بيرسونا Ground Clearance - أراء بشكل عام

**ziohausam** · 05-06-2014 10:52 PM

السلام عليكم يا شباب

حاليا أنا بفكر في البيرسونا أوتو. عندي كام سؤال جوهري..

ال ground clearance اللي مكتوب مواصفاتها على النت هو 155 mm
أنا مش عارف ده كده أقصى ولا أدنى ارتفاع؟ حد عنده علم؟

لو مفيش معلومة مؤكدة, هل البيرسونا تعتبر من العربيات المرتفعة عن الأض؟ ولا عادية؟ ولا منخفضة؟

بشكل عام بقة... أي تحفظات على البيرسونا من الشباب اللي ليهم خبرة فيها؟ أنا عاوز عربية تستحمل مشوار 100 كيلو في اليوم (50 رايح - 50 جاي) واللي فهمته ان موتور البيرسونا من أفضل المواتير.

هل العربية دي تنفعني لخمس أو ست سنين كده من غير مشاكل؟
ناوي ان كل تعاملاتي تكون مع مركز عصام صفا اللي واضح ان كتير بيشكروا فيه.

غير كده.. أي تحفظات على عفشة.. تكييف.. خامات.. ثبات.. صاج.. اعتمادية في الجو الحار... وهكذا؟

شكرا جزيلا

**Omar Mahmoud** · 05-06-2014 11:18 PM

الجين 2 مكتوب في الكتالوج بتاعها ادني ارتفاع 165mm
مفيش اي تحفظات بالنسبالي علي اي حاجة انما في ناس بتقول خاماتها سيئة جدا و بتقشر بسهولة من الشمس و الكلام ده غير صحيح و عن تجربة و الثبات ممتاز و التكييف بالنسبالي ممتاز
بالنسبالي الخامات جيدة نفس مستوي النيسان صني الشكل القديم
الاهم من ده كله تجربها في التوكيل لو لسة عندهم درايف تست علشان تبقي مقتنع بيها
بس في الاجمال هي ممتازة
و بالتوفيق

**ziohausam** · 05-06-2014 11:45 PM

المشاركة الأصلية كتبت بواسطة Omar Mahmoud

الجين 2 مكتوب في الكتالوج بتاعها ادني ارتفاع 165mm
مفيش اي تحفظات بالنسبالي علي اي حاجة انما في ناس بتقول خاماتها سيئة جدا و بتقشر بسهولة من الشمس و الكلام ده غير صحيح و عن تجربة و الثبات ممتاز و التكييف بالنسبالي ممتاز
بالنسبالي الخامات جيدة نفس مستوي النيسان صني الشكل القديم
الاهم من ده كله تجربها في التوكيل لو لسة عندهم درايف تست علشان تبقي مقتنع بيها
بس في الاجمال هي ممتازة
و بالتوفيق

أشكرك يا Omar Mahmoud.

غريب.. الجين 2 أعلى عن الأرض من البيرسونا؟ ممكن تكون تقصد 155؟

**Omar Mahmoud** · 06-06-2014 12:02 AM

المشاركة الأصلية كتبت بواسطة ziohausam

أشكرك يا Omar Mahmoud.

غريب.. الجين 2 أعلى عن الأرض من البيرسونا؟ ممكن تكون تقصد 155؟

عفوا علي ايه
لا فعلا 165mm بدون حمل و الكتالوج دلوقتي في ايدي
الافضل تسأل التوكيل نفسه او تشوف من البروتشور بتاع العربية لأن الground clearance بتاع الاوبل 160mm ده من علي الانترنت انما الرقم بنسبة 99% غير صحيح لأنها بتحك في المطبات اللي البروتون مش بتحك فيها.
بس معتقدش ابدا انها اوطي من الجين 2. و بردو التوكيل عز العرب هيكون عارف بس الافضل تروح المعرض عندهم.

**ziohausam** · 06-06-2014 12:16 AM

انا كلمتهم في التليفون واللي رد عليا معرفش يفيدني وخد نمرة تليفوني وقاللي واحد تاني هيتصل بيك.. بعديها بيوم فعلا حد اتصل بيا.. سألته نفس السؤال برضو معرفش .. قاللي في الأول "مش أقل من 4 سم".. صرخت في التليفون قلتله ؟نعمم؟؟ فقاللي.. لا معلش المعلومة مش معايا.. محاولتش أتصل بيهم تاني الحقيقة وبدور على النت من ساعتها.

هحاول أدور على كتالوج على النت ليها لأن البورشور مفيهوش المعلومة برضو.

أشكرك يا فندم.

**Omar Mahmoud** · 06-06-2014 12:33 AM

المشاركة الأصلية كتبت بواسطة ziohausam

انا كلمتهم في التليفون واللي رد عليا معرفش يفيدني وخد نمرة تليفوني وقاللي واحد تاني هيتصل بيك.. بعديها بيوم فعلا حد اتصل بيا.. سألته نفس السؤال برضو معرفش .. قاللي في الأول "مش أقل من 4 سم".. صرخت في التليفون قلتله ؟نعمم؟؟ فقاللي.. لا معلش المعلومة مش معايا.. محاولتش أتصل بيهم تاني الحقيقة وبدور على النت من ساعتها.

هحاول أدور على كتالوج على النت ليها لأن البورشور مفيهوش المعلومة برضو.

أشكرك يا فندم.

مش اقل من 4cm ههههههه نفسي حد يفهمهم انهم في توكيل كبير مش ورشة ميكانيكي
المهم هي في الشارع بحس انها واطية انما في الحقيقة هي عالية عن الارض و حتي لو 155mm فده كويس مش وحش لان ال301 و c elysee ارتفاعهم تقريبا 15cm
النيسان صني الجديدة 14.5cm من البروتشور و ملاك العربية محدش اشتكي انها بتحك في المطبات .
بس بنسبة كبيرة هتبقي نفس الارتفاع بتاع الجين 2.