تويوتا ياريس 2015 سيدان 1500 سى سى

**svneleven** · 06-06-2014 08:23 AM

موضوع التليين زي الاعضاء ما قالو. شغل التكييف و حمل و اجري عادي لكن كل حاجة خليها في المعقول يعني مثلا ال ار بي ام ما يعديش 4000 و يا ريت 3000 و دوسة الفراكل بلاش كبس الا لو محناج لظروف طارئة. و طبعا أهم حاجة تقري دليل المالك(بلاش أقول مانيوال عشان في عضو اتريق عليه النهاردة) بتاع عربيتك هيقولك بالظبط 3000 و الا 4000 و كل حاجة بالتفصيل.

**أيمن كور** · 06-06-2014 12:54 PM

هوة دليل المالك هوة اليوزر مانيوال ( user/owner manual) مافيهاش تريقة
شكرا ليك أستاذ svneleven

**ابو هنا** · 08-06-2014 01:10 AM

الف مليون مبروك يابو اسكندر على حسن الاختيار ، انت اكيد الي نفعك دعاء والديك ليك ، علشان نجاك من النيسان الصني والياريس 1300 cc واشرح صدرك للياريس 1500 cc

**Optiplex** · 08-06-2014 07:15 AM

المشاركة الأصلية كتبت بواسطة ابو هنا

الف مليون مبروك يابو اسكندر على حسن الاختيار ، انت اكيد الي نفعك دعاء والديك ليك ، علشان نجاك من النيسان الصني والياريس 1300 cc واشرح صدرك للياريس 1500 cc

والله يا استاذى الفاضل النيسان مش بالسوء قوى كدة و هية فعلا كقيمة مقابل الفئة السعرية دة مش وحشة هية اينعم مش عايزة واحد ركيب عربيات و بيفهم يعنى اية ركوب عربية و مواصافات و كدة دة عايزة واحد يكون مثلا اول عربية زيروو بعد فيات يد مثلا فيرنا و فى الوقت الى احنا فية دة هات غربية فيها كل الى موجود بنفس السعر وواخدة علامة يابانى هو بس ناقصنا ضمير العامل المصرى مش اكتر

**raad13** · 09-06-2014 09:48 AM

انا شايف الياريس سعرها مباالغ فيه جدا جدا!! الكروز و الريو و الشارك احسن منها و ارخص

**ابو هنا** · 09-06-2014 09:23 PM

المشاركة الأصلية كتبت بواسطة raad13

انا شايف الياريس سعرها مباالغ فيه جدا جدا!! الكروز و الريو و الشارك احسن منها و ارخص

وبالرغم من كدة اليارس 1500 cc حتحقق انتشار ، احنا في سوق غريب

**ابو هنا** · 09-06-2014 09:29 PM

المشاركة الأصلية كتبت بواسطة optiplex

والله يا استاذى الفاضل النيسان مش بالسوء قوى كدة و هية فعلا كقيمة مقابل الفئة السعرية دة مش وحشة هية اينعم مش عايزة واحد ركيب عربيات و بيفهم يعنى اية ركوب عربية و مواصافات و كدة دة عايزة واحد يكون مثلا اول عربية زيروو بعد فيات يد مثلا فيرنا و فى الوقت الى احنا فية دة هات غربية فيها كل الى موجود بنفس السعر وواخدة علامة يابانى هو بس ناقصنا ضمير العامل المصرى مش اكتر

هههههههههه ، يا باشا واللهي عندك حق بس الي انا قلته عن الصني قلته عن اليارس 1300 ، ولازم نفتح نفس الراجل على السيارة الي حاجزها .

**أيمن كور** · 10-06-2014 01:03 AM

الموضوع مش فتح نفس الموضوع مشورة من الأخوة الأفاضل سواء ملاك للعربية أو غيرهم و اللى عندهم تعليقات مفيدة أو خبرة سابق ..
و أرجو من الاخوة اللى فى المنتدى مش بس قسم تويوتا .. ان الاراء و التعليقات على المواضيع تكون جوهرية و حقيقية ... بمعنى ان واحد لبس فى عربية غلط يبقى عايز غيره يقع فى نفس المطب
أو حد ليه عمولة أو بيتعمل معاه واجب من مركز معين فايعمله دعاية او حد بيشتغل فى التوكيل و عايز يعمل شغل ... كلكم أعضاء محترمين فى منتدى محترم و صدقونى لو قلت لحضراتكم
ان ارائكم بيكون ليها عامل كبير فى تحديد الاتجاه اللى هايمشى فيه اى حد ماعندوش خبرة و داخل
المنتدى واثق من ان الاعضاء هايفيدوه علشان الحيرة اللى بعضنا مجربها خاصة فى مواضيع الشراء او مراكز الصيانة ..
احنا فى مصر موضوع انك تشترى عربية عامل زى امتحان الثانوية العامة .. تحديد مستقبل هههههه
و الفلوس بتوجع أوى و أظن حضراتكم مقدرين انا بتكلم من منطلق ايه
و صدقونى عن تجربة شخصية انا لفيت فى معظم اقسام المنتدى لمدة طويلة علشان احدد عربية
و اراء الاعضاء كانت الفيصل فى اختيارى

شكرا ليكم على المساعدة و ارجو ان ماحدش يزعل من كلامى لأنه فى بعض الاحيان بيحصل !!!

الحمد لله النهاردة استلمت التويوتا ياريس 1500 موديل 2015 أوتو الفئة الاولى
و الصدمة لما سمعت عن تمن الفئة الهاى لاين بتاعتها
الاسطورة بتقول 175000 جنيه !!!!!!!!!!!!!!!!!!!! لاتعليق
و سعر الكورولا هايزيد !!!!!!!!!! ربنا يستر علينا من الجنان اللى ملوش حاكم

تانى مرة ألف شكر ليكم جميعا

**eng_amrazek** · 10-06-2014 08:23 AM

الف الف مبروك
ربنا يديك خيرها ويكفيك شرها
مستنين تقييمك ليها ان شاء الله

**mohamad.ameen** · 10-06-2014 08:53 AM

انا كنت فى الصيانة امبارح و لقيت فعلا الياريس 1500cc موجودة 2015 و هى فئة واحد فقط اوتوماتيك و السعر 145000 و بالحجز خلال شهر للتسليم و مفيش خلاص 2014 ياريس 13000 تانى و ده من المبيعات هناك