انا والعذاب والعفشة

السلام عليكم ورحمه الله وبركاته
بصراحة انا تعبت من العفشة
بعد ما غيرت اغلب العفشة ورحت لبورسعيد عند متخصصين فيها طبعا وغيرت مقصات فوق وتحت وغيرت صليبة الدركسيون بالعمود
وانا راجع في الطريق فواصل الكباري اللي علي الطريق الدولي الله يلعنها رحلت لي العجلة اللي نحية الدركسيون
ودلوقتي بعد ما رحت اظبط زوايا لان العربية بتحدف جامد مني شمال
فيه فردة مأخرة عن التانية
وفيه صوت طقطقة ناحية الفردة اليمين لما باخد ملف علي السرعة البطيئة
والطارة بتتهز جامد
الفردة اللي ورا عاوزة زرجينه اعملها ولا لالان فردة ضمة لجوة والتانية عادية
اعمل اللي ورا ولا اسيبها كده وهل ليها ضرر لو سبتها هو بتاع ظبط الزوايا بيقولي هتاكل منك كاوتش بس
طيب وصوت الطقطقة ده من ايه
هل لان الفردة ماخرة عن التانية
وهل تغيير العمود يخلي الطارة ترعش معايا
القواعد كلها سليمة
انا لسه معملتش تاخير الفردة ده لان عاوز يوم عند السمكري
افيدوني لاني زهقت من ام العفشة

اية ياعم دة كلة

شوف دلوقتى لازم وضرورى جداا انك تعمل زرجنية عشان ترجع العجلة المأخرة دية , لان دية هتفركلك الكوبلن عاجلا

دة غير طبعا عومان , وتقل فى الباور وفى النهاية ممكن تؤدى الى تلف كرونة الفتيس

الحق من دلوقتى , لان واضح ان التأخير زيادة عن 1.5 سم

وخلى بالك كويس ماتمشيش بالعربية غير وانت طالع على السمكرى

بالنسبة للعجلة الخلفية , لازم طبعا وشوف سبب اختلاف زوايا ال camber بتاعتها اية و لان ممكن يكون سبب فى وجود عوجة بالمقص , او بالقنطرة الخلفية

انت لو غيرت الاكس الامامى , وانت بتقول الطارة بترعش جامد , غالبا ممكن تكون جيبتة اطول شوية من الاصلى و ودة طبعا خلى الاكس مافيش فية نسبة البوش المسموح بيها للحركة فيعمل معاك تذنيدة فى العربية وانت ماشى وخصوصا فوق سرعة 40 كم

كل دة لازم يتراجع علية ضرورى جدااااااااااااااا

سامح موسوعة :)

طبب لو عوجه في المقص اللي ورا او القنطرة الخلفية سمكري شاطر يعملهم وهتاخد كام يوم انا بصراحة العفشجي خوفني من الفردة الي ورا دي وقالي مفهاش مشكلة وكبيرها هتاكل كاوتش منك

عوجة فى المقص هيتغير , مافيش مقص بيتم استعدالة

القنطرة , نفس الكلام لو عرف السمكرى يظبطها , بتتعمل بس مابترجعش نمرة واحد

فالافضل انك تجيب دنجل خلفى افضل

وبردة السمكرى هينزل يشوف الدنيا فية اية واللى يقولك علية كلمنى قبل مايعمل اى حاجة

وبعدين هتاكل كاوتش دية معناها ان الفردة ماشية غلط , يعنى عومان + فرامل غير مظبوطة + وكمان تكلفة فردة كاوتش بتمنها كنت خلصت الموضوع دة

اقتباس:

---

المشاركة الأصلية كتبت بواسطة sameh_fouad

عوجة فى المقص هيتغير , مافيش مقص بيتم استعدالة

القنطرة , نفس الكلام لو عرف السمكرى يظبطها , بتتعمل بس مابترجعش نمرة واحد

فالافضل انك تجيب دنجل خلفى افضل

وبردة السمكرى هينزل يشوف الدنيا فية اية واللى يقولك علية كلمنى قبل مايعمل اى حاجة

وبعدين هتاكل كاوتش دية معناها ان الفردة ماشية غلط , يعنى عومان + فرامل غير مظبوطة + وكمان تكلفة فردة كاوتش بتمنها كنت خلصت الموضوع دة

---

الدنجل اللي ورا ده بيعمل كام والمقص بيعمل كام
ومعلش يا سامح هو انا لو جبت العمود بتاع الدركسيون اقصر من اللي كان راكب فيها مشكلة ولا عادي
ومين اللي يركب الدنجل العفشجي ولا حد تاني

الدنجل بيعمل 500 جنية

والمقص بالجلبة 300 جنية


واكس الكبالن , لازم يكون بتاع العربية عشان لو اقل هتلاقى الكوبلن خرج من مكانة مع اى مطب جامد او وانت بتكسر الدركسيون على الاخر , والعربية مش هتبقى مظبوطة , هتكون معومة

يعنى لازم تجيب اكس العربية الاصلى , وهتركبة المفروض يكون فية نفسة بوش لا تزيد عن 5 ملى

السمكرى اللى هيركب الدنجل , والعفشة الميكانيكى بتاع الهوندا

اقتباس:

---

المشاركة الأصلية كتبت بواسطة sameh_fouad

الدنجل بيعمل 500 جنية

والمقص بالجلبة 300 جنية


واكس الكبالن , لازم يكون بتاع العربية عشان لو اقل هتلاقى الكوبلن خرج من مكانة مع اى مطب جامد او وانت بتكسر الدركسيون على الاخر , والعربية مش هتبقى مظبوطة , هتكون معومة

يعنى لازم تجيب اكس العربية الاصلى , وهتركبة المفروض يكون فية نفسة بوش لا تزيد عن 5 ملى

السمكرى اللى هيركب الدنجل , والعفشة الميكانيكى بتاع الهوندا

---

الف شكر يا سامح علي مجهودك معايا
الحمد لله العربية كله تمام بس فيه حدفه وبتاع الزوايا ظبط بس قالي روح غير الكاوتش وانقل اليمين شمال والعكس لقيت الحدفة اتنقلت لما غيرت الفرد بدل ما كانت بتحدف شمال بقت يمين
مع العلم ان الكاوتش كان جديد وسرعات بس الحمد الله فرجعت له تاني قالي يبقي كده عيب كاوتش
وقالي عاوز شداد ورا واحد ( هو عامل كام الواحد ) ولو مجبتوش دلوقتي فيه مشكلة
الحاجة الاخيرة ان الحمد لله مطلعش الصوت وانا بلف صوت كبالن كل تمام والحمد لله طلع صوت الكارتيرات بتحف في الفردة وعملتها ضاع الصوت
كل اللي محتاجه شداد ورا وبس وبعدين هبقي اجيب فردتين كاوتش ان شاء الله
الف شكر ليك وربنا يكرمك

يا رجالة يا ريت اسم وتليفون العفشجى عشان انا عندى العفشة مش مضبطه وعايز اظبطها

شداد الخلفى لو هو سليم وكويس , هات 4 جلب اصلية ب 280 جنية , وركبهم وكدة الشداد رجع جديد

لو عايز استيراد الاتنين ب 250 جنية

اقتباس:

---

المشاركة الأصلية كتبت بواسطة ahmedabeed

يا رجالة يا ريت اسم وتليفون العفشجى عشان انا عندى العفشة مش مضبطه وعايز اظبطها

---

احنا بنتعامل مع ميكانيكى ( هو اللى بيعمل الميكانيكا والعفشة )

ممكن تروح لمحمد على هو اللى بيشتغل فى السيتى كويس

اقتباس:

---

المشاركة الأصلية كتبت بواسطة SAMEH_FOUAD

احنا بنتعامل مع ميكانيكى ( هو اللى بيعمل الميكانيكا والعفشة )

ممكن تروح لمحمد على هو اللى بيشتغل فى السيتى كويس

---

ياباشا ما كنت بتعامل مع محمد على لغيت مالعيال اللى عنده ركبوا الكبالن غلط عندى وبوظولى الدنيا والكوبلن ملس ونزل زيت الفتيس كله ووالحمد لله الفتيس مجرولوش حاجة ولبست انا الكبالن وزيت فتيس وقطعولى خطوم زيت الفرامل كمان :_Alshmokh08[1]: ده غير العربية اللى وقفت فى الشارع :120105~352: ومن سعتها وانا قاطع مع الورشة هناك يايريت عفشجى كويس وانا الماكنة عندى VTEC 1500 زى اللى فى ال سيفك 96 يعنى مش اختراع :E_braces[1]:
قولولى بس على صنيعى كويس تانى ويكون حنين يعنى بلاش عدلى ولا عصام :_Alshmokh22[1]:

طيب انا بتعامل مع جاسم , كويس جدااااااا وراجل محترم جداا فى كل حاجة

بس اهم حاجة ماتخليهوش هو اللى يشترى اى حاجة , انت اللى تشترى كل حاجاتك بنفسك خصوصا لو استيراد , عشان لو نزل هو هتلاقية جايبلك حاجات بأسعار عالية عن برة لان التجار اللى بيتعامل معهاهم مغليين الحاجة

وهو فى الحرفيين عند موقف السوبر جيت

ودة رقمة 01009129005 جاسم

وانت هناك كلمنى بعد مايكشف على العربية ويقولك فيها اية و انا هظبطلك المصنعية وكل حاجة