 يبقى كاوتش 185/60
لو جنط 15 يبقى كاوتش 185/55 او 195/50
لو جنط 16 يبقى كاوتش 195/45 او 205/40
واى اختلاف فى مقاسات الكاوتش دى هتعمل معاك خطأ فى قراءة عداد السرعة
والجنط يكون بين 13 الى 16 ويكون عرضه من 6 الى 7 بوصة و اوفست من 35 الى 45 وطبعا 4x100

أهم حاجة تستنضف الجنط اللى انت هتجيبه ويكون صلب وخفيف سواء جديد او استيراد

أنا رأيى من رأيى حسام ان الـ 15 بالنسبة ليك هيكون كويس وشكله حلو ومش هيتقل عربيتك, لكن الـ 16 ده عايز مواتير كبيرة

**SYD** · 02-06-2014 03:04 AM

اهلا بيك في قسم سيات نايل موتورز
انا كمان رأيي في الجنط 15
بس طالما الكاوتش جديد هات 14 شكله شيك ونضيف وسنتين ثلاثة بعد ما تنحل وبره بيعه بالكاوتش وهات 15 بكاوتش جديد
في جنوط 14 في الحرفيين BBS وأستيراد وكل الأنواع اللي تخطر علي بالك
لو تعرف Medo Performance كان عنده الBBS ال14 سعره بيبدأ من 2500 جنيه ولحد 4000 بس مش عارف اصلي ولا مضروب
وممكن تدور علي استيراد بس مانصحكش بيه

تحياتي

**SYD** · 02-06-2014 11:49 PM

المشاركة الأصلية كتبت بواسطة ahmedfrancais

شكرا على ردودكم ..بس انا النهاردة روحت الحرفيين ولفيت وطبعا مش كان فى جنوط على دماغى .. ولما لقيت جنوط حلوة كانت استيراد وكانت 1800 جنية ..طبعا انا بصراحة لقيتها غالية بالاضافة انها 15 ...لكن فى الاخر لقيت جنوط 14 استيراد وعاملين 1000 جنية طبعا قعد اكسر فيهم لحد مااخدتهم على 800 جنية بصراحة حالتهم حلوة بس هما عايزين يروحوا ورشة نيكل يترشوا رشة نضيفة ويبقوا زيى الفل ..ياريت اللى يعرف ورشة محترمة يقولى .. نسيت اقوالكم انى الجنوط صناعة اسبانى ..ياريت تقوليلى رائيكم .. عشان اعرف انا ماشى صح ولا لاء..

الف مبروك الجنوط
الحرفيين فيها كام واحد بتوع دهان جنوط فقط - نيكل وألوان (لون او اكثر لنفس فردة الجنط)

تحياتي