المشاركة الأصلية كتبت بواسطة samaty
الحمد لله إشتريت أوبل فيكترا 2003 cd
الف مبروك اولا يا استاذ ابراهيم وربنا يديك خيرها ويكفيك شرها
الموتو 2000 سي سي ايكوتك
العربية تكييفها معقول
مش قوي ومش ضعيف
فيها جنوط عادية مش سبور
أول يوم جبتها اخدتها من المالك السابق في الاسكندرية ورحت بيها مطروح على سرعة بين 120 و 170 والغالب السرعة العالية وبدون توقف في الطريق ووقفت في مطروح حوالي ربع ساعة وجعت تاني اسكندرية على سرعة بين 180 و200 وبرضه من غير ما اقف في الطريق
الحمد لله العربية ثابتة جدا ما شاء الله وتجيب اكتر من كده تموينه من وطنيه او بنزينه نضيفه تجيب ٢٤٠ مستريح
اللي شجعني على الجري إن الجو كان هوا شديد وفيه رمل في الجو يعني مفيش رادار ( معلومة مهمة الرادار العادي بتاع المرور مش بيقرا لما يكون فيه رمل في الجو لان الرمل بيشوش الإشارة بتاعته)
أنا مكنتش ببص على عداد السرعة ماشي بزود وأبص على الطريق قدامي ودايما حاسس إن العربية بطيئة بسبب ثباتها على الأرض ربنا يسترها عالينا
انا لو ما كنتش بطلع من العربيات التانية كنت هفكر إن العداد بايظ
أصلى متعود إن السرعة معناها مطبات هوا ومراجيح المولد تدخل عليك فجأة والموتور يزعق ويستغيث
لكن في الفيكترا ولا أي حاجة من دي
تجيب 120 أو 140 قبل ما تبدأ تسمع صوت الموتور
الغريب بقا
الحرارة دايما بين 80 و90 وكانت القربة ناقصة
لما زوتها أخدت 1/2 لتر ولما مشيت الحرارة عليت ووصلت 95 ( مش هزودها تاني)ممكن يكون هوا في الدوره
الفتيس مش ناعم زي فتيس الكوري بحس بالنقلات جامد مش عارف دا من قوة الموتور ولا فيه حاجة بس انا شاكك في الكوبلن الداخلي ممكن يكون زيت فتيس وطالما انك لسا شاريها غير زيت الفتيس
العربية لو بطلتها وهيا ماشية ممكن ادورها تاني والفتيس على d لكن لو وقف مش بتدور غير على n أو p ودي او مرة اشوف عربية تدور على دي ( ببطلها وهي ماشية وأدورها تاني لإني لما بجيب 200 واقابل مطلع أو منزل يرفع العربية عن الارض التراكشن بيفصل فلما ابطل العربية وأورها تاني بيشتغل) وللأسف عندي تراكشن شغال ومعنديش مفتاح يفصله
تسارع العربية قليل إلة حد ما مع التكييف ومعقول من غيره بس لو شغلت الإسبورت مود تحس إنك راكب صاروخ وصوت الموتور بيبقى عامل زي الديفل والفتيس بينقل على 6 أر بي إم بس حرق بنزين اكتر ويمكن الضعف
أكتر حاجة عاجباني في الفتيس ده هوا النقلة الخامسة
دوس زي ما إنت عايز واول ما توصل لسرعتك شيل رجلك من على البنزين لحظة هتلاقي العربية أخدت الخامس طالما إنت على سرعة 80 فما فوق ممكن تقلي بتعرف الموضوع ده ازاي العربيه بتاخد الخامس
الغريب إني لما هديت العربية فضلت على الخامس لحد سرعة 50 والأر بي إم كان على 1
بس مع أول سنة بنزين الخامس فصل والعربية رجعت للتالت من غير كيك داونبرضه بتعرفها ازاي
آه بمناسبة الكيك داون
من غير الاسبورت مود مع الكيك داون العربية بتنقل على 3.5
الطبيعي إنها بتنقل على 2 بس مع الاسبورت بتنقل على 6
عندي زنة في طرمبة الباور وبتزيد لما أجيب الدركسيون يمين للآخر أو شمال للآخر
ولما سحبت الزيت من علبة الباور ودورت العربية الزنة زادت بس الزيت كان فيه زي رغوة خفيفة ( حد يعرف دا إيه...؟؟؟؟؟؟؟؟؟؟؟؟؟؟؟؟؟؟؟؟ ) البور عامل معاك ايه لو تمام كبر دماغك ده بيبقي طبيعي وبتبقي اعراض خشونه في المكنه البور هات اخرها
العربية كانت كلها ملزوقة فاميه ولما شيلت البلاستيك بيطلع ويسيب اللون ودا مضايقني ( أنا بحب الزجاج الشفاف ) أنا راجل واضح ومعنديش حاجة أداريها بس حلو قوي مع التكييف
النهارده عملت أرضي للموتور
جبت سلك 3 مم ودبلتين 13 شبكت الدبلتين في طرفين السلك ولحمتهم بالقصدير وغطيت الدبلتين بالكامل بالقصدير
وصلت واحدة بارضي البطارية في مسمار القطاش السالب والدبلة التانية واصلة بمسمار في وش السلندر فوق غطاء الفرن مباشرة
العربية اتحسن استهلاكها للبنزين كتير بعد الحركة دي
عملت 140 كم ب 10 لتر ( سفر + مدينة) رغم أن فيها بلوف (كستبان) بايظة
مش عارف اقول إيه تاني
حبيت بس الكل يشاركني