عاوز أعرف سعر الرفرف الأمامى للفليشيا

السلام عليكم و رحمة الله و بركاته

أخوكم جديد فى السواقة و ليسه شارى فليشيا 97 من حوالى شهر

بس أخدت خبطة جامدة شويه فى الرفرف الشمال من أول فانوس الإشارة الى نصف الرفرف و إتعجن هو ممكن يترد .....
1-بس أنا بسأل لو حبيت أغير الرفرف بواحد إستعمال يعمل كام و من فين .. أنا فى إسكندرية

2- كنت عايز أغير زيت للعربية فإيه أفضل نوع زيت ( شل أم موبيل أم ....... ) و كام كيلو ( 3000 / 5000/ 10000 )
و أغيره عند الميكانيكى و لا فى البنزية أفضل

3- فى حركة الفتيس الأولانى فيه عضة و العربية ماشية لكن و العربية واقفة ما فيش مشكلة
فا إيه الحل ... و أسف للإطالة بس أنا مش عارف أعمل إيه

يوجد بياع عنده طلبك وهو الرفرف الوحيد عنده لانه باع الرفرف اليمين من النصف الموجود عنده ولونه زيتي ميتالك وممكن تحك معاه في السعر لان النصف عنده من فترة يعني لو قالك 200 قول له 100 وهو عايز يفكه ويبيعه والراجل ده اسمه طارق وده رقمه 01204204264 وهو في منطقة السيوف والنصف مركون عند بيته بجوار بنزينة توتال امام سيتي لايت

بالنسبة للزيت شل كل سنة وانت طيب وفي بدلا منه توتال 3000

شكرا لك أستاذ حسن على المساعدة
بس أسألك هو الرجل ده فين بالضبظ و إسم المحل و لو إتصلت بيه أقوله جيبت تلفونك من فين

سعر السوق كام للرفرف ده علشان أبقى عارف و مايضحكش عليا

و جزاك الله كل الخير

الرجل ده انا سبق وقلت انه في منطقة السيوف واسم المحل هيما ومفيش بياع بسأل الزبون انت جبت تليفوني منين
وقول له انا عندي زميلي في الشغل قالي ان انت بتشتغل في الفليشيا وعندك نصف فية رفرف شمال وانا محتاجه
حتبعهولي بكام حيقولك علي السعر اي سعر قوله ليه ياعم ده علية طرطشة اسمنت ومتبهدل لعلمك الرفرف ممتاز وانا كنت حاخذه مع شوية حاجات كنت خدتهم منه ولكن المكان ياصحبي ديق وانا متاكد انه حيدهولك بالسعر 100بس خلي ابنه احمد يفكهولك بالراحة

ماشى يا حسن باشا إن شاء رب العالمين بكرة أروحله و ربنا يسهل و أنا كده عرفته فين

انا شيفك منور بس ما قلتش عملت ايه في الرفرف ولعلمك الرجل ده عنده اربع ابواب وشنطة كمان نسيت اقولك عليهم امس

أستاذ حسن ... أنا روحت إنهارده بعد العصر و أخدت الرفرف .... هوا عاوز يتروق بس شغال
و الرجل ( أ. طارق ) كان تمام و متهاود
ربنا يجزيك كل الخير

انت قلت له انا من طرف حسن الشيخ ولا ايه
واخذته بكام

زيت توتال 20/50 ال 3000 كويس زيي الشل الأحمر ال3000 ماشى معايا بقاله 1300ك ومافيش منه مشاكل وجارى تجربتة لحد ال3000 وربك المستعان !!

صاحب الموضوع مقالش اخد الرفرف على كام فالاخر ياريت تقوللنا علشان نستفاد

والله انا كنت بقول كده برضه بس هو اخذه ب 130

معذرة إخوانى للتأخير

أنا أخذت الرفرف على 130 جنيه ...

بس أنا حاسس أن الرفرف الأصلى اللى عندى ( اللى إتعجن ) أحسن منه بكتير و خصوصا طريقة الجلفنة مع العلم الرفرف اللى إشتريته لو خد وشه نظافة حيبقى تمام ...

هل كان موضوع فك الرفرف سهل ام شئ يحتاج مجهود و عدة مخصوصة

أخى الفاضل abasabnferna فك الرفرف سهل جدا عبارة عن فك مسامير و مفك لفصل
الرفرف عن جسم السيارة نتيجة المادة العازلة بين الصاج

على فكرة أنا عارض الرفرف للبيع بنفس السعر 130 جنيه حيث أننى أصلحت الرفرف المخبوط و رجع كما كان