الموضوع: كيا سيرفيس المعادى

المشاركة الأصلية كتبت بواسطة prooo

اطلع الدائري وانزل دخلة الاوتوستراد واطلع الكوبري وانزل كأنك رايح حلوان واول متنزل من الكوبري امسك يمين على طول واركن هتلاقيه على ايدك اليمين على طول ..... بس اركن وانزل اسأل عشان فيه لفه كده هتلفها من جوه عشان متمشيش عكسي ......

الكوبرى الهطلعه ده هو العند اوتو سمير ريان كده ؟

حضرتك لو في مصر الجديدة أقربلك القاهرة أوتو فى الكيلو 4.5 تحت كوبري الجيش جنب بنزينه شل أولا ده مركز معتمد من التوكيل و واخد شهادة KIA Certified Platinum Partner و ناس كتير جربوه منهم انا شخصيا و سمعته ممتازه و أفضل بمراحل من اللي حضرتك رايحله و معتمد من AAA لو حضرتك خليجي

برضه فى أولاد صبحي سند فى مصر الجديدة عند المطار تقريبا و برضه شغال مع AAA

بص يا باشا انتا لو واخد الدائري هاتنزل نزلة المعادي الي بعد كارفور ب 3 كم وي بعد ماتاخد النازلي هاتلاقي في اختياريين يا اما يمين في كوبري او دخلة شمال انتا هاتطلع الكوبري حلو وي لما هاتنزل منة هاتاخد اقصي اليمين لان هاتلاقي الطريق مقسوم 2 حارة بط وي الطريق العادي السريع لا انتا هاتخليك في البطيء بس ماتدخلش فية قبل ماتدخلة هاتلاقي شارع صغير مش باين انة اصلا شارع تحس ان داخلتة حد عامل راكنة علي الرصيف هاتدخل فية في الشارع الي في وشك في اخر الشارع دة هاتلاقي اسهم في كل حتة للمركز بتاع كيا هيا حواري يمين في شمال هاتلاقيها بتوصلك ماتقلاقش بص هو ياختصار هو عند نازلة المعادي بتاعت صقر قريش الي من الدائري بس وي انتا جي من المنيب فعلشان تروح الاتجاة دة يا اما تلف من الدئري يا اما تدخل الداخلة دي وي لو انتا جي من طريق النصر هاتعمل الي وصفتهولك دة بالظبط بس بعد لما تلاقي الطريق الدائري قاطع الطريق بالعرض

المشاركة الأصلية كتبت بواسطة moha4tec

السلام عليكم
ازيك يا باشا .عامل ايه .
بس المفروض تفطمه كويس .انت اتكلمت بس بين السطور

مش فاهم قصد حضرتك ... استاذ Temo85 قال ايه بين السطور ... انا بعد نصيحته قريت و لقيت ناس كتير بتشكر فى القاهره اوتو فعلا و هروحلهم المفروض

المشاركة الأصلية كتبت بواسطة Abraam95

مش فاهم قصد حضرتك ... استاذ Temo85 قال ايه بين السطور ... انا بعد نصيحته قريت و لقيت ناس كتير بتشكر فى القاهره اوتو فعلا و هروحلهم المفروض

المشاركة الأصلية كتبت بواسطة moha4tec

السلام عليكم
ازيك يا باشا .عامل ايه .
بس المفروض تفطمه كويس .انت اتكلمت بس بين السطور

باشا ازيك واحشنى جدا والله :) يارب تكون بخير و صحه

انا مرضتش اتكلم اوى عشان بيزعلوا و يقلك افترى و كده و انت عارف الباقي :)

المهم ياباشا القصه باختصار ان المركز ده حصل منه مشاكل كتير قبل كده مع اعضاء هنا و انا اتعاملت معاهم شخصيا من زمان و أستاذ محمد برضه moha4tech و المشاكل تنحصر فى ان قطع غيار مش اصليه و اشتغالات لبعض الزباين و كده و شخصيا مش بسترح للتعامل هناك لا انا ولا الاستاذ محمد و دى وجهه نظر شخصيه و لك حرية الاختيار طبعا اولا و أخيرا