عاوز أعرف سعر الرفرف الأمامى للفليشيا

**AYMAN616** · 02-06-2014 09:42 PM

السلام عليكم و رحمة الله و بركاته

أخوكم جديد فى السواقة و ليسه شارى فليشيا 97 من حوالى شهر

بس أخدت خبطة جامدة شويه فى الرفرف الشمال من أول فانوس الإشارة الى نصف الرفرف و إتعجن هو ممكن يترد .....
1-بس أنا بسأل لو حبيت أغير الرفرف بواحد إستعمال يعمل كام و من فين .. أنا فى إسكندرية

2- كنت عايز أغير زيت للعربية فإيه أفضل نوع زيت ( شل أم موبيل أم ....... ) و كام كيلو ( 3000 / 5000/ 10000 )
و أغيره عند الميكانيكى و لا فى البنزية أفضل

3- فى حركة الفتيس الأولانى فيه عضة و العربية ماشية لكن و العربية واقفة ما فيش مشكلة
فا إيه الحل ... و أسف للإطالة بس أنا مش عارف أعمل إيه

**حسن محمود احمد** · 02-06-2014 11:22 PM

يوجد بياع عنده طلبك وهو الرفرف الوحيد عنده لانه باع الرفرف اليمين من النصف الموجود عنده ولونه زيتي ميتالك وممكن تحك معاه في السعر لان النصف عنده من فترة يعني لو قالك 200 قول له 100 وهو عايز يفكه ويبيعه والراجل ده اسمه طارق وده رقمه 01204204264 وهو في منطقة السيوف والنصف مركون عند بيته بجوار بنزينة توتال امام سيتي لايت

بالنسبة للزيت شل كل سنة وانت طيب وفي بدلا منه توتال 3000

**AYMAN616** · 02-06-2014 11:31 PM

شكرا لك أستاذ حسن على المساعدة
بس أسألك هو الرجل ده فين بالضبظ و إسم المحل و لو إتصلت بيه أقوله جيبت تلفونك من فين

سعر السوق كام للرفرف ده علشان أبقى عارف و مايضحكش عليا

و جزاك الله كل الخير

**حسن محمود احمد** · 02-06-2014 11:52 PM

الرجل ده انا سبق وقلت انه في منطقة السيوف واسم المحل هيما ومفيش بياع بسأل الزبون انت جبت تليفوني منين
وقول له انا عندي زميلي في الشغل قالي ان انت بتشتغل في الفليشيا وعندك نصف فية رفرف شمال وانا محتاجه
حتبعهولي بكام حيقولك علي السعر اي سعر قوله ليه ياعم ده علية طرطشة اسمنت ومتبهدل لعلمك الرفرف ممتاز وانا كنت حاخذه مع شوية حاجات كنت خدتهم منه ولكن المكان ياصحبي ديق وانا متاكد انه حيدهولك بالسعر 100بس خلي ابنه احمد يفكهولك بالراحة