انا عملت صيانة 5000

**ysalah** · 13-10-2008 10:21 AM

صباح الفل علي الكل
بصراحة ياجماعة انا زعلان جداً من التوكيل انا رحت عملت صيانة ال 5000 في مركز خدمة الشركة في القطامية محمد زكي وكان عندي مشكلين الاولي في صفارة في التيل والثانية في هو دافي بيدخل الصالون من فتحة التكيف وقلتلهم علي المشكلتين ، وقعدت اتفرجت علي العربية وهما شاغلين فيها علي التليفزيون اللي في الاستراحة كل اللي حصل في العربية انهم غيرو الزيت والفلتر وشافو سوائل العربية وغسلوها غسلة زبالة (انا اسف) وبعد نص ساعة ندهو عليا علشان استلم العربية سألت علي تربيط العفشة والشكوتين اللي انا قلت عليهم كلمني مهندس من الصيانة اللي كله تمام والعفشة اتربطت والتيل تم المراجعة عليه ظاهرياً دون فك الكاوتش والعوا الدافئ ده مش موجود وممكن يطلع يجرب العربية معايا المهم خدت العربية لقيت صوت التيل اختفي لمدة عشر دقائق والهو الدافئ لسه موجود حاجة تقرف علشان كده قررت في الصيانة اللي جاية اروح ابو رواش واحتمال اقدم شكوي في مركز الخدمة.

ياجماعة كل اللي ان باقوله ما يقللش من العربية السيراتو وامكانياتها لكن الواحد زعلان من حاجات صغيرة ممكت تسبب مشكلة كبيرة مستقبلاً

**ahmed_su** · 13-10-2008 11:27 AM

مبروك صيانة ال 5000

كان من الافضل انك تعملها فى ابو رواش اعتقد انهم هناك افضل من محمد زكى

بخصوص الهواء الدافئ كان عندى ومطلعش مشكلة هو مفتاح تجديد الهواء من الخارج للتكيف بيبقى شغال وبيجيب هواء سخن من خارج العربية حتى لو التكيف مطفى خليه على وضعية تدوير الهواء وبالتالى مش هيجيلك اى هواء دافئ

ويمكنك ان تطلب 19542 وتبلغهم على اللى مش عجبك

**Noha.M** · 13-10-2008 07:26 PM

فعلا انصحك بابو رواش
مع ان انا من سكان المعادى و احسنلى طبعا اروح محمد ذكي بس عصرت على نفسي 10 كيلو لمون و رحت مغصوبة
هو بيطلو شوية اه بس احسن طبعا من النص ساعة الكروتة دى
يعني انا رحت على 10 كدة و كان قدامى 10 تانيين فطولت شوية و قعدت ساعة و نص كدة بس فى المقابل كل الشكاوى اللى كنت كتبتها فى التعليقات اتعالجت مع تحسن كبير فى العفشة و اداء العربية ككل و تنضيف محترم جدااااااا للعربية و دفعت 128 جنيه
معلش متزعلش نفسك و ان شاء الله متعوضة المرة جاية بس عند ابو رواش بقا

الف مبروووك عقبال الصيانات الجاية ان شاء الله :)