شوية المقاطيع إللي عاملين نفسهم ركيـنة عربيات ومستوليين على كل أرصفة مصر

هي إيه بقى ظاهرة الركينة إللي في الشوارع... دول بقوا في كل مكان وكل شبر في أرصفة مصر... مش بس المناطق الحيوية.. دول بقوا عند سوق المقطم... وقدام كل قسم شرطة على الرغم من أن أرصفة الشوارع فاضية... بس هي سآلة أم إللي جابه يجي وانت بتركن وكأنه أجر الرصيف من المحافظة ويقول لك:
كمااان... كماااان.. حضن شوية... بس كده ياباشا ارفع فراملك وسك عربيتك ومتخفش عليها...
ولما تيجي تقولوا طيب ما أنا مش خايف عادي.. وكمان بأعرف أسوق وأحضن وأظبط العربية... عايز انت بقى إيه؟؟؟
يقول لك: ياباشا إحنا واقفين هنا بنسترزق.. وبنحرص لك عربيتك بدل ما تتخبط كده ولا كده...
بصراحة الموضوع زاد عن حده أوي.... حتى شوارع بلدنا مش قادرين نستمتع ولا نمشي ولا نركن فيها جنب الرصيف.... أنا مش عارف شوية العواطلية والبلطجية دول بيدفعوا للقسم علشان يخليهم واقفين يأخذوا إتاوة من الناس...
وبعدين هو كل واحد معاه عربية يبقى مبسوط وحاله ميسور.... علشان يدفع في كل مكان يركن فيه جنب محل أو سوبر ماركت يجيب متطلباته يقوم دافع إتاوة يعني ولا إيه.. هو المرتب فيه كام 5 جنيه ولا 10 جنيه؟؟؟
بصراحة الموضوع زاد عن حده أوي... مش عارف ليه الشرطة إللي المفروض تحمينا مسيباهم علينا بالكثرة دي ليه....
حسبنا الله ونعم الوكيل في أجهزة الدولة الفاسدة إللي مش شايفة غير حاجة واحدة بقائها في السلطة فقط لا غير

لو النظام الجديد هيوجه اسلحته لهؤلاء فانا اول المرحبين به.

اي مكان فيه واحد منهم بلغ عنه بلطجة وسرقه باالكراه اه والله ..ده لو حسك مس هتديلو يهددك ان العربية تتخبط او تتخربش

اقتباس:

---

المشاركة الأصلية كتبت بواسطة m r. Z e c o

اي مكان فيه واحد منهم بلغ عنه بلطجة وسرقه باالكراه اه والله ..ده لو حسك مس هتديلو يهددك ان العربية تتخبط او تتخربش

---

ياباشا أبلغ عن مين اقرأ إللي أنا كاتبه كويس هتلاقيني بأقول لك شغالين ركينة بجوار قسم المقطم... يعني عايز تقنعني أن القسم معندوش خلفية عن شوية البلطجية دول
الحاجة الثانية: أنت كتيير أوي تدخل السجل المدني تلاقي واحد شكلة شمحطجي ويقول لك عايز تخلص أي مصلحة يا بيه أخلصهالك ويقفش منك 20 جنيه أو 50 جنيه وينصصها مع الموظف إللي جوة... وطبعًا فيه لينك بين الشمحطجي والموظف وتخليص المصلحة دي في الحال... وكل ده على حساب الطابور المتروس ناس وواقف من صبحية ربنا علشان يستخرج مستند..
إلى الله المشتكى... حسبنا الله ونعم الوكيل في المسئولين عن أمننا وسلامتنا ومصالحنا

اقتباس:

---

المشاركة الأصلية كتبت بواسطة asaeed

ياباشا أبلغ عن مين اقرأ إللي أنا كاتبه كويس هتلاقيني بأقول لك شغالين ركينة بجوار قسم المقطم... يعني عايز تقنعني أن القسم معندوش خلفية عن شوية البلطجية دول
الحاجة الثانية: أنت كتيير أوي تدخل السجل المدني تلاقي واحد شكلة شمحطجي ويقول لك عايز تخلص أي مصلحة يا بيه أخلصهالك ويقفش منك 20 جنيه أو 50 جنيه وينصصها مع الموظف إللي جوة... وطبعًا فيه لينك بين الشمحطجي والموظف وتخليص المصلحة دي في الحال... وكل ده على حساب الطابور المتروس ناس وواقف من صبحية ربنا علشان يستخرج مستند..
إلى الله المشتكى... حسبنا الله ونعم الوكيل في المسئولين عن أمننا وسلامتنا ومصالحنا

---

دة كل حتة منظر وعند اولاد رجب وعند نادي مصر للتأمين وعند وعند وعند مشكلة اغلبهم بوابين :beatbrick:

ساعة ما يقول لك ما تخفش على عربيتك يبقا كده خاف :)))))) . ما عليش هيه ظاهره زايده شويه بسبب الاحوال الاقتصاديه فى البلد . خدها بصدر رحب شويه هاتستريح . لو فكرت فيها بشكل تانى .اللى واقف ده مش لاقى شغل او عيل صغير و احلامهم بسيطه . انا وقفت و اتكلمت مع عيل منهم و كان كل حلمه يشترى عجله . لو طلعت جنيه او اتنين مش هايأثروا و لما الدنيا و البلد ها تتحرك ها تختفى ظواهر كتير و بدل ما يسرقوا او ينشلوا . الشرطه مش ها تعمل حاجه و اقل حاجه هاتقولها لك لو انت و غيرك ما تديش لهم حاجه هايختفوا و هو ما غلطش فى حاجه علشان نمسكهم

دا شغل بلطجة بمساعدة الشرطة وتحت حمايتهم
يعنى امين الشرطة ينصص مع البلطجى ومأمور القسم يبص يطمن من الشباك
الشرطة عقيدتها فاسدة

امبارح في المنصورة ركنت قدام اتصالات ع الجامعه ونزلت دخلت حوالي 5 دقايق وكانت اختي في العربية طلعت لقيت البلطجي واخد منها 2 جنيه ومش عاجبه ويقولها لما تيجي صاحبة العربية
اول ما ركبت العربيه ولقيتها بتحكيلي اتنرفزت جدا لان اسلوبه زي الزفت في الكلام ولقيته جي يجري ع العربيه ويقولي اقفي
بصراحه نسيت كل قواعد الزوق وقلت له نعم عاوز ايه هي مش اعطتك ولا اقل في ادبي علبك والبسك جناية دلوقتي؟ يقولي يا ابله الاتنين جنيه دول الي هيدخلوكي الجنه قلت له لو هدخل الجنه بسببك يا اخي مش عاوزاها وكلمه زيادة الشرطة والجيش واقفين اهم. رلح سايبني وماشي
ناس هتقولي انتي غلطانه لانه ممكن كان يعملك حاجة بس بصراحة انا زهقت يعني انا لو هركن 78 مرات في اليوم ادفعلي 30 جنيه بلطجة طيب اجيب منين الا لو نزلت اشتغلت معاهم بقي

جنيه ايه و 2 جنيه يا جماعه...الركنه ب 5 جنيه

اقتباس:

---

المشاركة الأصلية كتبت بواسطة yasser100

ساعة ما يقول لك ما تخفش على عربيتك يبقا كده خاف :)))))) . ما عليش هيه ظاهره زايده شويه بسبب الاحوال الاقتصاديه فى البلد . خدها بصدر رحب شويه هاتستريح . لو فكرت فيها بشكل تانى .اللى واقف ده مش لاقى شغل او عيل صغير و احلامهم بسيطه . انا وقفت و اتكلمت مع عيل منهم و كان كل حلمه يشترى عجله . لو طلعت جنيه او اتنين مش هايأثروا و لما الدنيا و البلد ها تتحرك ها تختفى ظواهر كتير و بدل ما يسرقوا او ينشلوا . الشرطه مش ها تعمل حاجه و اقل حاجه هاتقولها لك لو انت و غيرك ما تديش لهم حاجه هايختفوا و هو ما غلطش فى حاجه علشان نمسكهم

---

استاذي
كلام حضرتك مظبوظ في حالة إن الموضوع مش عافية وبلطجة... لما واحد تيجي تديله 2 جنيه ويزعق معاك ويقول لك: إيه يا عم 2 جنيه إيه دول... الركنة هنا بـ 5 جنيه على الرغم من أنه رصيف عام الدولة عملاه علشان تركن وتمشي عليه بحرية كاملة.. ويقعد يقل أدبه وطبعًا أنت بيبقى معاك أطفال مش عايز تبين أمامهم أن باباهم وصل لمستوى هذا البلطجي واتخانق معاه..

لازم الموضوع يبقى ليه حل من الحكومة... أنا عايز أمشي وأركن عربيتي من غير ما أعطل المرور.. وبرده من غير ما ألاقي أشكال وسخة تتطفل علي في كل شارع وفي كل زقاق وعند كل محل

حسبنا الله ونعم الوكيل

مصر اصبحت أم البلطجة والبلطجية بعد أن كانت أم الدنيا وستها كمان

ما اخذ بالقوه لا يسترد الا بالقوه

اللى انتو بتقولوا و ايه يعنى 2 جنيه دة غلبان .... غلباااااااااااان !!!!!!!

الغلبان دة بيكسب اكتر منى ومنك ومن كل اللى علقوا ... انا فى شارع جميلة بوحريد فاسكندرية اللى بينطوا فجأة يليطوا المراية والازاز لامم قدامى فى عشر دقايق اكتر من 15 جنيه يعنى فالمتوسط فالساعة 60 جنيه يعنى 8 ساعات شغل بس فاليوم 480 جنيه ... انت حضرتك بتاخد فاليوم 400 جنيه ؟؟ لا وكمان ازمر له واقفل الازاز يفضل واقف ويقولى انا لمعت وانت وذوقك ويفضل متنح و الواحد معاه ستات

الواحد بيدفع آه عشان يخلص لكن مناخدهاش على انها زكاة ولا صدقة دى لا زكاة ولا صدقة دى اتاوة وبندفعها عافية عشان نفدى عربياتنا
اللى بيقول بلغ الشرطة كنت لسة هرد بس انا شفت هو مين عرفت ليه بيقول كدة

اقتباس:

---

المشاركة الأصلية كتبت بواسطة m r. Z e c o

اي مكان فيه واحد منهم بلغ عنه بلطجة وسرقه باالكراه اه والله ..ده لو حسك مس هتديلو يهددك ان العربية تتخبط او تتخربش

---

ههههههههههههههههه
طيب خد عندك دى
الناس دى محتلين جميع الارصفه اللى فى كل الشوارع المحيطه بمرور السلام
و الركنه ب 5 جنيه حتى لو كنت حتدخل تسأل عن حاجه و تطلع على طول و الدفع و انتا بتركن العربيه علشان يضمن انك مش حتهرب منه
انا مره لما عملت نقل ملكيه و كانو مدينلى تصريح فروحت المرور بسأل بس ان كان الرخصه بتاعتى جت و لا لاء و الكلام ده كان السعه 7 الصبح
قولت اعمل نفسى ناصح و اركن ورا المرور قبله بشارعين
ركنت جنب الزباله و ماكنشى فيه حد فى الشارع خالص و انا لسه بقفل العربيه لاقيت واحده ست طلعلتى من تحت الارض و بتقولى الركنه ب 5 جنيه !!!!!!!! بقى انا راكن بعيد اصلا علشان اهرب منهم و برضه الاقيهم ؟؟
انا خايف بكره يحتلو الرصيف اللى تحت بيتي

أنا عن نفسي مش بديهم إلا لما أحس إنه عمل حاجة أو زقلي عربية أو أي مجهود ... غير كدة بعمل نفسي مش شايفه ... ولو بلطج بديله نص جنيه ... بس لو معايا المدام بديله الصراحة عشان قلة الأدب

ده كمان الحركة الزبالة بتاعة إنه يحط حاجة عشان لما تيجي تركن يقوم شايلهالك وكأنه يعني بيديك حتة أرضه

الناس اللى عايشه فى كوكب تانى
وبيقولك بلغ الشرطة ومصدقين ان احنا فى دولة القانون
ده رد الشرطة

[img3]http://img21.imageshack.us/img21/5835/uxxx.png[/img3]


http://www.nilemotors.net/Nile/411927-a.html

قابلنى واحد لسه من شويه وهبيت فيه ومدلتوش حاجه بس بصراحه كنت مستجمع قوايا ومركز عشان عارف انهم اشكال صعبه وبيتكالبوا على الواحد ساعه المشاكل

والله انا مبقتش حامل هم الزحمة وازعاج الطريق والحر
اكتر من اني الاقي ركنة لما اوصل