العربية عاملة حوالى 2000 كيلو على زيت الفابريقا
معملتش اى صيانة ليها ومستنى صيانة ال5000 كيلو
وعرفت انهم فى التوكيل بيغيروا بموبيل 1 بس ومبيحطوش غيره
عايز اعرف احسن زيت احطه ايه وخصوصا من حيث عمر الزيت مش عدد الكيلوات
لان العربية مبمتشيش كتير
عرض للطباعة
العربية عاملة حوالى 2000 كيلو على زيت الفابريقا
معملتش اى صيانة ليها ومستنى صيانة ال5000 كيلو
وعرفت انهم فى التوكيل بيغيروا بموبيل 1 بس ومبيحطوش غيره
عايز اعرف احسن زيت احطه ايه وخصوصا من حيث عمر الزيت مش عدد الكيلوات
لان العربية مبمتشيش كتير
اعتقد إنك ملزم بتغير الزيت ف التوكيل عشان الضمان وكده ولا بالنسبه للتغير عادى مش فارقه
ارشح لحضرتك اى زيت إستيراد " إوروبى " :first::first: لزوجه 0w-30
ليه 0/30 يا احمد
اال زيرو ده للدول اللي فيها تجمد واحنا جونا نار نار :-)
وال 30 كمان لا لانصح بيه في الصيف
خليه يحط 5/40 طبعا كويس جدا
وممكن يحط وولفر الالماني 5/40 سعره كويس وصلاحيه اي زيت سنة من تاريخ فتح العبوة
يا رب اشوفك بس بعيد عن العاشر :-)
يا جماعه ما تستهونوش بدرجة لزوجة الزيت المنصح بها من المصنع . دى مهمه جداااا . الموضوع ما لوش دعوه بدرجة الحراره الخارجيه قوى . الموتور كده كده بيوصل لدرجة حراره معينه وبعدين سيستم تبريد المحرك بيبدأ و ما بيزدش عنها باى شكل من الاشكال و ان زاد عنها لاى سبب بتبدأ الانذارات و ﻻزم العربيه تقف و بغض النظر عن حرارة الجو . العربيات الحديثه نسب خلوص البساتم اقل من الموديلات اللى قبلها و ده فى العربيات المنتجه فى السنتين الاخرانيين بشكل خاص و اللزوجه العاليه ما بتعملش تزييت كويس و ببتاخد وقت لغاية ما تتجمع فى الكارتيره تانى علشان تنزل من اجزاء و خلوصات البساتم الضيقه بعد ما بتبطل العربيه و بيكون فيه خطأ فى القرايه الصحيحه لمستوى الزيت .
ليه زميل فى الخليج و معاه عربيه امريكى حديثه و الزيت اللى فى الكتالوج 5w30 و سمع برضه موضوع الحراره و الحر و بعت للشركه المصنعه علشان يوافقوا له على تغير اللزوجه و الظروف الجويه اللى عنده . رفضوا تماماااااا و قالو له لازم الموصى به فى الكتالوج مهما كانت الظروف .
احنا مش هانعرف اكتر من مصنعين السيارات نفسهم . هو يشوف اللى عنده فى الكتالوج او اللى الشركه قايله عليه و يمشى عليه
تحياتى
فيه حاجه مهمه كمان . الناس بتردد كلام شتا و صيف و ده لزوجه عاليه للصيف و ده لزوجه منخفضه للشتا و الكلام ده غلط و مصيبه سودا على المواتير . ما تكيفش اللزوجه على ظروف العربيه و لكن كيف العربيه على ظروف لزوجة الزيت . بمعنى انت خايف على لزوجة الزيت من حرارة الصيف و خلييينا نمشى مع الكلام ده يبقا غير الزيت على مسافه اقل فى الصيف . يعنى بدل ما تمشى 10000كم و تغيره لا غيره 7000 كم او 8000 كم و فلوس مش ضايعه لانه فى الشتا ممكن تغير على اعلى من 10000 و تعوض . من الاخر ما حدش يلعب فى اللزوجه المطلوبه للموتور تحت اى ظرف