الموضوع: مشكلة في فتيس التوليدو ٢٠١٤ اوتوماتيك

المشاركة الأصلية كتبت بواسطة mohammad isdf

مال تغيير الزيت بالموضوع ده ملوش دعوة اعتقد زى ما المهندس سيد قال هو حساس
بخصوص انهم يوفرولك عربية لو ده تعاقد وضمن الشروط فحقك لكن انا بقولك وفر الخناقة دى فى حاجه اكبر مثلا لو كروتوك

محمد باشا اولا اشكرك لاهتمامك .. ثانيا اعذر جهلي يعني ايه كروتوك

المشاركة الأصلية كتبت بواسطة kgayyar

محمد باشا اولا اشكرك لاهتمامك .. ثانيا اعذر جهلي يعني ايه كروتوك

كروتوك من الكروته يعنى شغل اى كلام
ان شاء الله تتحل المشكله

كروتوك يعنى عملولوك شغل اى كلام او تجهلوك في شغل العربيه يعنى

المشاركة الأصلية كتبت بواسطة syd

يا ريت تطمنا وصلت ﻷيه
اعتقد ان العربية ليها كونترول منفصل للفتيس
وبالكشف عليه اكيد هتبان المشكلة

تحياتي

محمد باشا تحياتي و ألف شكر للاهتمام و المتابعة
التوكيل كلمني من شوية و قالولي احنا شيكنا عالزيت و الفيش و لقيناها تمام .. فالدعم الفني رفع بيانات الكومبيوتر لاسبانيا لان المشكلة دي اول مرة تقابلهم و مستنيين الرد من اسبانيا عن الجزء اللي هيتم تغييره
انت شايف ايه

المشاركة الأصلية كتبت بواسطة syd

ربنا ييسرلك الحال ان شاء الله
انا شايف ان المشكلة بسيطة ومش هتبعد عن حساس او بودي فالف او كونترولر علي اقصي تقدير
المهم انها اكيد في الجزء المسؤول عن تحديد الغيار المناسب
انا بقول انك لازم تأمن نفسك كويس بأنك تثبت كل الكلام دة في شيت الفحص او جوب الأستلام واي شئ يخص الموضوع بتاعك يكون معاك بيه مستند
كمان هما قالولك هتخلص امتي ؟؟؟؟
والفترة دي هتقعدها ازاي من غير عربية ؟؟؟

والله المستعان
،
،

اعتقد الكلام اللي قالوه بخصوص طبيعة المشكلة زي ما انت ذكرت حساس او بودي فالف و الاحتمال الخير تغيير الفتيس كاملا بس قاللي قبلها هيعمل تشيك على ضفيرة الفتيس لان الايرور اللي طالع ان في حاجة في الويرينج .. هما اجازة بكرة الاحد و هيشتغلو فيها الاتنين ان شاء الله و يكلموني اخر النهار اعرف اذا كانت مجرد ضفيرة و لا حاجة تانية

طبعا الكلام دا مش موجود في شيت الفحص اللي اتعمل اول ما وصلت بس انا ان شاء الله هطلب اضافته او عمل تقرير مع جواب الاستلام و اشكرك طبعا عالنصيحة

بالنسبة لمعاد الاستلام مش عارفين يحددو نتيجة انهم لسه محددوش القطعة اللي فيها المشكلة و اللي هتتغير بالنسبة ليا انا من اول يوم طلبت يوفرولي عربية و الكلام ان يوم الاتنين الجاي لو طلع ان العربية هتطول عن كدا هيسلموني عربية

بما ان دا جروب سيات حد عندو فكرة عن العربيات اللي بيطلعوها في الحالات اللي زي دي

صباح الخير..انا معايا توليدو اتوماتيك الفئة 3 بس الحمد لله محصلش مشاكل...العربية بقالها شهرين و نص تقريبا و عامله 4300 كم و قربت اعمل صيانة ال 5000.
انا شايف ان في ناس اكتر ابتدت تشتري العربية و دي حاجة كويسة و ياريت كل اللي عندة العربية يتواصل مع بعض علشان لو في اي نصايح..بالنسبة لمشكلة الفتيس دي ممكن تحصل معلش بس ابقى طمننا على الوكيل اتعامل معاك ازاي و حل المشكلة ولا لا..