ما يجب التأكد منه عند استلام سيارة جديدة - انسجنيا

**حسام فتحي** · 01-06-2014 11:45 PM

انا انشاء الله سأستلم انسجنيا خلال الأسبوع ده. هل هناك ما يجب التحقق منه او مراعاته عند الاستلام؟ هل أستطيع قيادة السيارة بدون ارقام حتي مكان الترخيص ام يلزم ارقام تجارية؟ لكم جزيل الشكر.

**caeser** · 02-06-2014 05:41 PM

ألف الف مليون مبروك

اصل ما فيش حاجة معينة بس المهم تبص علي صاج العربية لتكون مخبوطة ولا حاجة فقط اصل العربية زيروووووو مش تخاف يعني المهما لمكان اللى جايب منة يكون لية سمعة ومعروف

وممكن تمشي بالعربية من غير نمر بس هايبقي معاك ورق العربية

**M R. Z E C O** · 02-06-2014 05:53 PM

الف مبروك .....بص عالصاج وجرب الكماليات وشوف السحب وكده والانوار فتحة سقف تكييف كل حاجة وربنا يباركلك فيها ومفيش مشكلة لو مشيت من غير نمر

**حسام فتحي** · 02-06-2014 09:13 PM

شكرًا للرد و الله يبارك فيكم انا ناوي استلم صباح الجمعة علشان تكون الطرق اهدأ قليلا. السير بدون ارقام سمعت فيه آراء مختلفة فسأحاول أأجر ارقام تجارية حتي الترخيص انشاء الله.

**حسام فتحي** · 02-06-2014 09:17 PM

تمام يعني اجرب قدر ما أستطيع ، شكرًا جزيلا
انا سمعت ان في مركز بالرحاب للاوبل هل جربته او اي من الأخوة الأفاضل ملاك الاوبل؟ انا غالبا سألجأ له في الصيانات العادية.

**احمد فهمى** · 02-06-2014 10:51 PM

افضل حاجه يوم الجمعه ومبروك لك والنمر التجاريه صعب الحصول عليها توكل على الله ورخص تانى يوم وبالتوفيق ومش هضيف على كلام الاعضاء الافاضل غير خرج حاجه لله

**Omar Mahmoud** · 02-06-2014 11:17 PM

الف مبروك
المفروض تتأكد من الصاج الخارجي و تجرب الكماليات قبل ما تخرج من المعرض
المشي بدون نمر سمعت فيه كلام كتير و الكلام ده كان وقت ما اخويا اشتري الجين 2 واستلمها قبل العيد الكبير و قعدت اسبوعين من غير ترخيص و الورق كان معانا بس ناس كتير قالت انه غلط نمشي من غير نمر.

**حسام فتحي** · 04-06-2014 12:31 AM

ذهبت اليوم لدفع التأمين و السيارة كانت هناك البائع قال لي اتفرج :) .... فوقهم عمارة سكنية و وقع مقص قديم علي الشنطة و تسبب في نقرة واضحة. البائع فورا قالي حالب واحدة تانية و معلش ممكن تاخد أسبوع لاتنين. الحمدلله قدر الله و ما شاء فعل. نصيحة التشييك فعلاً مهمة.