السلام عليكم انا عامل ميزانية 100 الف عايز اجيب عربية جديدة اوتوماتيك مفيش قدامى بالسعر دا الا افو 2014 ومش عارف ليه الناس بتشتكى منها ونيو لوجان بس مش عارف في منها اوتوماتيك ولا لا؟؟ تنصحونى بايه لو سمحتم؟؟
عرض للطباعة
السلام عليكم انا عامل ميزانية 100 الف عايز اجيب عربية جديدة اوتوماتيك مفيش قدامى بالسعر دا الا افو 2014 ومش عارف ليه الناس بتشتكى منها ونيو لوجان بس مش عارف في منها اوتوماتيك ولا لا؟؟ تنصحونى بايه لو سمحتم؟؟
اللوجان افخم داخليا من الافيو و عربيه جديده كليا
تصدق انتا هتزعلني حد يقارن أفيو برينو لوجان الشكل الجديد ده يا راجل ولا شكل ولا أوبشن ولا أمان ولا أعتمادية الافيو اخرك تقارنها بالفيرنا بالانوس بالايموجراند لكن حرام تقارنها باللوجان واللوجان مش متوفر منها أوتوماتيك خالص قدامك مش أقل من سنتين علي ما تنزل الفئة الاتوماتيك وساعتها هتلاقيها معديه ال 110 الف
طيب ايه الحل انا عايز اوتوماتيك وحضراتكم بتقولوا اللوجان مفيش منها اوتوماتيك والافيو وحشة ايه الاختيارات التانية قدامى فى الفئة دى؟؟
هيه مشكلة بس انه اللوجان مش اتوماتيك . اعتقد انه هاينزلوا منها اوتوماتيك قريب بس هاتكون غاليه
طيب مفيش اختيارات تانية ممكن افكر فيها اوتوماتيك فى السعر دا
و الله فيه الايميجراند عامله شغل كويس بصراحه
في عربيات كتير تيجي بالسعر ده مش لازم تكون موديل السنة بس حالتها احلى من الزيرو
طيب ممكن اختيارات لحاجات ليها سمعة كويسة فى السوق ومفيهاش مشاكل وتكون اوتوماتيك
عندك النيسان صني و كيا بيكانتو
من دول يبقى نيو لوجان
لوجان بدون تفكير
التوكيل أكيد هينزلها
إسأل في التوكيل هتنزل إمتى
ـ
التوكيل يا جماعه قالي ان الاتوماتيك مش هتنزل قبل سنتين من دلوقتي لحد ما تنتشر الفئة الاوتو وكمان مش هيقل سعرها عن 120 الف الكلام ده اكيد هيكون بعد سنتين ان شاء الله من دلوقتي لكن علشان تجيب عربية اتوماتيك جديدة مش هتقل عن 120 الف معاك النيسان صني والاكسينت rb والشيفورلية الاوبترا الجديدة والافيو الجديدة ومنصحكش بيها ابدا
انا شكلى كدة هدور فى المستعمل
انا كنت في المصريه من فتره واتقالي ان هيبقي في منها اتوماتيك .. خليك فعلا في المستعمل 100 يجبلك حاجه نطيفه اوي وفئه اعلي كمان من دول
سيدي الفاضل اعتقد ان اللوجان افضل بكثير من الافيو وذلك للتاريخ الغير جيد عن الافيو السابقه ،
بالنسبه للمستعمل اعتقد افضل بالمبلغ الي مع حضرتك ....
كيا سيراتو ..2010 .. 2011@ لانسر بومه 2010 @ النترا الشيب القديم 2010 ...
خلي بالك بس علشان المستعمل بيبقي في الغالب مغامره وانتا وحظك وربنا يوقعك في عربية نضيفه لحسن النصب بقا للركب عندنا واكشف عليها في التوكيل قبل ما تدفع فيها جنيه علشان متقعش حتي لو مستعمله موديل 2014
ممكن بروتون ساجا ب 87000, عيبها انها مش منتشرة اوي
السلام عليكم
باشا ممكن البيجو 301 اوتوماتيك بـ124 ممكن تقسط ال 24 والقسط هيكون بسيط وربنا يوفقك للخير ان شاء الله.
نفس الحيرة و معاك
لوجان
اقلهم ضرا .. لوجان
تقريبا الاغلبيه بتؤيد شراء اللوجان
الف شكر ليكم وانا هدور فى المستعمل لان لوجان مفيهاش اوتو
طب فيه سانديرو اوتوماتيك زى اللوجان بس هاتش باك
أدعوك لإلقاء نظرة على السويفت الهاتش باك الجديدة بـ 98.900 واوتوماتيك وبها عوامل أمان كويسة ويوجد منها بشنطة ( ديزاير ) بـ 106.500
جميع المعلومات فى الموضوع ده
http://www.nilemotors.net/Nile/430665-2015.html
بالتوفيق ان شاء الله