ملاحظتين فى فلونس facelift 2014

**طارق _عبد السلام** · 14-06-2014 03:29 PM

ممكن من فضلكم اعرف اسعار الفلوانس الخليجى
انا اتفرجت على عربيه 2013 كانت ممتازه جدا بس ماشيه 42 الف بس كانت حاله ومع تاجر وحسيت ان سعرها مرتفع فبفكر فى الزيرو منها الخليجى اكيد اقل من الوكيل

ممكن اعرف اسعارها وفئاتها ورأيكم فى العربيه هى عجبانى جدا وحاسسها قريبه من الفانتازيا لكن حضراتكم تعرفون اكثر لانكم مجربينها واسف لصاحب الموضوع على المشاركه خارج السياق

**طارق _عبد السلام** · 15-06-2014 05:18 PM

المشاركة الأصلية كتبت بواسطة zangry

الخليجي شكلها بيكون مختلف من ادام الجزء بتاع الشبكة ده وطبعا الاكصدام كمان وده في الموديل القديم والفيس ليفت برضه مختلفة عن اللى بتنزل مصر

اللى بتنزل في الخليج دي تقفيل كوري لكن اللى في مصر تركي

الخلاصة خليك في المصري بلاش موضوع الخليجي ده خصوصا عشان الضمان ولو لقدر الله خدت خبطة من ادام ممكن تبقي مشكلة لان الشكل مختلف

الوكيل زيرو الفئة e3 169.5 وفيها سمارت كي وتكيف تاتش وفتحات خلفية ومثبت سرعة ومالتي فانكشن وجنوط وفي فئة 178 بتزيد سنسور خلفي وفتحة سقف

في اعلى فئة بتزيد زينون و6 ايرباج وكراسي جلد ودي بـ188 الف

حبيبى قلبى ياسر . بك ..
اخبارك واخبار الامتحانات .
انا مشفتش العربيه فى اى معرض عندنا هو انت شفتها فين ؟
وايه رأيك فى موضوع الفلوانس .. اصل انا خلااااااااااااااااااااااا اااااااااااااااااااااااص ذهقت وقرفت من العربيات المشمومه

وفلوسها كتير وكل شويه الاقى اصحابى يجيبوا لى عربيه شكل وتفكيرى يبدأ من الصفر واحاول اذاكرها ومش عارف اركز.
انت بتدور على عربيه وانا بدور على عربيه لو ظهرت لك حاجه انت مش محتاجها وشايفها عربيه نمره واحد لااااااااااااغينى ياباشا

**طارق _عبد السلام** · 15-06-2014 07:33 PM

المشاركة الأصلية كتبت بواسطة zangry

أستاذنا الكبير اخبار حضرتك اية؟
الحمدلله انا تمام والامتحانات كويسة الي حد ما

الخليجي دي شوفتها ايام ماكنا في الكويت من ٣ سنين كده

المصري كنت شوفتها من كام شهر عند محمد زكي اللي في القطامية .. الفلوانس هتلاقيها عند الجندي اللي في طريق طنطا قبل مركز عقل بتاع سكودا ده موزع معتمد رينو وكيا ودايهاتسو كمان

بالنسبة للفلوانس هي محترمة طبعا بس هتحس انها اقل من الفانتازيا شويتين في الكماليات لان كان عندك الهاي لاين
وبرضه الثبات هيكون اقل حبة صغيرة وبرضه في عربيات فيها عيوب زي تغيير الماتور وكده ومشكلة الرينو لو مشكلة حصلت في عربية ممكن اوي تحصل في كتير عن تجربة في الميجان اللي كانت عندنا

ملقتش اي حاجة والله والحج مكسل يدور :d لو لاقيت اي حاجة نضيفة اكيد هبلغك

طب ماتشوف جارك التاجر ده يجبلك حاجة كويسة ولا غالي؟ :d

جارى التاجر كان واقف عنده 2 اوكتافيا a5 واحده 2008 شكلها عامله مصيبه ومش بتاعته وواحده 2006 هاى لاين لونها غبى جدا والعداد ملوش علاقه بالحاله وواحده فانتازيا 2009 مركبه جنط 15 بتاع 2007 شكلها قمه الغباء ههههه معندوش حاجه على هوايا اليومين دول
وهو اللى طير منى الفلوانس 2013 حالتها كانت جديده جدا بصراحه قلقنى منها وانا قلت 2013 اشتريها فيس ليفت افضل ويبقى معايا الشكل الجديد الصراحه الفلوانس اكتر عربيه عجبتنى كشكل ومضمون من يوم ما اتفرجت على المستعمل ببلاااااااااااويه
وفيه واحده ناحيتكم 2008 مع سمسار عقارات الفئه الثانيه اوكتافيا بس بيتكلم فى 125 وهى فى نظرى اخرها 210
ربنا ييسر والاقى عربيه محترمه