كربراتير 1600 على مكنه 1400

السلام عليكم

عندى عربيه ستروين AX 1400 CC راكبلها كربراتير Peugeot 405 1600 CC

دلوقتى فى كذا مشكله ,

الاولي ان لما بقرص على العربيه على RPM 4 او اكتر و دوست دبرياج و مورت ال RPM ينزل مره واحده للصفر و العربيه تبطل على اي غيار , لكن لو ماشى طبيعي بنقل على RPM 3 مثلا مفيش اى مشكله .

التانيه استهلاك البنزين عالى

التالته رجه السلانسيه مهما اضبط كهربا و كربراتير و غيرت طقم الكهربا و نضفت كربراتير و شيكت على القواعد و عيرت واحده منهم

هل لو جبت بكات مقاس الكربراتير ال 1400 ممكن يتظبط ؟ مقاسها الميكانيكى قالى 122 - 120

و اول مشكله دى سببها الكربراتير ولا حاجه تانيه ؟

شكرا

غير قطم الدبرياج يا استاذ (بلية و ديسك و اسطوانة و فورش)

تمام ياباشا , بس انا معنديش مشكله فى السحب

المشكله بس لما اجرى و اقرص و ادوس دبرياج وال rpm على 4 او اكتر ينزل مره واحده و تبطل منى

000

اكتر سبب لتبطيل العربية بعد ما تكون دايس بنزين وترفع رجلك علشان تنقل بيبقي فيض الكاربريتور ومعناه زيادة انسكاب البنزين بعد اغلاق بوابة الكاربرايتر بتيجة لحاجة من الاثنين او وجود الاثنين معا وهم عدم ضبط ارتفاع عوامة البنزين داخل البول لان لو العوامة عالية هتشرق الموتور وتعمل انسكاب للبنزين نتيجة جهد الخلخلة او المص للمحرك بعد اغلاق البوابة ولو ارتفاع العوامة اقل نسبة الخليط بتكون ضعبفة واستهلاك البنزين اقل بس السرعة القصوي والسحب ضعبف ولما بتفتح البوابة للاخر (بتدوس الدواسة للاخر) تلاقي العربية بتقطع نتيجة ضعف الخليط وعدم تمكن طلمبة البنزين من ملئ البول بسرعة تتناسب مع معدل التصريف
كذللك خد بالك ان لو ابرة العوامة تعبانة ومش محكمة بتدخل بنزين وبرضة بتعلي الاستهلاك وتسبب نفس العيب شرقان الموتور والدخنة والتبطيل
البيكات مش هتاثر التاثير اللي انت متخيلة لان السعة اللترية قريبة وهي نفس المقاسات لتاكيد نسبة الخلط فاماتخليش حد يلعب فيها الا لو لقيت العربية بتدخن دخنة سوداء بعد ضبط العوامة والابرة
المهم ياريت تبعتلي رقم ونوع الكاربراتير علشان ارتفاع العوامة وابعتلك كل مواصفات الكربراتير لعربيتك من المانيول
كذلك مش هتضبط السرعة الخاملة ابدا طول ما فية فيض للبنزين نتيجة تلف الابرة او ارتفاع العوامة لانهم مهمين جدا في ضبط اداء الكاربريتور علشان نسبة الخلط تكون مضبوطة
تحياتي

ألف شكر حضرتك , هو فعلا لما اقرص و اشيل رجلي تبطل

دي صوره للكاربيراتير من النت و حصور الكربيراتير بتاعى تانى زيادة تاكيد للموديل

http://bartebben.nl/dailySQL/Images/img_ic/dr0gs0j1.jpg

اقتباس:

---

المشاركة الأصلية كتبت بواسطة kaza

اكتر سبب لتبطيل العربية بعد ما تكون دايس بنزين وترفع رجلك علشان تنقل بيبقي فيض الكاربريتور ومعناه زيادة انسكاب البنزين بعد اغلاق بوابة الكاربرايتر بتيجة لحاجة من الاثنين او وجود الاثنين معا وهم عدم ضبط ارتفاع عوامة البنزين داخل البول لان لو العوامة عالية هتشرق الموتور وتعمل انسكاب للبنزين نتيجة جهد الخلخلة او المص للمحرك بعد اغلاق البوابة ولو ارتفاع العوامة اقل نسبة الخليط بتكون ضعبفة واستهلاك البنزين اقل بس السرعة القصوي والسحب ضعبف ولما بتفتح البوابة للاخر (بتدوس الدواسة للاخر) تلاقي العربية بتقطع نتيجة ضعف الخليط وعدم تمكن طلمبة البنزين من ملئ البول بسرعة تتناسب مع معدل التصريف
كذللك خد بالك ان لو ابرة العوامة تعبانة ومش محكمة بتدخل بنزين وبرضة بتعلي الاستهلاك وتسبب نفس العيب شرقان الموتور والدخنة والتبطيل
البيكات مش هتاثر التاثير اللي انت متخيلة لان السعة اللترية قريبة وهي نفس المقاسات لتاكيد نسبة الخلط فاماتخليش حد يلعب فيها الا لو لقيت العربية بتدخن دخنة سوداء بعد ضبط العوامة والابرة
المهم ياريت تبعتلي رقم ونوع الكاربراتير علشان ارتفاع العوامة وابعتلك كل مواصفات الكربراتير لعربيتك من المانيول
كذلك مش هتضبط السرعة الخاملة ابدا طول ما فية فيض للبنزين نتيجة تلف الابرة او ارتفاع العوامة لانهم مهمين جدا في ضبط اداء الكاربريتور علشان نسبة الخلط تكون مضبوطة
تحياتي

---

الله ينور

اقتباس:

---

المشاركة الأصلية كتبت بواسطة ahamdy

ألف شكر حضرتك , هو فعلا لما اقرص و اشيل رجلي تبطل

دي صوره للكاربيراتير من النت و حصور الكربيراتير بتاعى تانى زيادة تاكيد للموديل

http://bartebben.nl/dailysql/images/img_ic/dr0gs0j1.jpg

---

نفس الكاربراتير بتاعى يعنى كاربراتير ال1600 هو هو كاربراتير ال1400

دي صور الكاربيراتير , مع ملاحظه ان اللي مسيل ده بنزين و ريحته طالعه

http://i59.tinypic.com/2wp4cow.jpg

http://i59.tinypic.com/211qfqo.jpg

http://i.imgur.com/Oo5rO7P.jpg

http://i.imgur.com/06XUg3J.jpg

http://i.imgur.com/sVeq78k.jpg

كان الميكانيكي قالي انه ناقص حاجات كده بس ملهاش لازمه , مش عارف صح ولا غلط

طيب هو كربراتير الستروين الاصلي موجود في السوق ولا مش موجود لو موجوظ هات واحد جديد وثمنه هتوفره بنزين

اقتباس:

---

المشاركة الأصلية كتبت بواسطة aboomar22

طيب هو كربراتير الستروين الاصلي موجود في السوق ولا مش موجود لو موجوظ هات واحد جديد وثمنه هتوفره بنزين

---

سالت عليه لقيتو ب 700 جنيه لو كان تمنه معقول كنت غيرته