حد بيحلق ب ماكينة الحلاقة Cruzer 6

الموضوع ببساطة انا بشرتي حساسة وكنت بحلق ب فيوجن باور بقالي سنين تخللها مره اشتريت فيليبس اللي 3 شفرات دائرية دي وكانت ممله جدا ومبتحلقش كويس وبتعملي حبوب ف رجعت للفيوجن تاني وزهقت بردو منها للأسف ف قررت اشتري كروزر 6 خصوصا ان الناس بتشكر فيها للبشرة الحساسة

جبتها امبارح وحلقت بيها انهاردة بس نفس اعراض الفيليبس ظهرت !! وشي احمر جدا وبدأت الحبوب تظهر اهي ووبطيئة جدا بروح واجي كتير عشان تحلق وبردو مبتحلقش كويس بيبقي في شعر كتير مش عايزه تجيبه !!! ده غير انها مابتنعمشش زي فيوجن لو اتشقلبت ... ف هل ده معايا بس ولا كله كده !!
وهل الحلاقة عكس نمو الشعر صح ولا غلط ؟؟ وهل ممكن احلق وانا باخد دش تكون العملية الطف شوية ؟؟

ماكينه سيئه كنت بقعد احلق بيها بالنص ساعة لحد ماتخلص شحن وبرضه مبتحلقش كويس
وكانت بتعملى حبوب زيك واحمرار وتهيج فالجلد

الناس بتقولي هي لازم في الاول كده !!! بس انا عندي بأفورة جامد ورخمة فعلا في الحلاقة مبتحلقش كويس

فئة الكروزر في براون مش حلوة
عندك series 7 دي رهيبه
وفي كمان braun cool tech ودي معايا وحلوة
..
عموما الماكينات الكهربه مقرفه شويه في اول استخدامها لحد ما تاخد عليها ..
..
بس هقلك على حاجه ممكن تهدي الحبوب والتهيج اللي عندك
انت قبل ما تحلق تحط عل دقنك بودرة تلك ...
او طريقه تانيه انك ترغي دقنك عادي اكنك هتحلق بموس وتحلقها بالكروزر
بس لو هترغيها لازم تكون قصيرة يعني عدي عليها يومين بس

بالنسبة لبودرة التلك احطها قبلها وواحلق وهي لسه علي دقني ؟
وبالنسبة للرغاوي قصدك الفوم ؟ احط الفوم واحلق بالمكنة عادي ؟

??????

جربت احلق بالفوم والنتجية هي هي !!!

اه قصدي فوم
وبودرة التلك بتحطها قبل الحلاقه اه
والنتيجه هي هي دي بقى ما اقدرش افيدك فيها
انا قلتلك على اللي انا بعمله وريحني

بص عن تجربة بعد الحلاقة حط مضاد حيوى عشان الحبوب انا كان عندى نفس مشكلتك بس جبت مرهم اسمه فيسودين الانبوبه ب 10 جنيه تقريباً وهو نوعين نوع مرهم شفاف كده ونوع تاني زى الكريم انا كنت بجيب الكريم وبحطه بعد الحلاقة واغسل وشى بعد ربع ساعة ومكنش بيطلعلى حبوب :) و على فكره انا بستخدم براون كروزر 5 وجميلة جداً معايا ومع بشرتى الحساسه

cruzer 6 اية بس يا راجل يا طيب في مكنة اسمها wahl super taper دية ممتازة امريكي الصناعة و التقفيل انا كان عندي الcruzer كانت (زبالة) اما wahl من الخليج و مش هتلاقيها غير في بورسعيد

انا بقي مش بحلق غير بالاسلوب القديم المكنة ام موس ووارثها عن ابويا وشغالة معايا الحمد لله كويسة جدا ومتعود عليها ومش قادر استخدم حاجة تانية غيرها

هل يصلح استخدام الماكينات الكهربائية لمن استخدم الموس من قبل؟

انا كنت بحلق بالموس عادى جبت من كام سنة ماكينة فيليبس اللى بتلات دواير وكانت غالية وقتها برضو عملتلى حبوب ومكانتش بتحلق كل الشعر واديها مركونة ورجعت احلق بالموس..بصراحة انا بعتبر موضوع الماكينة الكهربا دا فاشل سواء غالية او رخيصة

اقتباس:

---

المشاركة الأصلية كتبت بواسطة abdelrahmaaan

انا كنت بحلق بالموس عادى جبت من كام سنة ماكينة فيليبس اللى بتلات دواير وكانت غالية وقتها برضو عملتلى حبوب ومكانتش بتحلق كل الشعر واديها مركونة ورجعت احلق بالموس..بصراحة انا بعتبر موضوع الماكينة الكهربا دا فاشل سواء غالية او رخيصة

---

متفق معاك والدليل لما بتروح عند اي حلاق مش بيستخدم غير الموس العادي اللي احنا بنحلق بيه:b4_039: