مساعدة في شراء جراند بونتو 2007-2008 يا شباب
السلام عليكم و رحمة الله و بركاته
أخر حاجة كنت ممكن أفكر فيها إني أشتري فيات
بس نظرا لظروف البلد و الأسعار الجنونية اللي لا تعكس إمكانيات العربيات
(نزلت سوق السيارات و لقيت الناس بتبيع العربيات مستعملة بنفس سعرها زيرو في سنة موديلها)
المهم أنا بعت عربيتي الكورولا 2007 كاملة و اللي فاضل منها 65 ألف جنيه (ممكن يوصلو 70 بالعافية)
و طبعا السعر دا ولا طايل سما ولا طايل أرض
و بعد بحث و فحص و محص لمده شهر لم أجد سيارة سعرها كويس مقابل قيمتها غير الفيات جراند بونتو 2007 أو 2008 أوتوماتيك -أنا بدور على أوتوماتيك)
بس أنا عمري ما جربتها ولا أعرف حد راكبها
فـ قولت مفيش غير رجالة نايل موتورز اللي هيساعدوني في القرار ده
يا ريت يا رجالة اللي معاه أو كانت معاه العربية دي يقولي رأيه فيها و ميبخلش عليا في الرأي لأني محتار جدا و في نفس الوقت مستعجل فى الشراء