ورطة ماكدونالدز مع البطاطس المقلية

**Ahmed Samy** · 13-10-2008 11:30 PM

عموما مافيش أحلى من عمل البطاطس في البيت

تقعد تقشر و تقطع بمزاج كده

و تبقى عارفهم بطاطساية بطاطساية

ولو عايزها تقرمش تحطها في ميه بملح الأول و بعدين تجمدها و تاخدها من الفريزر على الزيت السخن

و طبعا بلاش تغير الزيت على عشرة الاف :)

**ams** · 13-10-2008 11:43 PM

المشاركة الأصلية كتبت بواسطة meza

هو من قلة بطاطسنا يعنى ...... :D
aA

تصدق ..معاك حق ...احنا بطاطسنا احلى من بطاطسهم:D

**D . a .\ AYMAN** · 14-10-2008 12:00 AM

المشاركة الأصلية كتبت بواسطة Ahmed Samy

و تبقى عارفهم بطاطساية بطاطساية

ولو عايزها تقرمش تحطها في ميه بملح الأول و بعدين تجمدها و تاخدها من الفريزر على الزيت السخن

و طبعا بلاش تغير الزيت على عشرة الاف :)

:D:D:D:D

انا باعمل كده عموما باحب أكون عارف البطاطس بتاعتي بطاطساية بطاطساية برضه

وشوية خل صغيرين على الميه اللى بملح (منها بينضفوا أي بكتيريا أو جراثيم بسيطة ومنها بتقرمش ومنها تبقى بطعم الخل ... بس الطعم مش بيبان قوي عموما)

**l0new0lf** · 14-10-2008 01:00 AM

المشاركة الأصلية كتبت بواسطة Ahmed Samy

و ملحوظ صغيرة غير متعلقة بالموضوع
قال تعالى {حرمت عليكم الميتة والدم ولحم الخنزير}

ماهو اللأيه جابتها واحده واحده
1- تحريم كل ميت (عدا السمك و الجراد)
2-تحريم شرب و اكل الدم(عدا الكبد و الطحال)
طب تعرف ان الاجبان بيضاف اليها جيلاتين (مشتق من الخنزير) علشان تبقى صلبه, بدل المنفحه المستخرجه من العجل و ذلك لكثرة الخنازير. و الاجبان اللى معموله للنباتييين بيحطولها مصلب اصله نباتي و بيسموها vegitarian cheese
3- لحم الخنزير (ذكر اللحم للشمول و العموم لجميع مشتقات الخنزير)

قال الله تعالي{ قل لا يستوي الخبيث والطيب ولو أعجبك كثرة الخبيث فاتقوا الله يا أولي الألباب لعلكم تفلحون }.

**Dr.A.Nabil** · 14-10-2008 01:19 AM

يا جماعه
انا اخويا بيشتغل It Manager Macdonald Egypt

وسألته قالي الكلام ده غلط تماما

البطاطس ليهم لاين مخصوص في فارم فريتس
والبرجر ليهم لاين مخصوص في فرجللو

وكل دي اشاعات

**CryptonX** · 14-10-2008 01:36 AM

ماكدونالدز بيحمر بطاطس فارم فريتز المجمدة المصنعة في مصر ... قدام عيني بشوف العربيات و هي داخلة و خارجة ..

انما ده من بواقي ايميلات الجماعات البربرية و الناس المتخلفة ... بتاعة الكوكاكولا بالشقلوب ... و التخريف الي في دماغم من مؤامرات عالمية علي العرب !

والي ينرفز اكتر ... انهم بيدعوا انهم بيساعدوا اخوانهم ...

ربنا يهدي ... لآ بلاش يهدي .. انا زهقت ..

ربنا ياخدهم جميعا .

**جمال** · 14-10-2008 01:40 AM

المشاركة الأصلية كتبت بواسطة Mido80

السلام عليكم جميعا. الموضوع دة وصلني علي الايميل وحبيت اني اطرحة بينكم للاحتياط

ورطة ماكدونالدز مع البطاطس المقلية

**وختاما ادعو الله ان يعافني واياكم من كل شر وبلية كما ارجو من كل قارئ ان ينشر هذه الرسالة ويعممها

ملاحظة

كونك قرات الرسالة وعلمت
فامامك خيارين
ان كانت صحيحة انت محاسب من رب العباد ان كنت علمت وتجاهلت
ان كانت الرسالة لم تقنعك بصحتها
فانت ملزم امام الله بالبحث والاجتهاد للتاكد من صحتها والا فانت محاسب ايضا

تاكد من الخبر على رابط موقع BBC http://news.bbc.co.uk/hi/arabic/news...00/1348383.stm

انا مش عاجبنى الملحوظة الاخيرة, ايه رأيكم؟

**Mido80** · 14-10-2008 08:38 AM

شكرا للاخوة الاعضاء علي الردود الحلوة والسخرية (الظريفة) من بعض الاعضاء. بس يا ريت تبقوا تقروا المقدمة كويس عشان تعرفوا ان الموضوع مش من اختراعي او تاليفي انما دة جالي علي الايميل وحبيت اتأكد منة مش اكتر ولا اقل يعني نقاش مش خناقة وردود سخيفة.

المهم بالنسبة للناس اللي بتتفلسف تبقي تشوف انة فية مواضيع يتم طرحها بالمنتدي اقل ما يقال عنها انها ساذجة وسطحية جدا ومع ذلك الاقي 20 صفحة ردود عليها مع تحمس بالغ اللهجة. مش عارف لية.

-

-

الموضوع: ورطة ماكدونالدز مع البطاطس المقلية

LinkBack

أدوات الموضوع

عرض

-

-

-

-

-

-

المواضيع المتشابهه

قلاية البطاطس اللي من غير زيت -- حد اشتراها قبل كده ؟

الساجا والبطاطس المقلية

مطاعم الوجبات السريعه وخصوصا ماكدونالدز

ماكدونالدز تدفع 290 دولارا لطالبة تعويضا عن عضة فأر بأحد فرو

الكلمات الدلالية لهذا الموضوع

المفضلات

المفضلات

ضوابط المشاركة