عابز اعمل نظام عادم كامل لشارك 2014

**mido2088** · 10-06-2014 12:14 AM

انا ناوي ان شاء الله اعمل نظام عادم كامل عند المطراوي واحد صاحبى من القاهره نصحنى بيه وقالى بيجيب من الاخر ونا شوفت عنده ايفو اكس وامات وعربيات شديده المهم انا محتار بصراحه اركب علبه remus بس عشان العربيه لسه جديده ولا اعمل نظام عادم عنده 2ونص انش واركب علبه hks عشان كدا التكلفه هتفتح لان العلبه الرايموس الاصليه داخله ف 1500 او 1800 مش عارف تحديدا فمحتاج حد يفدنى هل انا لو عملت نظام عادم كامل 2 ونص بوصصه وركبت فلتر k&n اصلى هيزودلى كام هورس بس هتبقى مستاهله يعنى ولا اركب فلتر وعلبه رايموس وخلاص واسف للاطاله

**ashouhdy** · 10-06-2014 03:16 AM

ما كنت جبت واحدة مستعملة استعمال نضيف وعملت فيها كل اللي انت عايزة

حرام تعمل كدة في عربية زيرو وكمان تخسر ضمانها

**mido2088** · 10-06-2014 03:09 PM

ايه ياجماعه هو انا بقولكو هزقها من فوق المقطم كل الحكايه انى عايز اعمل حاجه نظيفه مش اى لعب وخلاص وعند ناس محترفه انا عارف انكو خابفين عشان زيرو لسه والضمان وكدا بس انا جايب خليجى فمش فارقه واصلا انا جايب شارك عشان اظبطها بس مش هعمل اى عك وخلاص فعشان كدا قولت استشير حد دايس ف الموضوع وعموما الف شكر ع زوقك حضراتكو واهتمامكم

**samoreception** · 10-06-2014 03:59 PM

خلاص مدام مصمم ربنا يوفقك بس يبقى تصبر وتركب حاجة نظيفة يعنى تركب ريموس افضل واوعى ترمى اى حاجة من القديم تشيل كل حاجة ممكن تنفعك بعد كده لو حبيت ترجع العربية لاصلها
وبالتوفيق وصدقنى احنا خافين عليك وعلى انى العربية زيرو علشان كده قولنالك الكلام ده

**EmadFox** · 10-06-2014 09:36 PM

متابع

**mido2088** · 19-06-2014 04:57 PM

محدش افادنى بردو بنصيحه احترافيه

**Ghamrawy** · 29-06-2014 03:56 AM

صباح الفل و رمضان كريم

المطراوى من انضف الناس اللى بتعمل الكلام ده ان ما كانش احسنهم

اول حاجة :شكمان 2.5 بوصة كتيير اوى على العربية و حايضيع عزم المكنة كلها على السرعات الواطية

اخرك تكبر عن الشكمان الاصلى ربع بوصة يعنى غالبا شكمانها الاصلى 1.5 بوصة يبقى تكبر لغاية 1.75 بوصة و حاتشيل كل علب النص طبعا و تخلى العلبة الخلفية مدخلها بنفس قطر مقاس الشكمان علشان ما تعملش خنقة

تانى حاجة :

الهيدر يبقى استانلس و اعتقد حاتلاقى منه جاهز و لو مافيش حاتعمله عمولة عنده و هو فاهم شغله

اخر حاجة
شيل علبة البيئة و ركب بدالها علبة بيئة سبور و الحمد لله انها ابتدات تنتشر علشان فى عربيات بتعمل check engine بعد ما يتشال علبة البيئة منها