اقتباس:
المشاركة الأصلية كتبت بواسطة ahmed_m_ashraf
أولا: شكرا على المجهود الرائع المبذول في المقارنة والمعلومات الدقيقة بالنسبة لتاريخ العربيتين.
شكراً علي مرورك الطيب وتقديرك المجهود
اقتباس:
ثانيا: هو الموضوع ده مش المفروض مكانه الأفضل قسم المقارنات ولا أنا غلطان؟
الموضوع دة او غيره ليهم معايا قصة ودورة حياة تبدأ من أقسام السيارات وتنتهي في قسم المقارنات
وان شاء الله سيتم نقله من قسم تويوتا إلي قسم المقارنات قريباً جداً
اقتباس:
ثالثا: أنا أعتبر نفسي بطل إني تقريبا قريت كل التعليقات لحد الصفحة ٨ ومقردتش أكمل بصراحة وكنت قربت أنسى موضوع المقارنة الأساسي :)
شكراً علي متابعتك
اقتباس:
رابعا: من قرائتي للتعليقات علق فذهني كام تعقيب أوتعليق على كام معلومة أو حاجة ذكرت بشكل عام ...
- تم ذكر الفيرنا في أكثر من موقع .. كإعتمادية طبعا الفيرنا إعتماذية كصيانة وأسعار قطع غيار بس هل معنى كده إني أحطها ف مقارنه من كورولا أو أي سيارة في فئتها؟ أعتقد صعب. إيه المانع إن تكون العربية إعتمادية وفنفس الوقت مريحة وفخمة وآمنه بشكل ما. يعني لو هنقول الكورولا إعتمادية ما الفيرنا إعتمادية كمان .. هل ينفع نقول التوليدو أو الإبيزا تكنولوجيا وأوبشنز ما الصيني مليان أوبشنز وتكنولوجيا؟؟ أكيد لأ طبعا مش كده .. مش كده ولا إيه؟
الصراحة اختلف مع حضرتك
لأن الأعتمادية تعتبر أساس للمقارنة وبالتالي يمكن مقارنة اي سيارتين في الدنيا من حيث الأعتمادية
لكن طبعاً اتفق معك لو هتقارن بوجه عام
وحتي المقارنة بوجه عام لابد لها ايضاً من اساس للمقارنة
كما هو الحال في موضوعي هذا
اتخذت الشريحة السعرية اساس للمقارنة وعليه تمت مقارنة اعلي فئة توليدو بثاني فئة كورولا
اقتباس:
- تاني بالنسبة للفيرنا ومقارنتها بالكوروال فأعلى نسبة مبيعات .. أكيد حضراتكو عارفين إن الفيرنا مبيعاتها الأعلى دي ف مصر لكن تويوتا على مستوى العالم. تويوتا مفضلة في بلدان كتير تقريبا في كل قارات العالم مش عندنا بس يعني الموضوع مش متعلق بثقافة المصررين بس.
- عتاب رقيق مني لإخواتي في المنتدى .. كل واحد ليه ذوقة في العربيات وكل واحد جايب عربية فرحان بيها ودافع فيها تعبه وشقاه .. المقارنة شئ جميل ومفيد بس لإن كل واحد ليه ذوقة فممكن تكون المقارنة فيها تحيز أو تعصب بشكل ما لطرف على حساب الآخر .. ولو إن المفروض ده ميحصلش وتكون الحيادية هي الأساس .. لكن وارد ولو بشكل طفيف. لما ده يحصل ويكون كاتب المقارنة حاططها في القسم إللي المفروض إنه الطرف الآخر في المافسة دي أول حاجة بتفتح باب الشيطان في التعليقات .. عشان كده كنت بقول موضوع عاملة منسق قسم السيات كان الأفضل يكون مكان المقارنة قسم المقارنات .. أو حتى قسم سيات! .. ولا أنا غلطان؟ ولا أقصد إن مهندس محمد سيد كان متعصب أو غير محايد في تقريره أو شئ من هذا القبيل لكن بصفته منسق قسم السيات وعامل مقارنة بين عربية سيات وعربية تويوتا في قسم التويوتا ومش عاملها في قسم المقارنات ولا حتى السيات + بصراحة فيه إغفال لبعض نقاط بالنسبة للأوبشنز في آخر المقارنة بالنسبة للكورولا (إللي وضحها بعد كده أستاذ ممحمد هاني) ممكن يدي إيحاء إن المقارنة مقصود منها إستفزاز حتى ولو لم يكن مقصود .. زي مقال أستاذ محمد هاني الكلام بيكون غير محمل بالمشاعر فممكن يتفهم على أكثر من محمل ويستفز ناس معاها عربياتها ومبسوطة بيها. أرجو تتقبلو كلامي بصدر رحب وإعتباره عتاب بناء وكلامي ينطبق على أي مقارنة مش التوليدو والكورولا بالتحديد.
اولا كما ذكرت لحضرتك عن سبب وجود الموضوع في قسم تويوتا وعدم وجوده في قسم المقارنات او قسم سيات بسبب ان الموضوع له دورة حياة تبدأ في الأقسام المتخصصة للسيارات محل المقارنة وتنتهي دورة حياته في قسم المقارنات كمرجعية للموضوع
واغفال بعض النقاط فدة له سبب وهو ان مصدري في المقارنة هو البروشور الخاص بكل سيارة وبالتالي فأنا اذكر ماهو مكتوب ولا اذكر مالم يتم ذكره وهذا من باب الحياد حتي لو اعلم ان ما لم يذكر موجود بالفعل في السيارة
اقتباس:
- إللي غاوي الأوروبي ده ذوقة .. وإللي غاوي ياباني برضة ده ذوقة وفي إللي غاوي أمريكاني وإللي غاوي كوري. مش معناها إن حد أحسن من حد. عشان بس ساعات بحس إن الكلام عن الأوروبي وكل ماهو دون ذلك كأن إللي غاوي ياباني مثلا عنده مشكلة فذوقة أو غلبان ومضحوك عليه .. دي برضة ممكن تستفز ناس كتير وبتعمل حزازات وحده في الردود. كل حاجة من دول ليها طعم وليها ميزاتها وعيوبها وليها إللي غاويها. فيه واحد ميفرقش معاه التكنولوجيا إللي ف العربية وحتى لو موجودة ممكن ميستخدمهاش بس عربيتة مريحاه إن أعطالها قليلة .. ممكن تقعد معاه ٥ سنين وأكتر ميحطش إيده فيها غير الصيانات الدورية .. أسلوب حياتة محتاج كده مش كل شوية مثلا سنسور إيه هيس عايز ينظف .. سولينويد إيه ضرب عايز يتغير .. قطعة الغيار دي مش موجوده هنبعت نجيبها من ألمانيا وهتاخد ٣شهور عشان توصل ...إلخ وفيه واحد ميفرقش معاه الكلام ده كله ومبسوط بذوقة في الأوروبي .. وهكذا.
كلام سليم 100%
بالتأكيد كل منا له ذوق خاص بيه
وانا شخصياً في المقارنة سواء هنا او اي موضوع اخر لم اقصد تماماً اقناعك بسيارة معينة ولكن في هذا الموضوع كان محور حديثي انا شخصياً عن التوليدو سواء موديل 2014 او الموديلات الأوائل منها وهذا للتعريف بها لا اكثر
اقتباس:
أرجو كلامي يوصل ليكم بالشكل إللي أنا أقصده .. مجرد عتاب ونصيحة .. محدش يفتكرني بقول لحد يقول إيه وميقولش إيه .. أنا عارف إنكم قدوة بس أتمنى كل واحد فيكم يراجع التعقليقات بتاعت الموضوع ده بعد كام يوم كده وقولولي إيه الفايدة من المناقشة والجدل إللي حصل .. بالعكس ضيع طعم المقارنة الجميلة إللي ف الأول وساب إنطباع سلبي.
تحياتي للجميع وآسف عالإطالة.
تحياتي لشخصكم الكريم
وشكراً علي مرورك الطيب