الموضوع: طلب مقارنة بين اوكتافيا a4 و جين 2 و نوبيرا و صنى

المشاركة الأصلية كتبت بواسطة eng f3lix

ايييييييييييييييييوة

اغلب الاوروبي كدة متقلقش

ﻷ حضرتك غلطان ومش راضي تصدق انها اعتمادية اية الي عرفتو عنها خلاك تقول انها اعتمادية

المشاركة الأصلية كتبت بواسطة hitmangate

ياجماعه حراااام اللي بتقولوه على الاوكتافيا الاوكتافيا قطع غيارها رخيصة جدا ومش غاليه وماتقرنوهاش مع كوري لأنها أفضل منهم مع احترامي للكوري اللي عاوز يقارن قطع غيارها قارنها ب الانسر البوما هتلاقي قطع غيار الa4 أرخص جديد واستيراد اذا كان انا معايا باسات موديل 2000 والباسات فخمه عن ال الاوكتافيا وقطع غيارها أرخص من البوما والصني فما بالك من الاوكتافيا a4 ثانيا ال a5 قطع غيارها 3 أضعاف a4 في السعر غير أن النوبيرا عربيه كويسه بس لو قارنت ب الاوكتافيا هتلاقي اللي هتجيبه في النوبيرا بجنيه هتجيبه في الاوكتافيا بجنيه ونص مع فرق فتره تغيير قطعه الغيار وللأسف فيه عربيات بيطلع عليها سمعه أن حاجتها غاليه وهي مش كده خالص يعني كل ماحد يشوف معايا الباسات يقوللي ربنا يعينك عليها وعلى قطع غيارها وانا عمال اضحك لأن واحد صاحبي معاه بومه بيجيب قطع غياره استيراد ضعف تمن نفس القطعة عندي في الباسات فبقول لصاحب الموضوع صلى استخارة وتوكل على الله وأنزل بنفسك أسأل على قطع الغيار علشان تطمن وربنا يوفقك للاصلح

قولهوم يا باشا

المشاركة الأصلية كتبت بواسطة BlueNova

تحيه للراجل اللي قال اوبترا ..

الاوكتافيا والجين تو قطع غيار غاليه او نادره اصلا
الصني استهلاك بنزين عالي وفيها شويه مشاكل زي الحدفه ومشاكل التقفيل المصري
النوبيرا معايا بس فيها مشكله العفشه

الاوبترا .. قطع غيار رخيصه زي النوبيرا
استهلاك بنزين متوسط زي النوبيرا برده
اعاده بيع كويسه
ثبات كويس
مفيش مشاكل في العفشه
الاوبترا والنوبيرا اخوات شويه علي فكره

اوﻷ اية الي خلي حضرتك تقول نادرة وغالية دورت علي حاجة لقيتها غالية او مش موجودة
كل الي انت قولتو صح فعلا بس عوامل امان
مفيش ايمبوليزر - abs - airbags
ممكن تقولي موتور الاوبترا بكام قولي علي قطعة غيار انت جبتها بكام ونقارنها بالاوكتفيا
التيل في الاوكتفيا ..400 جنية جديد
طنابير جديدة 500 جنية
استيراد .. 500 جنية الاتنين مع بعض
موتور كامل بالفتيس والتكييف ةادوات التغذية 7000 جنية ودي اول كلمة
قارنلي بقي

المشاركة الأصلية كتبت بواسطة omaranes77

ﻷ حضرتك غلطان ومش راضي تصدق انها اعتمادية اية الي عرفتو عنها خلاك تقول انها اعتمادية

ايوة فعلا انا غلطان

ربنا يباركلك في عربيتك ومتحتجش تغير حاجة

المشاركة الأصلية كتبت بواسطة hitmangate

ياجماعه حراااام اللي بتقولوه على الاوكتافيا الاوكتافيا قطع غيارها رخيصة جدا ومش غاليه وماتقرنوهاش مع كوري لأنها أفضل منهم مع احترامي للكوري اللي عاوز يقارن قطع غيارها قارنها ب الانسر البوما هتلاقي قطع غيار الa4 أرخص جديد واستيراد اذا كان انا معايا باسات موديل 2000 والباسات فخمه عن ال الاوكتافيا وقطع غيارها أرخص من البوما والصني فما بالك من الاوكتافيا a4 ثانيا ال a5 قطع غيارها 3 أضعاف a4 في السعر غير أن النوبيرا عربيه كويسه بس لو قارنت ب الاوكتافيا هتلاقي اللي هتجيبه في النوبيرا بجنيه هتجيبه في الاوكتافيا بجنيه ونص مع فرق فتره تغيير قطعه الغيار وللأسف فيه عربيات بيطلع عليها سمعه أن حاجتها غاليه وهي مش كده خالص يعني كل ماحد يشوف معايا الباسات يقوللي ربنا يعينك عليها وعلى قطع غيارها وانا عمال اضحك لأن واحد صاحبي معاه بومه بيجيب قطع غياره استيراد ضعف تمن نفس القطعة عندي في الباسات فبقول لصاحب الموضوع صلى استخارة وتوكل على الله وأنزل بنفسك أسأل على قطع الغيار علشان تطمن وربنا يوفقك للاصلح

قطع غيار الفولكس فاجن والسيات والاودي ارخص بكتير من الa4

وعلى فكرة مفيش ادنى مقارنة في الاداء والامان والثبات والصاج والتقفيل بين السكودا والصني او النوبيرا

المشاركة الأصلية كتبت بواسطة eng f3lix

قطع غيار الفولكس فاجن والسيات والاودي ارخص بكتير من الa4

وعلى فكرة مفيش ادنى مقارنة في الاداء والامان والثبات والصاج والتقفيل بين السكودا والصني او النوبيرا

حرام يا باشا انت كفرتني
اودي اية وفولكس اية الي ارخص من a4
قريبين جدا ويمكن الفولكس اغلي
والاودي اكيد اغلي حرام