حضرتك جربت أنهي فئة فيهم ؟ إلي ب-103 ولا ب-113 ولا المانيوال
عرض للطباعة
موضوع ممتاز يا احمد تسلم ايدك
لو هاقارن العربية دي
هاقارنها ب دايهاتسو سريون الويدة نفس الفئة 3 سلندر الف سي سي وبحكم اني معايا واحدة العربية ظريفة جدا
لكن مينفعش اقارنها ب لوجان حتي لان لوجان اقوس مش هاقول 301 واليزيه
سيتي كار من الدرجة الاولي
ال 3 سلندر مش عائق كبير وفي السفر ظريفة لكن مش راب عربية قوية
لما تسافر بيها اسكندرية موقفتش وفي عز الحر والتكييف شغال
يعني لما تجيبها قارنها ب بيكانتو واي تن ودايهاتسو سريون بس عربية بشنطة مش هاتشباك
صفقة مربحه لو انتشرت
للاسف كنا منتظرين من ميتسوبيشى تنزل بحاجة احلى ... السيارة شكلها سىء جدا من الخارج وسىء جدا جدا من الداخل
البيكانتو ... موتور 1200 سي سي 87 حصان بزيادة 9 حصان فقط ... فتيس أتوماتيك عادي ... من غير abs, ebd ... إيرباج واحدة برضه ... كوري بالكامل ... سعرها 100 ألف جنيه والناس بتشتريها ومالية البلد
الأتراج ... موتور مايفك من ميتسوبيشي .. 1200 سي سي ... 78 حصان (أقل 9 حصان فقط لصالح الوزن أقل بـ 50 كيلوجرام من البيكانتو) ... فتيس cvt ... فرامل abs, ebd ... وواحدة إيرباج .. عربية ياباني تقفيل تايلاندي ... سعرها أغلى بـ 10 آلاف زي أي ياباني في التقريب وليها شنطة
أعتقد إن في فرصة كبيرة لانتشارها ... لو فضلت بسعرها ده لو غليت عن كدة تبقى ما تستاهلش
المشكلة يا دكتور ايمن ان احنا في مصر الواحد اما بيجي يشتري عربية بيقعد يستلف من هنا ويتداين من هنا وياخد قروض عشان يدوبك يلحق يجيب العربية قبل ماتغلى
انا متوقع ان العربية دي موديل 2015 منها سعرها هيعدي ال 118 الف .. يعني زي الجين2 الاوتو بالظبط :)
والزبون يشتري ومبسوط وفاكرها عربية العمر .. وانا افضل اعيط من كتر الضحك عالجهل
ربنا يهدي الناس وتفهم بقى لانهم عايزين عربية وخلاص وقليل اوي لما حد يدور على مواصفات معينة