الموضوع: علاج فتيس الافيو مانيوال الي تقيل في النقل الاول والثاني

انا كنت بعاني في صعوبة في النقل لفتيس الافيو
خصوصا النقلة الاول والثاني والحمد لله اكتشفت العيب
وعالجته والفتيس رجع ناعم وبقي تمام التمام

اغلب الناس الي رحتلهم عمالين يفتوا
الي يقولي غوايش والي يقولي زيت
والي يقولي دبرياج والي يقولي غير الفتيس كله

المهم عاوز الي عنده المشكله دي يعمل تجربه صغيرة
ومنها هيتأكد ان مشكلة فتيسه نفس العيب
وانت بتنقل علي الثاني الي انت متعود انه تقيل
جدا خصوصا وانت نازل من الرابع او الثالث للثاني
عاوزك ترفع سوسته العصايه الي بترفعها وانت
بتعشق للخلف
ارفعها وخد الفتيس عليك شويه وعشق الثاني
لو التعشيقه لقيتها سهله وحسيت بفرق يبقي
خلاص العيب عندك بمنتهي البساطة
ان فيه بوش في مفصله من المفصلات الي رايحه
من العصايه لحد الفتيس وده الي اكتشفته فعلا
والبوش ده بيضيع جزء من المسافة الي المفروض
بتحرك العصايه فيها شمال علشان تدي الثاني
وعلشان تاخد الثاني لازم تاخد العصايه عليك شويه
اكتر بس بتلاقي العصايه هو ده اخرها علشان فيه
مصد متعرفش تعديه الا لما ترفع السوسته
والحل بسيط جدا انا عملته بنفسي
مشيت ورا المفصلات ولقيت بوش كبير في مفصله
منهم خادتها عكس الاتجاه وحشرت قطعه بيلاستيك
معجونه بسيليكون وسيبتها تنشف
وجربت العربيه لقيت الفتيس بقي زي الفل وناعم
ومبيعلقش والدنيا تمام التمام
قولت لازم اكتب الموضوع ده علشان الكل يستفيد
الي عنده المشكله دي يعالجه ويدعيلي

بص انا عندي نفس العيب في الغيار الاول بس بصراحه موصليش قصدك ف ياريت لو توضحلي اكتر