يا جماعة ساعدوني فالتفكير في شراء موبيل جديد ؟؟؟

اولا انا شاب فاخر سنة جامعة .. و احتياجاتي في الموبيل مجرد اني عاوز يكون شكله شيك و يفضل يكون لونه اسود
و بلوتوث طبعا و لو فيه شبكة وايرلس مفتوحة (وده طبعا نادر) يدخل عليها .. و يبقى سريع ..
انا فكرت فالنوكيا بس فوجئت انها كلها دلوقتي بقت صيني
قلت سوني اريكسون لقيتها بيعها هيبقى صعب اوي بعد كدة
بصيت عال HTC لقيتها كلها تايواني و احجامها ضخمة
دورت على Apple IPhone ملقتش غير 3g جديد .. و تمنه 5000 جنيه .. ده غير انه لسة منزلش رسمي في مصر
يا رييت يا احلى منتدى تنصحوني اجيب ايه عشان قربت اتجنننننننن
و لو تنصحوني بال iphone أجيبه 3g جديد ولا 2g مستعمل ؟

اعتقد ان نوكيا E51 هيكون مناسب ليك

بعد التوسع في خدمات المحمول وانتشار خدمات الجيل الثالث انصحك بالبحث عن جهاز يدعم السرعات العالية وسهولة تصفح الانترنت وهذا في رأيي اهم بكثير من المزايا الاخرى المتعلقة بالكاميرا وغيرها
هناك عديد من المواقع التي قد تساعدك على اختيار الجهاز المناسب لك وان كنت لا تحتاج للانترنت هذه الايام فقد تحتاجه فيما بعد خاصة ان الاجهزة الحديثة من الممكن ان تعمل كجهاز مودم لأجهزة الكمبيوتر المنزلية واللابتوب

عن نفسي شايف إن احتياجاتك بتتلخص في نوكيا E66

بجد الله يفتح عليكو .. انا مفكرتش خالص في فئة ال E series فالنوكيا ..
انا بس اهم حاجة عندي انها متكنش نوكيا صناعة صيني ..
و يكون صوته كويس و مسموع .. و مش مهم عندي الكاميرا اوي عشان ماليش فالتصوير اوي

فعلا هبدأ افكر في ال E66 أو ال E51 .. بس محدش نصحني بالiphone ليه ؟

shof ay haga ericson
a7san mel nokia sad2ny

هي فئة ال E دي ليها برامج عالنت زي فئة ال N كدة ولا ايه ظروفها ؟

el sonyerricson kont hageeb el w890 w kan 3agbny awy bas mala2etsh feeh wifi w fe nafs el wa2t makansh re7'ees .. w sa2alt wa7ed 2abl ma ageebo 3al sonyerricson 2aly eny law gebto mosh ha3raf abee3o tany w ha7'sar feeh gamed .. fa batalt afakar feeh ..

نصيحه من اخ لاخوة الموبايلات كلها بتعمل نفس الوظيفه و ضرورى انك تعرف انك عاوز ايه من الموبيل (نوع استخدامك والامكانيات اللى هتستخدمها فعلا ) وبرضة مش تشترى عده لو ضاعت منك تندم و تزعل عليها وفى الاخر دى كلها بلاستيك

ربنا يخليك يا باشا عالنصيحة ..
بصراحة انا بحب لما تبقى معايا حاجة تبقى معايا لوحدي .. حاجة مميزة يعني ..و في نفس الوقت يبقى في الامكانيات اللي محتاجها .. انا عاجبني ال N95 8 giga بس من كتر ما شفته مع الناس و شفت الصيني اللي نازل شبهه اتخنقت منه .. و فكرت فال iphone عشان لسة جديد و متعرفش كتير .. بس اكتر حاجة قلقتني منه ان كل اللي بيبيعه بيبقى كسر زيرو .. كأنه اشتراه و معجبوش فبيبيعه .. ده غير طبعا حوار البلوتوث للسماعة فقط يعني لو عجباني حاجة عند حد مش هعرف اخدها منه ..
ال E Series دي باين عليها عملية اوي .. و ان شاء الله بكره هنزل اسأل عليها و كدة ..
واللي عنده اقتراح يا رييييييت ميبخلش بيه عليا ;)

i phone مجرد touch screen مفيهوش حاجة زيادة عن كدة غير قلة البرامج المتوافقة معاه بس شكله جميل جدا ممكن تفكر في n81 8gb او ننزل لفئة اقل k810i بس اعتقد مش هيعجبك اوي

ال n81 8 giga شفته مش حلو خالص .. والدليل انه مالي سوق المستعمل ومحدش بيشيله ..
و بالنسبة للسوني اريكسون مش هينفع عشان مشكلة اني لو حبيت ابيعه بعد كده هخسر فيه جامد ..
شكرا يا أخ مودي .. بس قلي رأيك بجد فالiphone ؟ انت شايفه منظر بس ؟ يعني مش عملي عشان كدة كل اللي بيشتريه بيبيعه كسر زيرو ؟ اصلي مستغرب من الموضوع ده بجد

جرب ال سونى اريكسون (P Series) او (W Sereis)

بكل بساطة i phone مجرد موبايل عادي خالص باختلاف انه touch screen بدل كي باد عادي كل اللي كانوا جايبينه اعتقد جايبينه للمنظرة فقط

عندك واحد معرفة لي شايل اي فون مع ان 95 اكيد شايلهم علشان المنظرة و هو اصلا مش من النوع اللي بيجيله مكالمات كتير

بالنسبة لل n 81 8 gb انا داخلة دماغي و عجباني جدا بس هي سوقها نايم معرفش له

نصيحة من مجرب....ابعد تماما عن ضمان i2 . زباااااااااالة

اقتباس:

---

نصيحة من مجرب....ابعد تماما عن ضمان i2 . زباااااااااالة

---

فعلا اغلب عيوب التيليفون يقولولك سوفت وير تاخد التيليفون يبوظ تاني دة غير التاخير في الصيانة و ميعاد التسليم

خش على السايت ده واختار advanced search واختار المواصفات اللي عايزها وهيجبيلك كل الموبايلات اللي فيها الإمكانيات اللي عايزها .....



www.gsmarena.com

انا رأيى نوكيا 6120 امكانياته جميله وثمنه 1260

اقتباس:

---

انا رأيى نوكيا 6120 امكانياته جميله وثمنه 1260

---

انا معايا اعدة دي توام n73 او n70 نثفس السوفتوير و نفس الامكانيات لكن شكلها احلى slim و كلاسيك لكن بحس انها تنفع لواحد عنه 30 - 35 سنة

انا مستنى رايكم لانى جيت اشترى n73لقيتو صينى وفيه قدامى واحد فنلندى جديد من غير ضمان وب1670

مش مشكله صيني لا مصنع نوكيا اتنقل في الصيين
وعموما n82 جهاز ممتاز ومتوفر منه فلندي في مصر 2450 جهاز جبار

طبعا من غير ضمان لان ممنوع تداوله في مصر لكن شركه رايه بتصلحه عادي بس مش مجاني

والله انا معايا الN95 8GB ممتاز جدا بمعنى جدا ما شاء الله والحمد لله
اينعم المشكلة في الضمان , وفعلا باظ منس وصلحته بره مصر وبدلوه بواحد تاني صيني مع ان اللي كان معايا فنلندي
بس مش حاسس بفرق لأن مهما كان نوكيا حتى لو نزل منه هندي ولا من اي حته برضو نوكيا جامد
السوني اريسكون جامد جدا بس مشكلته صيانته غاليه بعبط وسوقه واقف جدا
ال iphone مالوش اي لازمه فعلا ,, غير انه تاتش ويعتبر ipodتاتش وفيه مكالمات بس يعني ماله لازمه,,
أبعد عن الحاجات التاتش خالص في رايي مشاكلها كتير

خليك في النوكيا الفئة N and E زي ما الشباب قالوا لحضرتك ..

حد جرب ال E66 ؟ يا ريت اللي جربه يقلنا الموبيل ده عامل ازاي ؟ يعني هو احلى ولا الn95 العادي مش الميوزك والسوفت وير بتاعه عامل ازاي ؟ زي ال N ولا فيه حاجة مختلفة ؟

ادخل على الموقع ده وشوف ايه اكتر واحد هيعجبك وامكانيات كل واحد
www.gsmarena.com

E71 E71
E71 E71
E71 E71
E71 E71
E71 E71
E71 E71
E71 E71

NOKIA E71
or wait for HTC Google Phone

اقتباس:

---

نصيحة من مجرب....ابعد تماما عن ضمان i2 . زباااااااااالة

---

يا جماعة انا اللى كنت حاطط التعليق ده , و بما ان الرجوع الى الحق خير من التمادى فى الباطل فانا بعلن ندمى على هذا التعليق و اعتذارى للشركة , لانهم اتأخروا عليا شوية فى استلام الجهاز من الصيانة لكن فى النهاية طلعوا محترمين و بدون اى مشاكل او شكاوى او محاضر او خلافه لقيتهم من نفسهم بيسلمونى جهاز جديد زى بتاعى بالظبط و بيقولولى طالما الجهاز باظ مرتين خلال شهر واحد فاحنا قررنا نديك جهاز جديد , و علشان كدة قلت اقولكم.

السلام عليكم انت شكلك حابب الاى فون اكتر جهاز وعلى فكرة عندك حق و هو اكتر بكتير من اى تلفون عادة و مش تتش سكرين و خلاص و طبعا كل حاجة ليها عيوب و مميزات
حقولك عيوبة الاول علشان لو تمشى معاك يبئى تمام
اولا حجمة يعتبر كبير و ان كان بالنسبة لحجم الشاشة مش مشكله
البطريه بلت ان بس هى عمرها على كلام الشركة المصنعة 4 سنين و بتتغير فى التوكيل بس طبعا غليه موت
الجهاز غالى جدا و من غير ضمان حتى فى امريكا من غير ضمان بحاجة اسمها تأمين تحل محل الضمان
السعر مبالغ فيه هنا فى مصر و على فكرة فيه ناس بتبيعة ب3500 الجديد 3g

و انا بفضل القديم اكتر من الحديث لان القديم ميتلك من ظهرة لكن الجديد كله بلستك و ان كان خمات نضيفة اوى .
الكميرا بتعتة ضعيفة وحشة جدا بليل عن تجربة بس الصبح واو جمدة طحن
تسطيبه صعب و مبيشتغلش الا بالاىتينز
البلوتوث الى فيه مش بيبعت بينات هما عملينة بس علشان السماعة البلوتث
الميزات ؟؟؟؟؟؟؟؟؟؟؟ بص يا سيدى
اول حاجة و اهم حاجة بالنسبالى فيه وايرلس و النت عليه اكنك قاعد على جهاز كمبيوتر بظبط مش عقيم زى النت بتاع الموبيلات التنيه و ممكن تعمل علية شات زى النت بظبط و الكى بورد بتظهر على الشاشة فى نفس الوقت الى بيظهر رد الناس عليك .
الشاشة كرستال بمعنى كلمة كرستال يعنى لو وقع بالسلامة او انتى و حظك بس ايه يا معلم 16 مليون لون و دة مش موجود فى ولا جهاز الا دة فى التتش كلوا نقاء نقاء نقاء و كمان فيه ديوال تتش يعنى الشاشة ممكن تاخد امرين بدوستين فى نفس الوقت يعنى ممكن تعمل زوم بصبعين حركة جمدة جدا فية سينسورز لما تقلب الجهاز الشاشة كمان تقلب مع الجهاز يعتبر ام بى فور عالى الجودة بجانب الاى بود الى طبعا محدش يقدر يقول عليه نص كلمة طبعا على الاقل معاك 8 جيجا مساحة مش محتاج اى حاجة تانيه يعنى انة مش فيه كرت ميمورى مش عيب ولا حاجة و انا كان حيبئى ميزة طبعا لو فيه الجهاز غير كدة فيه كل حاجة متوافرة فى اى جهاز حديث ولو محتاج جى بى اس جيب 3 جى من الاخر الجهاز معايا وهم و عجبنى جدا و الى مش بيرد عليك هو ممسكهوش اصلا و موضوع ان ناس كتير بيبعوة فا دى اسمها تجارة انا اعرف ناس كتير مش عايزة تبيعة

أنا متشكر اوي لآرائكوا ..
Kaboo4 بصراحة انت اول واحد يشجعني و خلتني ارجع افكر فالiphone تاني :dfgf:
بصراحة انا نفسي فيه .. بس خايف اجيبه ميعجبنيش خصوصا حوار البلوتوث ده .. بس الكاميرا مش فارقة معايا ولا حجمه فارق معايا .. و مقلق الصراحة ان ناس كتير بتجيبوا و بعدين تبيعه .. و هل لو جبته و معجبنيش و فكرت ابيعه هخسر فيه جامد ؟
في ناس قالولي استنى النوكيا 5800 على ما ينزل احسن من ال iphone .. ف انت ايه رأيك ؟ و في حاجة كمان اسمها HTC Diamond عامل زي ال i phone ايه رأيك فيه برده ؟

انا هتدخل في الحوا و اعتقد ان 5800 يستحق الانتظار فعلا بس سؤال بسيط انت معاك ايه دلوقتي

معايا n70 .. اشمعزة ؟ :)

عادي علشان لما الواحد يغير يجيب الاحسن من الل معاه انا كان ممكن ارشحلك حاجة تكون اقل من اللي معاك