مساعدة في شراء جراند بونتو 2007-2008 يا شباب

**mmkhattab** · 09-06-2014 10:41 AM

السلام عليكم و رحمة الله و بركاته
أخر حاجة كنت ممكن أفكر فيها إني أشتري فيات
بس نظرا لظروف البلد و الأسعار الجنونية اللي لا تعكس إمكانيات العربيات
(نزلت سوق السيارات و لقيت الناس بتبيع العربيات مستعملة بنفس سعرها زيرو في سنة موديلها)
المهم أنا بعت عربيتي الكورولا 2007 كاملة و اللي فاضل منها 65 ألف جنيه (ممكن يوصلو 70 بالعافية)
و طبعا السعر دا ولا طايل سما ولا طايل أرض
و بعد بحث و فحص و محص لمده شهر لم أجد سيارة سعرها كويس مقابل قيمتها غير الفيات جراند بونتو 2007 أو 2008 أوتوماتيك -أنا بدور على أوتوماتيك)

بس أنا عمري ما جربتها ولا أعرف حد راكبها
فـ قولت مفيش غير رجالة نايل موتورز اللي هيساعدوني في القرار ده
يا ريت يا رجالة اللي معاه أو كانت معاه العربية دي يقولي رأيه فيها و ميبخلش عليا في الرأي لأني محتار جدا و في نفس الوقت مستعجل فى الشراء

**MuhamedNabil** · 09-06-2014 09:09 PM

لو ناوى تغير بعديين يبقى خليك فى سيراتو برده 2007-8 او لانسر لان الجراند بونتو عربية تقيلة فى بيعها و الصينات بتعتها بدون وكيل يسندك فى حاجة تقيلة.
و لو مش حابب كورى ممكن ببيجو او رينو على الاقل عربية عيوبها معروفة و توكباتهت كويسة الى حدا ما و بيعها برده اسهل من الفيات

**mmkhattab** · 10-06-2014 09:28 AM

المشاركة الأصلية كتبت بواسطة muhamednabil

لو ناوى تغير بعديين يبقى خليك فى سيراتو برده 2007-8 او لانسر لان الجراند بونتو عربية تقيلة فى بيعها و الصينات بتعتها بدون وكيل يسندك فى حاجة تقيلة.
و لو مش حابب كورى ممكن ببيجو او رينو على الاقل عربية عيوبها معروفة و توكباتهت كويسة الى حدا ما و بيعها برده اسهل من الفيات

شكرا يا باشا على الرد
بس السعر دا يجيب عربية من دول حالتها كويسه ؟؟
انا فكرت في مازدا 3 2006 2007 بس ربنا ما يوريك حالتهم عامله إزاى .. تحس إن العربيات دي بتمشى فى جبال و عالحيط - حالة العربيات سيئة جدا جدا