تحذير للعضو لمخالفتة القاعدة رقم 12 من المنتدى
الإدارة - 3
تحذير للعضو لمخالفتة القاعدة رقم 12 من المنتدى
الإدارة - 3
جرب تقول لواحد مسلم إنتا قبطى ... رد فعله مش مضمون بصراحة :D
و بلاش سوء الظن يا أستاذ محمد ... إذا كنت تقصد تمسك المسيحيين فى مصر بقبطيتهم فده بالظبط شبيه بتمسك المسلمين بعروبتهم .... و أنا مش شايف إن ده المفروض يبقى موضع خلاف ... لأن حالياً إحنا كلنا مصريين و كل واحد ليه معتقداته الخاصة و مفيش حاجة بتفرق بيننا ... غير البند الغبى اللى هو خانة الديانة فى البطاقة الشخصية ... بس كده.
لأ يا أستاذ وائل .. حضرتك اللى جانبك الصواب فى النقطة دى .... التراث الإنسانى لا يتوقف فى أى حقبة من الزمن ... و الكتب الأدبية و العلمية لم تتوقف فى وقت الحقبة القبطية بالعكس كان هناك علماء كثيرين فى ذلك الوقت و كتبهم كانت تنشر فى مكتبة الأسكندرية و فى المدرسة الإكليريكية التى أنشأها مارمرقس فى الإسكندرية و أذكر حالياً من علماء تلك الفترة هو الراهب ديدموس الضرير الذى إخترع طريقة للقرأة للمكفوفين قبل برايل بعدة قرون .... أضف إلى ذلك أن الإسكندرية كانت أحد أهم المراكز الدينية و العلمية و الأدبية فى العالم فى ذلك الوقت.
عدم وجود تلك الكتب و الوثائق حالياً يرجع إلى إنه فى خلافة الوليد بن عبد الملك الأموى (705 م) أعلنت اللغة العربية لغة رسمية فى القطر المصرى بدلا من اللغة القبطية و عمل على نزع الكتابة من أيدى الأقباط العاملين فى الدواوين الحكومية.
لما رأى الأقباط أن هذا التغيير سيفقدهم وظائفهم عولوا على تعلم اللغة العربية فظهر ما يعرف باسم السلالم (كتابة الكلمات العربية بأحرف قبطية).
لكن الضربة القاسمة للغة القبطية كانت على يد الخليفة الفاطمى الحاكم بأمر الله (996-1021 م) الذى أصدر أوامر مشددة بإبطال إستخدام اللغة القبطية تماما فى البيوت و الطرقات و المدارس، و معاقبة كل من يستعملها بقطع لسانه. كما أمر بقطع لسان كل أم تستخدم تلك اللغة مع أولادها فى المنزل. و قد كان ينزل بنفسه إلى الشوارع و يتجسس على أبواب البيوت ليرى ما إذا كان هناك أحد يستخدم اللغة القبطية .. بالإضافة إلى إحراق الكتب المكتوبة باللغة القبطية و منع تداولها بين الناس.
و ببلوغ القرت الثالث عشر كانت اللغة السائدة هى اللغة العربية و أخذ علماء الأقباط يصيغون مؤلفاتهم باللغة العربية مثل أولاد العسال - جرجس بن العميد - أبو شاكر بن الراهب - القس بطرس السدمنتى. و لقد كان أول من ألف كتاباً مسيحياً باللغة العربية هو الأسقف ساويرس بن المقفع.
يقول المقريزى المؤرخ المعروف فى القرن الخامس عشر "و الأغلب على نصارى هذه الأديرة معرفة القبطى الصعيدى .. و نساء نصارى الصعيد و أولادهم لا يكادون يتكلمون إلا القبطية الصعيدية" و فى القرن الثامن عشر ظهرت اللغة القبطية المكتوبة بحروف عربية كما هو الحال قائم إلى الآن.
فلهذه الأسباب فإن الموروث القبطى حالياً هو فقط متمثل فى الصلوات الدينية للمسيحيين ... و لعلمك اللغة دى ليها قواعد و جماليات زى أى لغة.
و أرجو من الأخوة الأعضاء فى تعليقاتهم .. تخفيف حدة الكلام ضد اللغة القبطية و مراعاة شعورنا .. ذلك لأننا نعتز بها تماماً كما يعتز المسلمون باللغة العربية .... و متهيألى المسلمين هيتضايقوا لو رحت باكستان مثلاً و قلت اللغة العربية دى ملهاش لازمة ... و لاحظوا إن الهجوم حالياً من طرف واحد و الحمد لله مفيش رد من الطرف الآخر عشان متحصلش مشكلة كالعادة.
لو فى أى توضيح مطلوب ... إتفضلوا بالسؤال
و تحياتى للجميع :original:
خلي بالك ... الفراعنة دول كان معظمهم وثنيين ......وعلي رأسهم فرعون موسى وهامان وقارون وغيرهم كتييييير
اما رعاة الغنم ... معظم الانبياء ان لم يكن جميعهم .... رعو الغنم
يا ريت يا جماعة بلاش الموضوع ياخد اكبر من حجمه ....
وبعدين هو الهدف من الموضوع ده ايه اساسا ...
لا حد ح يدخل اللغة القبطية في المناهج ولا حد اساسا بيتكلمها في مصر باسثناء النصوص المسيحية القديمة ...
يعني اللي عاوز يتعلمها ح يتعلمها للغرض ده ....و معظم اخواننا المسيحين لا يتكلمون القبطية ولا يقرأونها ... سواء في مصر او العالم كله
يبقى الاستطلاع ده مش ح يقدم ولا ح يأخر ....
وبعدين هو لو الاستطلاع قال ايوه والحكومة عاوزة لأ ... حد ح يبصلنا من اساسه
.....
اعتقد كفاية كدة
مش ناقصين
:D:D:D ده صحيح فعلا للأسف :D:D:D
لكنه لا ينفي ان كلمة قبطي في المعنى الصحيح لها تعني مصري أي أنني قبطي رغم انني مسلم وان غيري من المسيحيين قبطي أيضا رغم انه مسيحي الموضوع مالوش دعوة إذا كان مسيحي أو مسلم الديانة (يعني حتى مسلمي مصر هم أقباط أيضا الى جانب مسيحيها) هذا هو الصحيح
+1
الكلام ده انا متفق معاه تماما
انا متفق معاك تماما وياريت المصريين كلهم مسيحييها و مسلميها يكونوا متفقين على الرأي ده كان زمان البلد مافيهاش مشاكل خالص من النوعية دي خالص
انا عن نفسي بعتز باللغة القبطية زي العربية وزي الهيروغليفية وأي لغة مصرية ... الوضوع مش موضوع مسلم ومسيحي ... الموضوع موضوع لغة حية أصبحت هية لغة الشعب المصري ولغة من اللغات الميتة التي لا تهم سوى المتخصصين فيها فهل نقوم بتدريسها لكافة الشعب أم لا
عشان كده انا شايف اننا خرجنا عن الموضوع الرئيسي
اقتباس:
انا عن نفسي بعتز باللغة القبطية زي العربية وزي الهيروغليفية وأي لغة مصرية ... الوضوع مش موضوع مسلم ومسيحي ... الموضوع موضوع لغة حية أصبحت هية لغة الشعب المصري ولغة من اللغات الميتة التي لا تهم سوى المتخصصين فيها فهل نقوم بتدريسها لكافة الشعب أم لا
عشان كده انا شايف اننا خرجنا عن الموضوع الرئيسي
بالعكس أنا مكنتش أقصد على إن إعتبارها لغة ميتة هو إساءة .... و لعلم حضرتك أنا تصويتى فى الإستطلاع كان لا أوافق ... و أنا مش معترض على إن إستخدامها حالياً مقتصر على فئات معينة فمفيش داعى لتعميم دراستها فى كل المدارس.
أنا كنت أقصد أساليب معينة فى الرد ... و أعتقد الكلام وصل للى أقصده.
نرجع بقى لموضوعنا ....
... أنا قلت رأيى خلاص :D
إتفضلوا حضراتكم.
بس ممكن أسأل سؤال فرعى فى الموضوع ... فى مادة التاريخ هناك إهتمام شديد جداً بالفترة الفرعونية بشكل ممل حتى لو الواحد بيحب التاريخ ... و أيضاً إهتمام شديد جداً بفترة ما قبل الثورة و أثنائها و بعدها ...... و إهمال تام لفترة الحقبة القبطية و الحقبة الإسلامية ... هل هناك سبب؟ ... يعنى أنا مثلاً معظم معلوماتى عن الفترتين دول كانت من على النت على عكس الفترة الفرعونية و فترة الثورات معظم معلوماتى من كتاب التاريخ.
انا لاحظت الموضوع ده برضه بعد ماخلصت المدرسة ولا قيت ان كل معلوماتي عن الفترتين دول من قراءاتي الخاصة فقط
زي ماتكون الحكومة عايزة تلغي الفترتين دول من تاريخ مصر برغم ان فيهم أكبر واهم تحولات في توجهات مصر الداخلية والخارجية ... ماعرفش ليه
لأن بعد التاريخ الفرعوني نطوا على طول على تاريخ مصر في الدولة الحديثة وابتدوا من أول أسرة محمد على