محتاج حد فاهم في تكييف الميجان

**medo_molto** · 04-06-2014 10:11 PM

السلام عليكم يا وحوش
كنت نازل القاهرة بكرة عشان اعمل كارت تاني للعربية في واحد في جسر السويس فقلت بالمرة أروح لحد بيفهم في تكيف الميجان وياسلام لو قريب من الراجل بتاع الكروت دا . عشان انا زهقت والتكيف ضعيف خالص وكل مروح لحد يفتي ويقلي كباس والي يقلي غير فلتر واشحن . المهم غيرت الفلتر وجبت واحد ب ١٢٠ فوجي والتكيف الي حد ما اتحسن بس الي عملة لغي زرار تدوير الهواء تقريبا مكنش عارف يركب ماتورة تاني . الخلاصة انا زهقت وعاوز حد بيفهم في التكييف وياريت عنوانة وتليفونة وشكرا وآسف للإطالة

**bedooracle** · 05-06-2014 03:49 PM

بس انا بثق فى الحرفيين فى مكان اسمه سكارو و اللى ظبطلى التكييف واحد اسمه ايمن و هبعتله رقم تيلفونه عشان تتاكد عشان عليه زحمة و ابقى قولى الكرت بكام و فين

**medo_molto** · 06-06-2014 02:04 AM

المشاركة الأصلية كتبت بواسطة bedooracle

بس انا بثق فى الحرفيين فى مكان اسمه سكارو و اللى ظبطلى التكييف واحد اسمه ايمن و هبعتله رقم تيلفونه عشان تتاكد عشان عليه زحمة و ابقى قولى الكرت بكام و فين

تسلم ياباشا هروح له ان شاء الله . الكارت كان في نوعين واحد ب ٥٠٠ وواحد ب ٦٠٠ انا عملت الي ب ٦٠٠ خامتة أقوي شوية وظبط الكارت الأولاني القديم عشان كنت لازم احركة كتير عشان يلقط معايا وكانت بتطلع الرسالة الشهيرة card not dedectوخد كلة ٧٠٠ مكانة شارع جسر السويس عمارات التوفيقية آدام بنزينة كاتلكس علي طول أسمة مركز سعيد وعصام

**medo_molto** · 16-06-2014 08:26 PM

ياوحووووش الكمبروسر بتاع التكيف بايظ عندي والكهربائي قالي هركب لك واحد استيراد ومعاه الاكس مش عارف اية قالي بردو بيتغير وهيشحنة وكل دا ب ١٥٠٠ جنية ياتري السعر كويس ولا اية وسؤال كمان يا وحوووش هو الكمبروسر بيتصلح ولا اركب استيراد وخلاص

**محمود سامح** · 17-06-2014 12:56 AM

نصيحة من انسان مجرب اوعى تصلحة ريح بالك وهات واحد استيراد خلع مش يكون متصلح تأكد انة استيراد وتبص على البرشام بتاعة علشان تتأكد منة

**medo_molto** · 17-06-2014 02:34 PM

المشاركة الأصلية كتبت بواسطة محمود سامح

نصيحة من انسان مجرب اوعى تصلحة ريح بالك وهات واحد استيراد خلع مش يكون متصلح تأكد انة استيراد وتبص على البرشام بتاعة علشان تتأكد منة

خلاص هعمل بنصيحتك بس السعر كويس كدا ؟. ومعلش هو الاستيراد دا متبرشم ازاي

**MohammedAladel** · 17-06-2014 11:39 PM

الكمبرسور يعمل 950 جنيه و تركيبه 100 وشحن التكييف 100 مثلا

**Moratoz** · 24-06-2014 08:45 AM

المشاركة الأصلية كتبت بواسطة bedooracle

بس انا بثق فى الحرفيين فى مكان اسمه سكارو و اللى ظبطلى التكييف واحد اسمه ايمن و هبعتله رقم تيلفونه عشان تتاكد عشان عليه زحمة و ابقى قولى الكرت بكام و فين

طيب ياريت تقول لنا عمل ايه في التكيف وايع انطباعك عنه دلوقتي بعد الشغل وكان عندك التكيف في ايه