مشكرو استاذ كريم .. الزيت مقلش وبحط زيت موبيل 5000 كم..جاري قرائة الموضوع
عرض للطباعة
طلمبة الزيت ضعيفة و لازم تتغير
MMamdouh
[QUOTE=MMamdouh;3875605586]طلمبة الزيت ضعيفة و لازم تتغير
MMamdouh[/QUOTEجبت من الاخر كالعاده
الموضوع ده يا جماعة مش من طرمبة الزيت طالما التزييت بيوصل لفوق ولمبة الزيت مبتنورش يبقى مافيش مشكلة انا كان عندى نفس الموضوع ده بس فى اوبل فكترا واعتقد ان هما متشابهين جدا فى الموتور يكاد يكون واحد والكامة عندى انكسرت كذا مرة ومن النص برضة لحد ما عرفت ان السبب كان فى وش السلندر كان مقفع ومش مضبوط ومع المده مع حركة الكامة مع الجراب اللى بيتة فيه بينكسر ولو ركبت كامة تانى يحصل نفس المشكلة واعتقد ان اخونا لازم يغير وش السلندر لانة هو المسئول عن كسر الكامة ولو غير وكامة تانى هيحصل نفس المشكلة لا بد من تغيير وش السلندر
انا كنت مركب نص موتور لانوس عندى والعيب ده شائع فى الاوبل فكترا من 90 الى 95 الموتور 1400 اللى هو اصلا طبق الاصل من الانوس العيب زى ما انا قلت من وش السلندر ده عن تجربة لانى غيرت الكامة دى 3 مرات متتالية وكانت بتنكسر من النص لو عيب ططرمبة لمبة الزيت هتنور وهيسمع اصوات عجيبة فى الموتور ولو عاوز يتاكد من الطرمبة يفتح غطا الزيت من فوق ويشوف تدفق الزيت واصل لبرة ولا لا انا مستبعد الطرمبة المشكلة ان وش السلندر بيكون مقفع يعنى مش مظبوط فيه اعوجاج من عوامل كتير من سخونة الموتور الزياده وايضا معلومة كمان بتخلى الوش يقفع لما تفتح الكبوت مرة واحده والعربية لسه سخنة مع تكرارها تخلى الوش يقفع ولما يبقى الوش مقفع يبقى مع تربيط المسامير مش مظبوط وبما ان جراب الكامة فوق الوش فبيتاثر بالعمليه دى لانة بيطبع مع الوش ومع الاحتكاك المسنمر بيسبب اعوجاج للكامة لان الوش اصلا مش مظبوط هى عملية ميكانيكية مرتبطة ببعض ولو فيه خلل لو ملى هياثر على الاجزاء دى واراهن انا صاحبنا الكامة بتاعتة انكسرت كذا مرة من نفس المكان وارهن ايضا ان لو غير طرمبة هيحصل نفس المشكلة
الاخ الفاضل zendo :3mla:
فعلا انا امبارح خرجت من المنتدى وانا مقتنع ان طرمبة الزيت تعمل المشكلة دي ..وآخر اليوم رحت للميكانيكي وقال نفس كلام حضرتك وش سلندر أو شورت بلوك لو الامكنيات تسمح ..ورسينا على الآتي..
امشي على الوضع الحالي ومقرص على المطور ولا احرق على الغيارات لحد م نشوف وش سلندر ..والحمد لله على كل حال:dumb: