الموضوع: مشكلة في فتيس التوليدو ٢٠١٤ اوتوماتيك

المشاركة الأصلية كتبت بواسطة shockoprinz

متابع
ربنا يسهلك الحال وتطلع حاجة بسيطة

باشا أخبار العربية معاك إيه و عامل كام كيلو

المشاركة الأصلية كتبت بواسطة karim ibiza

ان شاء الله بسيطة بس عندى كام استفسار
ازاى عرفت انها على الخامس؟ يعنى هل بتجيبها على المانيوال موود وبتلاقيها كاتبة فى العداد 5؟ طيب لو اديتها (-) هلى بتنزل للـ 4 و 3؟

الفكرة عموما بتتلخص فى ان حساس من حساسات الفتيس المسئول عن انه يترجم سرعة العربية اللى ماشية بيها كام وبناءاٌ عليه الفتيس بينقل على النقلة الصح حسب سرعة العربية اللى جاتلوا من الحساس ده
اللى حاصل عندك ان الحساس عاطى الفتيس سرعة العربية غلط وعشان كده الفتيس نقل غلط والموضوع ان شاء الله يتحل بتغيير الحساس ده او كونترول الفتيس (لو هو ليه كونترول منفصل)
بالكشف بالكومبيوتر على سرعة العربية وهى واقفة ساعة ما العطل يكون موجود, هتلاقى ان الكومبيوتر قارى سرعة النقلة الخامسة (مثلا هتلاقيها 70 كلم/ساعة)

ان شاء الله بسيطة

اولا اشكرك و اشكر كل الاعضاء اللي اهتموا بالموضوع
ثانيا سواء في الاوتوماتيك او المانيوال مود بيبان على الشاشة النقلة اللي انت عليها و - او + مش بيغيروا اي حاجة .. كمان لو نقلت لل n ورجت لل d بترجع عالخامس برضوا و احنا بنجرب النهاردة عملت الحركة دي عالسادس يعني و انا ماشي عملت صوت خبط جامد في الفتيس و فضلت معلقة عالسادس
ثالثا هو قاللي كلام شبه اللي انت بتقوله ان في مشكلة في حساس من حساسات الفتيس .. بس رجع في الاخر قاللي هنغير زيت الفتيس و نشيك عالوصلات المفروض المشكلة تتحل حسب كلام التكنيكال سبورت

المشاركة الأصلية كتبت بواسطة kgayyar

بيقوللي العربية هتبات لبكرة .. بغض النظر عن المشكلة هل دا يعني انه يوفرلي عربية بديلة لبكرة و لا لأ

يا شباب يا ريت حد يفيدني هل المفروض يوفرولي عربية طالما العربية هتبات يعني اتخانق عشان القصة دي و لا الموضوع مش مستاهل

شكرا جزيلا لكل من شارك بالرأي و النصيحة و أنا سعيد جدا بانضمامي للمنتدى المحترم و ارجو ان وجودي و عرضي للمشكلة يكون سبب في نفع الأعضاء المحترمين زي ما انا استفدت منكم.
اخر الاخبار العربية بايتة في التوكيل و بكرة هيكلموني يعرفوني اخر الاخبار
بخصوص اني طلبت عربية بديلة اتحرك بيها قالولي في عربيات بتخرج بس لو عربيتك هتقعد اسبوع او اكتر .. بس خلو واحد من المهندسين الصغيرين يوصلني