الموضوع: من فضللك لا تنزعج عندما تتعرض عربيتك الزيرو للأزى

المشاركة الأصلية كتبت بواسطة j a g u a r

الناس مبتراعيش حد

بالزبط يا فندم تحس ان كل واحد بيقوللك نفسى و خلاص

المشاركة الأصلية كتبت بواسطة ahmedelrayan

وهو ده اكتر حاجة بتخلينى ارفض انى اجيب زيرو انا كل لما ابيع عربية عشان اركب حاجة اعلى افضل اقول لنفسى اجيب زيرو بعد كدة على طووووووووووووووول افتكر ان لو حصل فيها حاجة هعمل حداد عليها فأرجع عن الفكرة على طول المشكلة بقى انى لما بجيب بجيب كسر زيرو فعمل ايه بقى ركنها معظم الوقت فى الجراج ومعظم خروجى بيها بيكون بالليل ولو مشوار بالنهار بروح بالموتوسيكل اريح عشان الزحمة والكلام ده والله المستعان

ياريت يا هندسة اعرف اعمل زيك و اجيب موتوسكيل هههههههه بس مش هاينفع عالعموم انا ما بصدق اسيبها و اتمشى احسن

المشاركة الأصلية كتبت بواسطة mohamed.hany

نزلت لقيت واحد ابن حلال خابطلي العربية و كاحتها من والها لاخرها و كاسر كف المرايا الشمال رغم اني محضنها كويس جدا و قافل المرايا و الشارع واسع جدا ، بس طلع ابن حلال و سابلي كف المرايا علي الكبوت .

قدر الله و ماشاء فعل

المشاركة الأصلية كتبت بواسطة youssef_u

العربية اتخبطت خبطتين واحده في الاكصدام ورا و واحده في الرفرف ورا يمين و كحته في الاكصدام اللي قدام تحت يمين و جنط سبور اتسرق و هي عامله ١٥ الف..

معلشى يا باشاا الحمد لله على كل حال بس خاول تركنها فى مكان منور

المشاركة الأصلية كتبت بواسطة mustafa_zain

بجد الصراحة منه لله صاحب الموضوع قلب علينا كلنا الموااااااااااااااااااااا ااااااااااااجع.
أنا آخر حاجة حصلت معايا، كنت واقف تحت عمارة على شارع رئيسي وزي ما تقول حد شغال محارة فوق. طبعا مش عايز أقولك إيه اللي حصل للعربية بس الحمد لله وقفت نضفتها وعدت على خير.

بس بجد من ضمن المشاكل اللي بواجها إني مش بحس قوي بسرعة العربية، وبما أن الفرامل الحمد لله كويسة فدا بيخلي اللي ورايا يدوس فرامل فجأة وكذا مرة حد كان حيلبس فيا.

من الآخر حكتين تلاتة وبعد كده نتعود، بس على الأقل ركبنا عربية محدش ركبها قبل كده.



؟

بقى يا هندسة بدل ما مثلا تقول كلمة شكر تقول منة لله عالعموم متشكر يا باشااا على مداخلتك

المشاركة الأصلية كتبت بواسطة speed_magnum

انت جيت عالجرح
خش على مواضيعي وانت تشوف معاناة الزيرو

افتكرتك يا هندسة مش حضرتك لما جبت العربية جديدة و كان فى خرابيش ظاهرة و روحت المركز بتاع ازالة الخدوش فى مدينة نصر و عكو الدنيا على فكرة انا مدخلتش على هواضيعك بس افتكرتك بعربيتك ربنا يكرمك و يعينك يا باشاا شكراااا على مروروك

المشاركة الأصلية كتبت بواسطة optiplex

بقى يا هندسة بدل ما مثلا تقول كلمة شكر تقول منة لله عالعموم متشكر يا باشااا على مداخلتك

أنا لم أقصد الإساءة... وأعتذر عن المداخلة...

وصدق الله إذ يقول {وَقُلْ لِعِبَادِي يَقُولُوا الَّتِي هِيَ أَحْسَنُ إِنَّ الشَّيْطَانَ يَنْـزَغُ بَيْنَهُمْ إِنَّ الشَّيْطَانَ كَانَ لِلإِنْسَانِ عَدُوًّا مُبِينًا}