الموضوع: عايز احمى بوية العربية من الشمس

موضوع الدواير ده بيكون بسبب استخدام الفوطة الزفرة او فوطة مش كويسة سواء في التنضيف العادي او الغسيل و كمان لازم تستخدم شامبو للعربية مش صابون بريل لانه بياكل البوية.

انصحك دايما تغسل بشامبو و فوطة مايكروفايبر و بلاش السفنج. اما لو عايز تشيل الدواير لازم تعمل بولش و يكون حد بيفهم اللي بيعمله علشان تطلع مضبوطة و ميبهدلش البوية.

و انتظر ردود الناس هنا هيفيدوك اكتر مني

إستخدم المنتج ده



معلش الفلاش جامد شوية

تجنب الفوط الي فيها زيت
ولو العربية هتقعد وقت كتير لازم غطاء

انا كنت داخل اكتب موضوع شبيه بالموضوع ده ..
لما لقيت الكلام متشابه قلت أعلق معاكم هنا..
الاخ المحترم.. iNjECTOR
المنتج السابق بوليش ، واكس كالار..
بيعمل طبقه على الدهان تحميه من الخدوش والشمس؟؟؟؟؟؟؟
طيب سعره ايه واستخدمه ازاى؟؟؟؟
برجاء الافاده حسب تجربتك

البولش ده هتلاقيه فى كارفور المعادى ... اخر سعر ليه انا اشتريته بــ 110 جيه
- بتغسل عربيتك بمنتج


Sonax Wash and wax من نفس الشركة او ممكن تشترى


بعد كده بفوطة مايكروفيبر هتحط شوية من المنتج Sonax Wax and Polish وتعمل العربية كلها وبعدين بفوطة تانية بعد مرور 20 دقيقة وليس اقل ولا تترك نقطة لا تقم بإذالتها لانك سترهق جدا فى إذالتها بعد ذلك

البولش الفايده منها معاجة الجروح.. طيب ومال الجروح ومال الشمس والحرارة ... كلما قلت الجروح كلما قلت الانعكاسات كلما قل إمتصاص جسم السيارة للحرارة كلما قلت أضرار الشمس

الواكس ببساطة بيحمى عربيتك من أشعة UV
الحماية ديه من الشركة ديه بتحمى عربيتك حوالى 6 أشهر على حسب :
- عدد مرات غسيلك للعربية
- المواد المستخدمة للغسيل
- قوة المياه المستخدمة لغسيل العربية ( العامل ده مؤثر جدا فى إذالة الشمع وتجديد الخدوش والدوامات على دوكو العربية ... علشان فيه ناس بتزعل من الراجل بتاع المغسلة وتقوله " إتوصى "

تحياتى .. واى سؤال انا تحت امرك

أستاذ injector انا عارف انك محترف فى مجال العنايه بالعربيات
بس تعليق صغير على موضوع استتخدام sonax اللى هو sonax polish & wax color
اولا انا باستعمل المنتج دا وهو بيكون بحسب لون العربيه وانا لون عربيتى اسود وانا باعمله بنفسى لعربيتى.
ثانيا انتا كاتب انك تعمل العربيه كلها وبعد عشرين دقيقه تمسح العربيه
أنا شايف انا دا صعب جدا وان الصح انك تعمل جزء من العربيه مثلا البابين الشمال وبعد اقل من دقيقه تلمعهم
لأن المنتج دا بينشف جامد ولو اتاخرت عليه صعب تعرف تلمعه.
وكدا لحد ما تخلص العربيه وهو فعلا منتج كويس وبيدى نتيجه هايله.

المشاركة الأصلية كتبت بواسطة omar101970

أستاذ injector انا عارف انك محترف فى مجال العنايه بالعربيات
بس تعليق صغير على موضوع استتخدام sonax اللى هو sonax polish & wax color
اولا انا باستعمل المنتج دا وهو بيكون بحسب لون العربيه وانا لون عربيتى اسود وانا باعمله بنفسى لعربيتى.
ثانيا انتا كاتب انك تعمل العربيه كلها وبعد عشرين دقيقه تمسح العربيه
أنا شايف انا دا صعب جدا وان الصح انك تعمل جزء من العربيه مثلا البابين الشمال وبعد اقل من دقيقه تلمعهم
لأن المنتج دا بينشف جامد ولو اتاخرت عليه صعب تعرف تلمعه.
وكدا لحد ما تخلص العربيه وهو فعلا منتج كويس وبيدى نتيجه هايله.

كلامك فعلا مظبوط بالنسبة لصعوبة إذالة الشمع وهو بس علشان انا بستخدم Orbital Waxer


علشان كده انا بعمل العربية كلها
ترك العربية المده ديه بالتجربة
التجربة الاولى ليا كنت بسيبه فعلا من دقيقة لــ 5 دقائق وبعدين كنت برش ميه على المكان اللى عملته كنت بلاحظ ان الميه بتعقد على المكان
طولت المدة لـــ 10 دقائق لمكان تانى مسطح برده لاقيت جزء من الماء بينزل والباقي لا ...
لكن من 15 لــ 20 دقيقة لاقيت اكثر من 80 % من الميه بينزل والباقي بيعمل كده نقط علشان كده بقول 20 دقيقة


انا بشكرك على ملاحظتك وبشكرك على ذوقك .. وتحت امرك فى اى سؤال