الموضوع: حماية الزجاج - البرابريز- من الظلط و النقر على الطريق

المشاركة الأصلية كتبت بواسطة ahmedelrayan

بص يا جماعة انا عايز اوضح شوية حاجات على الزجاج الامامى (البرابريز) بما انى لما كنت شغال فى توكيل منصور شفروليه اتحولت من ادارى الى فنى تركيب زجاج سيارات بسبب انهم وجدوا انى موهوب فى المهنة دى هههههههه المهم اولا الرمل اللى بيكون على الدائرى او الطرق الصحراوية ده بيسبب زى نخمشة كدة فى الزجاج ومع الوقت بتحس ان الشمس او لو حد ضرب نور فى وشك مش بتشوف وده ملوش اى حل كان يقال ان فى حاجة اسمها لبادة كدة بتعمل الموضوع ده لكن فاشلة ثانيا النقر اللى بتيجى فى الزجاج من الزلط دى انصح اى حد يحصل فى الزجاج بتاعه كدة يروح لاى حد بتاع لحام شروخ الزجاج لان ساعات النقرة دى بتعمل شروخ صغيرة بتكبر مع الوقت مما تؤدى الى ضرورة تغيير الزجاج وكمان عشان كل ما تتأخر فى معالجة النقرة او الشرخ بيؤدى الى تكون اتربة داخل الشرخ مما يعوق دخول المادة التى تلحم الزجاج واخيرا موضوع السرطان السرطان استحالة يحدث فى الزجاج الامامى التربلكس السكوريت بس هو الذى يحدث له سرطان طيب نعرف ازاى اذا كان الزجاج الامامى بتاعى تربلكس مش سكوريت هقولك معظم العربيات الجديدة لازم ينزل تربلكس واستحاااااااااااااااااااا لة ينزل سكوريت حتى لو صاحبها استرخص وحب لو اتكسر يركب سكوريت مفيش منه اصلا اما العربيات القديمة والعربيات الشعبية مثلا مثل اللانوس والفيرنا والشاهين واللى اقدم من كدة فيه بيتباع منه سكوريت طيب بردو مقولتش اعرفهم ازاى الزجاج التربلكس دايما بتلاقى فيه شمسية من فوق او حتة كدة لونها اخضر او ازرق وفى موديلات معينة مثل اللانسر البومة والصنى بتلاقى الزجاج كله اخضر بسيط انما السكوريت لازم يكون كله ابيض مفيش فى شمسية نهائى لان الشمسية دى بتكون موجودة فى الطبقة البلاستيك اللى موجودة فى التربلكس والتربلكس مهما بلغت عدد الشروخ اللى فيه عمره ما يسبب خطورة على السائق انما السكوريت لا يشرخ بيتكسر على طول ويؤدى الى انعدام الرؤية فى حالة كسره وارجوا ان اكون اوضحت

كلام جميل ...طب معندكش وصفه للموضوع دا

فيه شركة كانت هنا في المنتدى اسمها autospa في المعادي جنب مودرن أكاديمي اللي جوة المعادي
كان عندهم عازل حراري وكمان حماية للزجاج ضد الكسر

المشاركة الأصلية كتبت بواسطة Fadi Ezzat

لأ مش سرطان لانة شرخ واحد
بس من اول الازاز لاخرة

اقلك السبب ... العربية مركونة في الشمس صح؟ الصهد اللي بيتكون داخل العربية من الشمس بيؤدي ان لو حد سند علي الزجاج ولا كرة قدم خبطت في الزجاج مثلا او حتي من غير ماحد يسند يؤدي ان الازاز يشرخ كده حصلت معايا زجاج فابريكة بتاع saint gobain مصنع الزجاج العالمي...الحل من وجهة نظري متركنش العربية وتبيتها ف الشمس وممكن تجيب الجهاز اللي بيركب علي باب السواق اللي فيه مروحة صغيرة بتسحب الهوا السخن بره العربية