الموضوع: بين لوجان و فلوانس ؟؟؟؟؟؟ و ياريس و سيراتو ؟

المشاركة الأصلية كتبت بواسطة mahmoud_afifi

اللوجان اصلا داتشيا مش رينو بس معقوله. طبعا ما تتقارنش بالفلوانس. وكمان اللوجان مانيوال والفئه الي بتقول عليها في الفلوانس اوتو وفيها مثبت سرعه. لو تقدر تجيب للفلوانس هاتها.
بالنسبه لموضوع ال1300 في الياباني زي ال1600 في الكوري دي فتي جدااا والراجل عاوز يبيع الياريس عشان بيعها قليل قوي. الياريس تقريبا 82 حصان والسيراتو 130 حصان تقريبا وتسارع حلو قوي. لو عاوز رأيي هقولك فلوانس مع انها مفهاش جنط وتعتبر اقل شوية في الاوبشنز عن السيراتو.

شكرا لردك جدااا معنديش خبره عشان كده بسئل مش عاقلاها بردو و الياريس نصبابيه 2015 نازله 1500cc نفس السعر

انا معايا 155 فلوانس احسن اختيار مع انى بفكر سيراتو
او ريو اوبشنز شبابى

المشاركة الأصلية كتبت بواسطة mahmoud_afifi

ماينفعش ينزل ياريس 1500 بنفس سعر ال1300. يبقى هما ناصبين على الي اشتروا ال1300. ولو نزل ال1500 هتزيد على الاقل 20 الف.
بالنسبه للسيراتو بالسعر ده ممكن تجيب فئه خليجي حلوه وفيها كل الي نفسك فيه انما الوكيل مش هتجيب حاجه كويسه. الكويس في الوكيل في ال160 وشوية.
الريو حلوه بس ضيقه شوية. والريو اصلا فئة اقل من السيراتو والفلوانس

انا كلمت التوكيل تويوتا 1500cc نازله نفس سعر 1300cc بس دلوقتى 1300cc عملوا 10 الاف خصم
ماشى هسئل على الخيجى

المشاركة الأصلية كتبت بواسطة borio1704

حيث إن حضرتك معندك خبرة في السيارات.. فاسمحلي أوضحلك شوية حاجات

السيارات فئات.. مش كلها حاجة واحدة

إزاي؟؟


أقوللك..


أولا.. شكل العربية

فيه عربيات اسمها "سيدان sedan".. ودي هي العربيات اللي احنا متعودين عليها.. ليها كبوت من قدام وصالون بأربع أبواب وشنطة خلفية... وغالبا بتستخدمها داخل المدينة وفي السفر لمسافات مش طويلة قوي.

مثال: هيونداي إيلانترا



وعربيات تانية اسمها "هاتشباك hatchback" ودي العربيات اللي زي السيدان بس من غير شنطة خلفية.. ودي بنستخدمها في داخل المدينة .. ولو عايز تسافر بيها يبقى ما تاخدش معاك حاجات كتير.

مثال: فولزفاجن جولف



في بقى عربيات اسمها "suv" ودي العربيات اللي شبه الهاتشباك بس أكبر وعالية عن الأرض.. وغالبا بتبقى مندفعة بالأربع عجلات.. ودي ممكن تستخدمها في الطرق غير المعبدة.

مثال: جيب شيروكي



عندك بقى عربيات إسمها "ميني فان minivan".. ودي بتبقى شبه الميكروباص... وبيستخدموها علشان تشيل فيها ناس كتير (7 أشخاص أو أكتر) أو ممكن تشيل فيها بضاعة.

مثال: كرايسلر فوياجر




فيه كمان حاجة اسمها "كروس أوفر cross over" ودي بتبقى خليط من الهاتشباك على الـ فان على الـsuv

مثال: كيا سبورتاج




إيه تاني؟؟؟



آه.. عندك عربيات سبور.. ودي كمان أنواع...


العربيات الـ"كوبيه coupe" ... ودي شبه السيدان اللي اتكلمنا عليها في الأول... بس ليها بابين بس.

العربيات الـ"كابريوليه cabriolet" ... ودي بقى عربيات "كوبيه" بس متدلعة وسقفها بيتشال.

وعربيات سوبر رياضية... بتبقى واطية قوي وشكلها هجومي جدا وغالبا موتورها بيبقى في النص الوراني (بس مش شرط).



كل واحدة من الأشكال دي ليها مميزات وعيوب واستخدامات محددة




تانيا: حجم العربية..

العربيات مش كلها مقاس واحد... عندك عربيات صغيرة وعربيات تانية كبيرة

عندنا في مصر مش كل الأحجام موجودة علشان الأحجام الكبيرة محتاجة مواتير كبيرة ، ودي بيبقى جمركها عالي وسعرها بيوصل ملايين بسبب الجمرك

بس هقوللك عليهم كلهم علشان تبقى عارف بردو...


فئة العربيات الصغيرة جدا (mini): زي السوزوكي ماروتي وسوزوكي ألتو والهيونداي i10

فئة العربيات الصغيرة: زي الكيا ريو - تويوتا يارس - شيفروليه أفيو - رينو لوجان

فئة السيارات تحت المتوسطة "المدمجة" : زي الكيا سيراتو - تويوتا كورولا - رينو فلوانس

فئة السيارات المتوسطة: زي الهيونداي سوناتا - فولزفاجن باسات

فئة السيارات فوق المتوسطة: زي المرسيدس الفئة e والـbmw الفئة 5

فئة السيارات الكبيرة: زي زي المرسيدس الفئة s والـbmw الفئة 7

فئة السيارات الفاخرة: زي الرولزرويس فانتوم



كل فئة من دول لما تكبر محتاجة مواتير أكبر...

لكن أحيانا.. ممكن تلاقي نفس الموتور موجود في فئتين قريبين من بعض... بس في الفئة الصغيرة هيبقى الموتور بيدي أداء أعلى.


يا رب أكون قدرت أوضح الصورة



ولو لسه متلخبط وعايز تعرف تختار عربيتك... ادخل على الموضوع ده

http://www.nilemotors.net/nile/329150-a.html



...

يعنى فلونس فئه فئة السيارات تحت المتوسطة "المدمجة" : بس من ناحيه ايه متوسطه


انا محتار بين ريو خليجى و فلوينس فئه اولى اتوماتيك بس فلوينس احسن بس فئه دى اوبشنز اقل و ريو شبابيه اكتر
انا اتقالى ان تجربه لوجان زى الفلوينس بس خلاص فهمت