بس انت ليه مجبتش سيرة ال c4
عرض للطباعة
بس انت ليه مجبتش سيرة ال c4
يعنى نقدر نفهم من كلام حضرتك حاجتين مهمين جدا : اولا ان فى عربية ميجان واحدة نضيفة فى مصر وهى عربية حضرتك وثانيا ان فى دماغ واحدة بس قدرتها واحترمتها وهى دماغ حضرتك . الف مبروك عليكى مصر
نقطة ومن أول السطر . . الى كل قائدى السيارات على الطرق السريعة فى جميع انحاء الجمهورية . . هل شوفت ميجان على الطريق؟؟؟؟ لو شوفت يبقى انا عارفها لانها Just one
مش معني أن عربية حضرتك عملت معاك مشاكل يبقى كل الميجان فيها مشاكل
أنا قبل الميجان كان معايا فيكترا 1997 ماشية حوالي 100 ألف كيلو لو أنا فاكر صح...........و فى خلال أقل من سنتين عملت معايا حركات نقص كتير.........هل ده معناه أن الفيكترا فى العموم وحشة ولا معناه أني أشتريتها من واحد مش محافظ عليها ؟
مشكلة الميجان اللى بتخلي مفيش منها نضيف فى السوق هى أن من ساعة لما أبتدت تتباع أتقال عليها إشاعات كتير........أثرت على سعر إعادة البيع.....العربية كانت بتتباع جديدة ب 135 تقريباً لأول فئة أوتو فى 2005......في أقل من سنتين السعر وصل للتسعينات.....و توالى نزول السعر بعد كده.
يجي واحد أشترى العربية مستعملة فى 2007 أو 2008 بحاجة و 80 ألف جنيه.....هتقوله روح أعمل صيانة ال 60 ألف فى التوكيل ب 2000 جنيه..........هيستكترهم.
تعالى دلوقتي لواحد أشترى عربية ميجان 2005 نضيفة جداً و مفيهاش الهوا.....بكام ؟؟؟ ب 65 مثلاً ؟
قوله روح أعمل صيانة ال 120 ألف فى التوكيل ب 3 ألاف و شوية...........هيقولك أيه ؟
و هكذا لحد ما العربية تبقى مشنة فى الأخر.
بالمناسبة.....انا معايا ميجان 2005 فى مصر و أمتلكت لفترة ميجان 2007 لما كنت فى الإمارات و كنت جايبها لمراتي.......يعني لو عندي شك أنها بتعمل دقات نقص مكنتش جبتها لمراتي مستعملة ماشية 86 ألف كم.
و لحد دلوقتي العربية مع واحد صاحبي هناك و مراته بتستخدمها و ماشية فوق ال 140 ألف.
هو تقييم نجاح العربية إنك تشفها علي الصحراوي !!!!
طيب انا اخر مره كنا جايين من القاهرة لاسكندرية صحراوي مالقتش ولا عربية a5 ولا مرسيدس c200 ولا فورد فوكاس ولا نيسان صني ......... يبقي كده العربيات بتمشي جوه البلد فقط وال ايه .. وبعدين انا بقولك عندي عربيتين ميجان كنت شاري ميجان من الزيرو .. ومقتنع بالعربيه لدرجة مخوفاني ان اركب غيرها لأني مفيش عربية ماسمعتش الناس مابتشتكيش منها
بس الفكره إن لو انت اشتريت عربيه حالتها وحشه . وعملت معاك حركات وحشه اكيد هتكرهها حتي لو كانت bmw
مساء الخيراقتباس:
المشاركة الأصلية كتبت بواسطة mishmishy
هل حضرتك شفت حد فينا قال ان العربية تمتاز باعتمادية عالية ؟
ما حصلش
هل حصل ان حد فينا قال ان العربية ممكن ما تصينهاش و تمشي عادي ؟
ابدا ، كلنا بنقول ان العربية حساسة للصيانة
انما لا تصلح للسفر ، مبالغة شويتين
كتير مننا معاهم العربية و بيسافروا بيها كتير و مسافات طويلة
الفيصل ان حالتها تكون كويسة ، و ده مبني على انها تكون بتتصين كويس
اما اللي جايب العربية و هو مش حمل تكلفة صيانتها و ما بيصينهاش خالص و العربية ما بتشوفش مركز الخدمة الا لما تعطل ، و دول كتير ، ما يجيش يقول دي عربية وحشة
ما يروحش يشتري عربية بسعر واقع و يفرح انها رخيصة و يرفعها في بنزينة يكشفوا على كبس الموتور و الصاج و لما يمشي بيها يطلع فيها بلاوي الدنيا و يرجع يقول دي عربية وحشة
اي عربية في الدنيا لو ما اتصينتش هاتوصل لنقطة معينة و تقع
النقطة دي بعيدة او قريبة دي حاجة
و ان حد يجيب العربية بسعر واقع و ييجي يصينها يلاقي صيانتها غالية عليه و يبدأ ياخدها لصنايعية كسر يبهدلوها له زيادة و يرجع يقول عربية وحشة
عشان كده هتلاقي ملاك العربية نوعين ، نوع بيموت فيها و نوع مش طايقها
Sent from my GT-N7000 using Forum Runner
ايه يا جماعه انا كل اسبوع هتلاقونى ماشى على الصحراوى عادى جدآ :36_1_1[1]:
وبدون مبالغه الميجان افضل عربيه ركبتها من حيث الثبات على الطريق والراحه والنعومه
انا مش بحب اجرى كتير بس سرحت شويه وجبت 185 العربيه ما شاء الله مكلبشه فى الاسفلت
وفى الملفات الجامده بدخل بيها على اعلى سرعه وعمرى ما خوفت منها
ودى من اهم الاسباب اللى خلتنى اتمسك بالعربيه رغم انى اتقفلت منها فى الاول بسبب المشاكل اللى فيها
وبصراحه معظم المشاكل اللى قابلتنى فكرت فيها لاقيتها عبيطه جدآ ( اهمال x اهمال )
اللى كانو راكبين العربيات دى شويه لمؤخذه
من العربيات اللى ركبتها بريليانس جالينا 2007 وسيراتو 2010 ولوجان 2010 واوبل فيكترا 2002
ومن خلال تجربتى الميجان تكسب كـ ركوبه
اللى عايز يركب ميجان لازم يهتم بيها وبصيانتها اول بأول عشان متقرفوش
واخيرآ كنوع من الدعايه لنفسى اللى من اسكندريه ومحتاج ونش انقاذ يكلمنى عشان العربيه بقالها فتره محملتش ميجان هههههههههههههههه
كلامك سليم 100% ومع انى ادبست فى عربيه 2006 بدون ماكشف عليهالالكن الحمد لله بسافر بيها وبروح واجي وزى الفل وحاسس انها قريب هتعمل الدنيئه معايا لاني مهمل في صيانتها ودا راجع لاني دفعت كل الى معايا فيها ومستني احوش شويه واروح على مركز صيانه محترم واظبتها
وبنتهز الفرصه واحب اسال حضرتك لو عندي مشاكل فى العفشه والموتور والكهرباء اروح لمين