الموضوع: عاوز اركب ساوند سيستم في فليونس

المشاركة الأصلية كتبت بواسطة ramymechanics

هحاول أجيبلك رقمه لأنى معرفوش شخصيا

بالنسبة ليا أنا ... أولا ساعة التركيب انا جايب ماركة نضيفة ب 1200 جنيه التوكيل قالى تسيبها يوم والكلام دة وكان عاوز 400 جنيه تركيب تقريبا المهم رحت ركبتها عند اللى اشتريت منه سنتر كبير فمدينه نصر الكلام دة من حوالى 6 شهور مثلا المهم وهو بيركب العربية فجأة فضلت تدى alarms ورا بعضها و قطعت النفس نهائى مفيش اى حاجة شغالة ولا نور صالون ولا تابلوه ولا اى حاجة المهم من هنا لهنا طب معلش طب هنعملك اللى انت عاوزه جابه بالليل مهندس من التوكيل طلع فى فيوز عمومى معمول حماية للكمبيوتر لو حصل اى قفلة بيفصلها كلها عشان الكمبيوتر ميفلسعش المهم تمام مفيش مشكلة ومشيت

من شهر كدة (يعنى بعد اكتر من 5 شهور من التركيب) مسافر اسكندرية الاقى العربية نصها مش شغال لا الازاز الشمال ولا الكاسيت ولا السنتر قمت عديت على توكيل العامرية قالولى كدة تمام بس متلعبش فيها تانى الكاميرا كانت واخدة باور من حتة غلط

تانى يوم وانا فاسكندرية نزلت اجيب حاجة رجعت لقيت العربية مش بتفتح ولا اسة بالكارت من هنا لهنا ناس ولاد حلال دلونى على مدير الصيانة فى فرع سموحة بعتلى ونش خد العربية تانى يوم قالولى فى حاجة اسمها pdu دى زى مخ العربية كدة اللى بتشغل الكومبيوتر فلسعت وغيروها ب 450 جنيه وأعادوا توصيل الكاميرا من اول وجديد قالولى كانت محملة عالفيوز اللى واخدة منه المفروض كانت تاخد كهربا من حتة تانية ولقيتها سايحة فعلا من جوة وقالولى احمد ربنا فى ناس بتركب زينون ساعات بيضرب البوردة تمنها 11 الف جنيه كويس انها جت على اد كدة

الحمد لله بقالها شهر ماشية كويس الحمد لله حتى الآن مفيش مشاكل ... انا حكيت لك كل التفاصيل المملة دى عشان تفكر الف مرة قبل ما تعمل حاجة عند اى صنايعى مهما كان شاطر

ياباشا ربنا يسلمك من كل شر ويحفظهالك ان شاء الله ويباركلك فيها
علي شان كده بقي التوكيل نفسه رفض يركبلي حاجه وقالي بلاش احسن ما تزعل، لان مهندس الصيانه صاحبي ودفعتي
وقالي احنا اصلا ممنوع نركب اي حاجه مش اصلي من رينو
حتي السينيور ركبته عندهم اصلي رينو وريحت دماغي
كده بقي استني لما الواحد يجيب عربيه تانيه فيرنا مثلا ويعمل فيها الي هوه عاوزه
هيه علي قد ماهيه عربيه شيك ومريحه
بس عربيه معووجه وخنقه

المشاركة الأصلية كتبت بواسطة mohammedaladel

طبعا الكلام دا مينفعش ..t عشان منظومة airbag لأن الاهتزازات اللى طالعة من السماعات ممكن تكون بطول موجى قادر إنه يأثر على حساس التصادم ويخلى الإيرباج تفتح

والكلام دا أنا قرأته فى كتالوج ميجان 2 ولما فكيت الباب مكتوب على فبر الباب من جوا إن السماعات لازم تكون approved by reanult

اشكرك ياباشا علي المعلومه القيمه دي
لاني فعلا اول مره اعرفها فعلاً