فايز البنزين وتانك الاحتياط - ابيزا 94

**Hazem_Ahmed** · 02-06-2014 02:40 PM

السلام عليكم ورحمة الله وبركاته

الموضوع هنا عن فايز البنزين وتانك الاحتياط

تانك بنزين الابيزا 40 لتر + 7 لتر احتياط يعنى اجمالى بكون ماشى بـ 47 لتر بنزين ف العربيه

تانك الاحتياط بيتملى تلقائيا بمجرد انى بمون العربيه حتى لو مكنتش عايز افول

بالنسبه للزرار اللى ف يمين زور تانك البنزين ده بتاع الفايز وبالضعط عليه بينزل البنزين الزياده ف زور جنب التنك وبيرجع تانى للتنك بمجرد نزول مستوى البنزين عن حد معين داخل التنك

ومن ضمن المفاهيم الخطأ عن موضوع الزرار اللى ف يمين زور التانك ده:

رقم1 : ان هوا ده زرار تانك الاحتياط بتاع العربيه ومبيتملش الا لما افول العربيه واضغط عليه (طيب لو هوا كده دا انا كده مطالب افول الاحتياط ف كل تموينه

)
رقم2 : ان ده بتاع الفايز وبيتخلص من البنزين الزياده خارج التانك (اصل البنزين ببلاش اليومين دول ومش مشكله لو اتكب شويه على الارض

)
رقم3 : ان تانك الاحتياط بيتملى على مرحلتين مرحله اثناء التموين ومرحله بعد التفويل بالضغط ع زرار الاحتياط

انا شخصيا سمعت الكلام ده من ناس راكبه ابيزا وجولف (بما انهم ولاد عم) ومحدش عنده معلومه قطعيه عن الموضوع ده

اعضاء نايل موتورز الكرام

تم عمل الموضوع لتاكيد المعلومه او تصحيحها لتعم الفائده على الجميع وذلك لتضارب الاقوال وكثره الاراء

**SYD** · 02-06-2014 05:48 PM

اوﻻ بشكرك علي فتح الموضوع للنقاش
ثانيا التانك اللي بتتكلم عنه اسمه الاضافي وليس الاحتياطي
ودة بيتملي بالضغط على الزرار اللي في يمين الزور
ود بيبدأ يملي بعد ما التانك الاساسي يفول
والسحب بيتم منه اولا وبعد ما يخلص بيبدأ السحب من التانك الاساسي
العوامة بداخل التانك الاساسي
وبالتالي فطول المسافة المقطوعة من التانك الاضافي فالعربية مفولة (لاننا متفقين ان الاستهلاك بيتم اولا من الاضافي)
سعة التانك الاساسي حوالي 45 لتر
سعة التانك الاضافي حوالي 7 لتر

تم

**hossamalsadik** · 02-06-2014 10:41 PM

فعلا سعة التنك بالكامل أساسى و إضافى 52 لتر وكنا ناقشنا ده زمان
عشان تمون او تملاء التنك الاضافى يبقي لابد من الضغط على زر طبة التنك الاضافى والأنتظار حتى يتملىء لان زور التنك الاضافى ضيق عن الاساسى
نسميته تنك اضافى وليس احتياطى راجع لاننا بنستهلكه الاول وليس فى الاخر علاوة على تسميته كده فى كاتلوج العربيه (يعنى لما اللمبه تنور يبقى انتا كده عندك فى الاساسى اقل من 7 لتر ولايوجد غيرهم )
تقسيم التنك لاساسى واضافى من المرجح لأتزان العربيه فى الخلف وخاصة اثناء الدوران

**SYD** · 02-06-2014 11:47 PM

المشاركة الأصلية كتبت بواسطة hossamalsadik

فعلا سعة التنك بالكامل أساسى و إضافى 52 لتر وكنا ناقشنا ده زمان
عشان تمون او تملاء التنك الاضافى يبقي لابد من الضغط على زر طبة التنك الاضافى والأنتظار حتى يتملىء لان زور التنك الاضافى ضيق عن الاساسى
نسميته تنك اضافى وليس احتياطى راجع لاننا بنستهلكه الاول وليس فى الاخر علاوة على تسميته كده فى كاتلوج العربيه (يعنى لما اللمبه تنور يبقى انتا كده عندك فى الاساسى اقل من 7 لتر ولايوجد غيرهم )
تقسيم التنك لاساسى واضافى من المرجح لأتزان العربيه فى الخلف وخاصة اثناء الدوران

أتفق معاك يا أ/ حسام في كلامك ولكن لي تعليق بسيط علي اخر جزئية والخاصة بالأتزان
معروف ان السوائل بوجه عام تعمل علي اختلال الأتزان وليس العكس
وبالتالي فأنا استبعد الحكمة من التانك الأضافي في الأتزان
ولكن الأرجح انه لتوفير مسافات أضافية للسير بالسيارة دون المساس بالتانك الأساسي

تحياتي

**SYD** · 03-06-2014 04:30 PM

بص يا باشا
انت مهما تفضل دايس علي الزرار مش هيملي غير لما مستوي البنزين يوصل للزور
وزي ما قال ا/ حسام
فتحة التانك الاضافي ضيقة وهتخنق معاك لو تدفق المسدس جامد
وبالتالي عامل المحطة المفروض يدوس ويسيب لحد لما البنزين يتسحب وبعدها يدوس تاني ويسيب
وهكذا لحد لما التانك يبطل يسحب
يبقي انت كدة فولت اساسي واحتياطي

تحياتي

-

-

-

الموضوع: فايز البنزين وتانك الاحتياط - ابيزا 94

LinkBack

أدوات الموضوع

عرض

فايز البنزين وتانك الاحتياط - ابيزا 94 - انشر الموضوع فى :

-

-

-

-

المواضيع المتشابهه

فايز تانك البنزين للفوكس

ماسوره فايز تنك البنزين

تجربتى مع عاطف فايز للتكييف

انتهاء خدمه الاحتياط

الكلمات الدلالية لهذا الموضوع

المفضلات

المفضلات

ضوابط المشاركة