أنا حجزت اتراج ... و هستلم يوم الثلاثاء إن شاء الله يا جماعة ... أنا قلقان شوية لأنى كنت فى حيرة بينها و بين صنى و لوجان ... و الله يسر لي امرى فيها ... يا جماعة أيه ظروفها و ظروف توكيلها و قطع غيارها ؟
عرض للطباعة
أنا حجزت اتراج ... و هستلم يوم الثلاثاء إن شاء الله يا جماعة ... أنا قلقان شوية لأنى كنت فى حيرة بينها و بين صنى و لوجان ... و الله يسر لي امرى فيها ... يا جماعة أيه ظروفها و ظروف توكيلها و قطع غيارها ؟
ياريت يا جماعه اللي اشترى العربية يقولنا اخبار العفشة بتعتها ايه؟وارتفاعها عن الارض كويس وبتحك ف المطبات ولا لأ؟
تحذير قبل شراء الاتراج
انا مالك اتراج من سنة المزايا هى 1 السيارة سهلة السواقة جدا و الباور ممتاز 2 سحبها حلو متخفش منه و لكن لو شغلت التكييف تصبح بطة
العيوب
1- التكييف ضعيف جدا لدرجة انك هتعرق و انت مشغله على الاخر و ياما اشتكيت فى التوكيل و عملوا فحوصات لحد ما قالى فى الاخر هو دا اخره لان الماتور 1200
2-انا شارى اتوماتيك فئة اولى التابلوه ليس به اى فخامة و شكله كانها عربية صينى و مفيش تقريبا اى اوبشن فى العربية لدرجة انى بفتح العربية بالمفتاح زى عربيات الفيات 128 و كاسيت و سماعات اوحش من عربيات الكارو
3-العربية بعد 120 خفيفة و تحس ان شوية هوا يهزوا العربية و مع ذلك انا بجيب بيها 170 و لكن يكون طريق واسع و بدون اى مناورات
4-العربية من اول يوم جبتها فيه كركرة فى الماتور و رزع لما تمشى بسرعة هادية احيانا تظهر و احيانا لا و ياما اشتكيت فى التوكيل هيقلك هنضف الفلتر و انضف الرشاشات او يقلك كالعادة يمكن فولت من بنزينة وحشة و بعد كل دا المشكلة هى هى و لما تشتكى تانى هيقلك طبيعى لان الماتور 3 سليندر
5-لا تشغل التكييف و انت سايق لان الماتور بيكلبش و لازم تعمل كيك داون علشان تمشى زى الناس
6-العربية من اول يوم اشتريتها احيانا كانت تظهر رجة فى الدريكسيون لما ادوس فرامل بس كانت خفيفة و لكن بعد ما وصلت لل20 الف بقت على طول لما رحت التوكيل قلى هنغيرلك طنابير و فرامل الطنابير ب 850 جنيه و الفرامل ب 600 لما قلتلهم و اشتكيت قلولى بالنص العربيات الجديدة الطنابير فيها عمرها 20 الف كيلو و كل منظومة العفشة و الفرامل بره الضمان
7-نصيحة صادقة و الله انا صاحبى شارى لوجان الجديدة و بضرب نفسى بالجزمة انى مجبتهاش العربية فيها جميع الكماليات و فوق الممتازة العيب الوحيد هو عدم وجود فرامل abs فى الفئة الاولى
ما بتحكش فى اى مطب
العفشة نشفة و بتسمع جامد فى اى راكب
انا عندى مشاكل فى العفشة و ترزيع بعد ال 30 الف كيلو
اللوجان بدون تفكير افضل مئة مرة اسال اى حد سايقها فى الشارع و هيقلك رايه
السادة الاعضاء الكرام
ارجو الافادة بتركيب جهاز انذار فى السيارة اتراج ، هل اقوم بتركيبه فى التوكيل افضل ام خارج التوكيل.
وهل لابد من فك فرش الابواب من الداخل ليتم تركيب الانذار ام لا ، علما بان السيارة بها سنترلوك و مفتاح عادى و ليس مفتاح ريموت.
وشكرا مقدما لافادتكم و تعاونكم معى.
با جماعة سؤال من فضلكم للي معاه العربية بالفعل ... العربية صوتها و موتورها خشن زي العربيات ال 3 سلندر الصغيرة ولا ناعم و هادي؟؟
انا بالنسبالي ده المانع الوحيد ليا اني اشتريها ... بس ياريت يكون حد عنده و عارف كويس .. مش توقعات فقط
الف شكر مقدماً